قاضي الغرام
للكاتبه . انين الرووح
البارت ....٥
وصيرلج كاظم وغني زيديني عشقا زيديني .
واصيرلج هيثم وغني شيجيب باجر وصبر شلون باجر التقي وي اجمل انسان
.وصيرلج محمد السالم . ونورالزين .وفهد نوري. وبعد شتردين
طيبه ...خرب هذوله كلهم تعرفهم
عماد ....اي ليش لعد اصلا من اصعد بالسياره كبل همه اشغلهم
حبيبتي صح الشيب مالي راسي بس كلبي بعده شباب ويدور حب واغاني .
طيبه ...فدوه الشعرك المشيب غير اني اموت ع لون شعرك المشيب
عماد ....هاااا اصبغه
طيبه ....لالا ماحب الصبغ احب الشيب
اموت عليه بالاخص منك لان انت المحلي الشيب مو هوه المخليك .
عماد ...خرب اهلج وعشيرتج لج راح اكوم اكمز
مدا اصدك اذني هاي صدك انتي جاي تحجين لو غيرج
طيبه .... .ليش قابل اول مره احجي وياك
عماد ... .اي اول مره تحجين بالحب والغزل والرومانسيه
واني رجل فاقده من سنين وهسه كلبي من سمعها ما اتحمل بعد كمز من مكانه
وصار بذاني كمت اسمعه .
ولج طيبه صدك العشك حلووو اووف ياربي شوكت .
طيبه .....شنو اشوكت
عماد .... .شوكت يجمعني بيج ابغرفه وتحت سقف واحد
طيبه .....من سمعت هذا كلامه استحيت حيل وغلقت التلفون وغلقته من الرئيسي
وظليت بس افكر ابكلامه ياربي هذا شجاي يحجي هذا منو كله اني امفكره بالزواج
وظليت افكر الليل كله ابكلامه
وجه الصبح غفيت وما حسيت اله ع لعب الاطفال وعياطهم اليجيب التايهه
كمت من فراشي طلعت حضرت ريوكي اني وامي والجهال تريكنه
وست الحسن علياء بعدها نايمه عبالك عروس جديده خطيه نقش الحنه بعده ع كفوفها
.والله دنيا
طيبه ...ماما اليوم شسوي الغده .
الام ...عاجبني باميه .
صار تدللين .
كعدت العروسه تتمخطر دخلت للمطبخ شافتنه كاعدين كعدت وتريكت ولا حركت ساكن خطيه بجر وما ادري بيها
علياء ....طيبه
.نعم
طيبه.....فدوه تعرفين الحامل بأول شهورها تتوحم
طيبه .اي عيني وبشنو توحمتي
علياء ....والله عاجبني اليوم اكل سمج زوري
مكلي بالدهن
طيبه .... اي ومين اجيبلج السمج هسه اني
علياء .....لا لتخافين وصيت علي وكال شويه واجيبه بس اريدج انتي اتكلي لان اتعرفين اني اتعب
.بس اليوم عندي موعد مع الدكتور علمود امي شنو يعني اروحله امسمجه وماما عاجبها باميه تاكل
.الام ....لا يمه سوي سمج.
علياء ....عيني شدعواج عود سبحي وتعطري وطلعي
.لو متعرفين وره السمج لازم نسبح .
طيبه ...لا ماعرف والله همزين انتي نطقتي وعلمتيني
.ان اشكرج عيوني علياء عالنصيحه
علياء ....لا ولو طيوبه ادللي لازم نفرح اليفه
.وخلت وكامت خرب ردت اكوم اكفشها من شعرها بس امي لزمتني
الام ... يمه فدوه رحتلج عوفيها خليها تحجي
.يوم ماسمعتيها شكالت
.والله اسمعت بس شتردين اخوج يسمع ويجي يطردنه من البيت
.لا يوم ميكدر يطردنه لان هذا بيتج انتي
