قصة جديدة بعنوان (بنت الشيخ )
لقد بدوت هادئًة لكن داخلي كان يفيض بالتعب
و لم أكن بحاجة إلى أكثر من يقين، إلى طمأنينة
واحدة تهشّم كل هذا التيه المتراكم في زوايا
روحي."
......................................
البصرة _ الساعة ب4:30
بداية شهر العاشر
كاعدة بالمزرعة واباوع للورد وسدرة النبك والعصافير عليهه والفلح يالي يحصدون بالزرع واباوع من بعيد للمضيف كان معزول عن البيت بمسافة وكاعد باب المضيف الكهوجي يدك كهوة ريحة الكهوة تارسة المكان وصوت الرنة والدكة توصل السابع جار حياة بسيطة وعادية ولاتخلو من المشاكل بوسط مجتمع ريفي محكوم عادات وتقاليد بالية لربما تستضعف المرأة وتقوي دور الرجل اكثر
دخلت للبيت وصعدت الغرفتي فتحت الشباك حتى يدخل هوى نقي ونظيف عدلت ميز التواليت مسحت المراية والا انتبه الوجهي طالعة بي حبة بخدي الايمن وبصفهه حباية صغيرة همين ضجت كعدت على الكرسي وفتحت كتاب نظرية الفستق وضليت اقرأ بي
كلش احب هالكتاب نوعاً ما جاي يغير من تفكيري انسة نفسي وانا اقرأ بي الى ان صار المغرب نزلت جوة
ملاك.. السلام عليكم
الكل: وعليكم السلام
لكيت امي وزوجة عمي يسون كليجة ام التمر شنو الريحة الطيبة من العيد لحد هسة ما ماكلين كليجة
ام جعفر.. جدتج مشتهية كليجة ام التمر
. يمة بشرفج اريد ام الحلقوم
هوة منو الياكلهه؟ بعدين ما عدنة تمر
ملاك.. اي هسة ادز بيد الجهال يشترون حلقوم دخلت للغرفة اخذت شال وفلوس فتحت باب البيت لكيت جهال يلعبون صعت ل احمد ابن ثائر جيرانة يشتري ما قبل يروح الا انطي خمسمية الة نطيتة ورح يركض انتظرتة ع الى ان اجة
عفية عفية بالسبع
احمد.. شكرا خالة. خالة انا احبج من اكبر اريد اتزوجج
ملاك.. ههههه انا ما قبل بيك ما اريد واحد طماع
احمد.. والعباس اخر مرة نوب ما اخذ منج اذا اشتريتلج
..امممم نشوف بالله
رجعت اسوي وياهن الف ام الحلقوم
بالليل
حيدر : ملاك تعالي أريدج
ملاك : ها ولك كول
حيدر : ميار زعلانة مني أريدج تحجين وياها وتهدينهه
ملاك : اهوووو شيخلصني من هاي الصخلة حبيبتك ههههههه ماشي تدلل هسة احاجيهه واخليهه ترجعلك تعتذر
حيدر : بس أريدج اطولين خلك وياها مو تضوجين بسرعة
ملاك : اوك اوك فوكاها يتشرط 😂
حيدر : اشش اسكتي أجة جعفر
جعفر؛ السلام عليكم
ملاك وحيدر : وعليكم السلام ورحمة الله وبركاته
ملاك : هلا ياخوية وحزام ضهري وحبيبي وعمري وحياتي وكولشي
جعفر : كولي من الأخير شنو تردين
ملاك : السايق مالتنة باجر مايكدر يجي واعتذر أريدك توصلني
جعفر : ماشي تدللين
ملاك : والله انتة احلا اخو بالدنية بس لو ما متعقد
جعفر : 😡
ملاك : لا عليك الله لاتعصب أني هالكايمة منا باااي
حيدر : الله وياج ما اوصيج لا تجين للصالة بعد اذا جعفر موجود
ملاك : التوبة وهاي اذاني 👂
حيدر وملاك :ههههه
