كرونيك: 💕💕"زواج_على_ورق"💕💕

💋البارت 12💋

12
،اريييييييج ... صاح بقوة ودموعو سبالة ... خزر لكريس ومازال مش مصدق واش صرا هيا تاني مصدومة ... دخل اسماعيل وقال هيا ندوها للسبيطار ... بدون مايفكر مرتين رفعها بين يديه ويخزرلها ويبكي كيف الطفل الصغير طلع من التالية معاه حاطلها راسها فوق رجليه ومعنقها ويصيح :يا اريج ماتخلينيش يا اريج راني بلابيك مانسواش ارجعيلي ... نحبك ارجعيلي ... اسماعيل صابر بسيف الوضع مايسمحش انو يضربو يسنا حتا يوصلو للسبيطار ويقلو انو اريج نتاعو ...
يبوسلها في راسها ويسمحلها في شعرها كان كي المهبول ... مخو راااح يشوف في اريج برك ... وصلو للسبيطار دخلها وخذاوها منو الطبا ... دار لاسماعيل وقلو
شكونك واش علاقتك باريج
اريج خطيبتي وماذابيك تبعدها ...
قربلو وقالو
انسا اريج تحبني وهي ملكي نتاعي انا فمادابيك تبلع فمك وتروح
جاء رح يرد وجات الفرميلية جراو ليها في زوج
خبريني واش بيها
انا خطيبها انا خبريني
بلع نتا
اسكتو المريضة خسرت دم وبزاف ونحتاجو دم A+
نزار : انا دمي هاك خوذو مني المهم رجعوها ....
راح معاه واسماعيل كيف المكتف للاسف دمو مش كيف دمها ... دخلوه للغرفة وبداو ينحو منو وهو مطلع راسو ويدعي تولي لاباس ... تفكر كي قلو انا خطيبها ...ماهوش عارف واش يصرا كون تولي هاذ الهدرة صح يقتلها ومايخليهاش لغيرو بدا يتخيل ... فيها مع اسماعيل يبوسها ولا يعنقها وقتها يهبل يدير مصيبة ... عارف انو ظلمها اهنها ... بصح وقتها كان معمي ... ... خرج من الغرفة هاذيك وقعد يستنا جنب الباب ...قال لاسماعيل بصوت هادي عكس الفوضى اللء يحس فيها ... -من وقتاه تعرفها ..
اسبوعين
يعني خانتني معاك
لا
احكيلي
مانحكيش مش مظطر
لازم نفهم واش كانت دير
لا
سكت ماحبش يزيد يحاولو ... بعد اربع سوايع خرجو من تما قالو انو العملية نجحت بصح رح تبقا ساعتين في العناية من بعد يخرجوها
قعد يطل عليها من البلار حاط يدو على المراية كانو يمس فيها يخزرلها ودموعو لاصقين في شوافرو ... بدا يهدر معاها في قلبو
حبيبي نوضي ...نوضي خلينا نعيشو كيما كنتي تحبي ... مش قلتي تحبيني هاني قدامك نعشقك نفنى في تراب رجليك ... نموت عليك نوضي يا حياتي انتي ...ماتعذبينيش اكثر .. متفكرة كي كنت نهينك وتبكي ...كنت نحس بسكين تغرست في قلبي حياتي تفسد اذا خرجتي منها والله ندير حاجة في روحي اذا رحتيلو ... حبيبي توحشت ماكلتك ً.. ياااه على واش كنت معمي حمار ...غالط ومنك نطلب السماح ... ندمت كيف طلقتك وخليتك على حريتك كان لازم نحبسك نسكر عليك مانخلي حتاة واحد يمسك ولا حتا يشوفك ... حيااااااااتي نوضي و ماتكوينيش ..بعدك عذبني هدني فيقي خلينا نعيشو حياة جديدة ... بقا ساعتين يحكي واسماعيل كان خرج راح لدارو يبدل قشو .... واخيرا كملو الساعتين وفاقت اريج ...