الحلقة5 رواية ( مملكة العشاق)
بقلم:- أسماء أبوشادي
______________________________________
اللهم صلي وسلم وبارك على سيدنا محمد وعلى آله وصحبه أجمعين
وبعدين
بتهيني وأقول الصبر
بتجرحني وأقول الصبر
بتأذيني وأقول الصبر
بس خلاص
حبيبي خلاص الصبر منك مّل
تعبت معاك وتعبني حبك وخايفة اكره هواك
ماتحسبنيش
ماتحسبنيش على ذنب ماعملتوش أو يمكن عملته وماقصدتوش دا انت ماسمعتنيش
طب اروح لمين وأقول لمين على اللي جوايا
وانت يا حبيبي كل ماليا وهوايا
طب اعمل ايه
اهرب منك
طب واهرب على فين
كفاية قسوة. ليه بتقسا
ارحم قلبي. خلاص الصبر نفسه مّل مني ومنك.
كفايه بقى
دي كانت كلمات سما لنفسها وهي في عربية نور عقلها وقلبها وكيانها اتفقوا أنهم تعبوا ومش قادرين يتحملوا القسوة من حبيبها
وصلوا القصر ونزلت هي من العربية بعد ما الحرس فتحولها الباب
وكمان نور نزل. ونورسين
نور بحدة/ تعالي ورايا على المكتب
سما بصتله وما اتكلمتش
واخدت نورسين ودخلت وطلعت على أوضة بنتها وغيرتلها الهدوم بتاعتها ونيمتها في السرير
نورسين بتذمر / بس انا مش عايزة انام يا مامي
سما / حبيبتي انتي بس حاسة كدة لأنك نمتي قبل كدة. لكن أول ماتسمعي الحكاية اللي هحكيهالك هتنامي علطول
وقعدت سما تحكي لبنتها حكاية وتملس على شعرها وفعلا نامت نورسين بعد ماغلبتها وحكيتلها اكتر من حدوتة
وخرجت من أوضة نورسين لقيت نور ادامها
تجاهلته وراحت على اوضتها
نور اتعصب وراح وراها لكن قبل ما يدخل هي وقفت على الباب ومسكته بأيديها علشان مايدخلش
سما / نعم
نور / أنا مش قولتلك تحصليني على المكتب
سما / كنت بنوم نورسين وخلصت وعايزة أنام لأني تعبانة وأن شاء الله يوم تاني أبقى احصلك على مكتبك
نور بحدة/ أنا حذرتك الصبح بس شكلك نسيتي تحذيري
سما / سوري أصلي بقيت بنسى كتير. عن اذنك علشان عايزة أنام
نور انتبه انها ماسكة الباب بأيديها / انتي واقفة كدة ليه وماسكة الباب مفروض انك بتمنعيني أدخل يعني
سما / لا مش مفروض هو فعلا انا بمنعك لأنه خلاص دي بقت اوضتي لوحدي وانت مابقاش لك مكان فيها.
نور مسك ايديها ونزلها من على الباب وسحبها ودخل بيها الأوضة واتكلم بصوت عالي / سمااااااا. لو فاكرة اني هسكتلك على كلامك ده ومش هعاقبك عليه تبقي عبيطة
سما بسخرية / عاقبني زي ما انت عايز مابقتش تفرق
نور بعصبية / سمااااا
أنت تقرأ
مملكه العشاق
Romanceمملكة العشاق ملعون الحب بلعنة أبدية أو بالآدق هو بحد ذاته لعنة يدخل القلب ويعشش فيه ولا يتركه ابدا وإذا اضطر على هجران عشه. تركه محطما بحيث لا يقدر على العودة اليه مرة أخرى الماضي ليس علينا بنسيانه ولكن علينا ان نتخطاه نتعلم من أخطائه. ونستفيد...
