المصارعة المراهقة _قلوب أرهقها العشق_

part 22

ناضت ايلين بزز ماهزاتش وجهها بقات منزلاه او هي كاتحلف على عشق جات برهوشة شوهاتها

عشق كاضحك عليها حيت مستحيل تحبس الضحكة واخا على راسها

الصحافة نساوا ايلين او بقاوا كايصورو فعشق او هي كاضحك جات كي شي اميرة خاصها غير التاج هوما ختارو ليها لقب الحسناء الضائعة حيت بصح بالنسبة ليهم دايرة كي شي ملاك بجمالها فيها شي حاجة كاتجذب بالاخص عينيها لي مالقاوش شي لون ايسميوه بيهم ، شافوا او صوروا تاعياوا ولكن بجمالها عمرهوم ما صوروا

جا قيس لي شاف عشق فاش عكلات ايلين ، عشق طبعها عنيدة ويلا درتي ليها شي حاجة ترجعها ليك كانت ديك لحاجة زوينة او خايبة كاترجع الدين ماكتبغيش تخلي شي واحد كايتسالها شي حاجة

قيس فرتك الجوقة

ايلين دخلات ما بقاتش خرجات

عند قيس و عشق لي رجعوا للطابلة عند العائلة

مامات ايلين تا هي شافت عشق فاش عكلات ايلين بقات كاتخنزر فيها ماحاملاهاش حيت بطبعها كاتبغي بنتها تكون اللولة فكولشي هي حالفة تاتزوج قيس لايلين مهما كان الثمن

زيد : بغيت نسولك اش دايرة فالتخصص ديالك

عشق : علوم

مجدة: يخخ مالقيتي ماديري اش عجبك فديك المادة ما كرهتش كون حيدوها من المواد لا هي لا الفيزيك

غزل : علاش درتي هاد التخصص

عشق : باش نعلم التلاميذ كيفية التوالد بين الرجل و المرأة

الولاد او لبنات تفركعو بالضحك

عشق ماباغاش تقول ليهم التخصص ديالها او تانتوما ماغنقولش ليكم تا تعرفوه

يلاه بغاوا ايسولوها

الجد : يالاه الندوة الصحافية غاتبدا

العائلة مشات شدات بلاصتها فلكراسى كانت ناقصة غير ايلين كان كرسيها خاوي

الصحافة معمرين الدفتار تاغايطرطق بالاسئلة

كانت عشق جالة الوسط او لميكرو لكبير فجيهتها
بداوا الندوة الصحافية مع اسئلة الصحافيين لي ماغاتساليش

الصحافي 1 : بغيت نوجه سؤالي للآنسة عشق ( عشق حركات راسها بالموافقة ) كيفاش عشتي حياتك او نتي بعيدة على عائلتك او واش عانيتي او واش عمرك تمنيتي تكوني من عائلة غنية حيت على حساب ماوصلني من مصادر البحث انك كنتي عايشة فحي عادي بمدينة سلا ؟

عشق : ( بالإنجليزية حيت مستحيل تهضر بطريقة مؤدبة بالدارجة تاواحد ماغايفهم هضرتها هي بزز باش ولات كاتهضر شوية بآداب و وضوح ) اولا انا عشت حياة عادية بحالي بحال جميع الناس ما عندناش او ماخاصناش ثانيا انا عمري ماحلمت انني نولي من عائلة غنية حيت الفلوس ماشي هي كولشي انا فرحانة بزاف حيت الله خلاني نبعد على عائلتي الحقيقية