الفصل الثالث:-
{كـذب..!!}
هبة بصدمة:يا نهار أسود يا بابا يا نهار أسود..
_إهدي يابنتي طيب روحيلها دلوقتي.!!
_أيوة أيوة أنا هعمل كدة هكلم حنين وأشوف..
سيد:طيب هنزل أنا على الشغل
_ماشي يا بابا..
ثُمَ تناولت هاتفها وهاتفت "حنين"
حنين: إزيك يا ندلة عاملة إيه؟
هبة:آآانا الحمدلله إنتي عرفتي إللي حصل لـ"رهف"؟!
حنين بإستفهام:رهف؟احنا بقالنا فترة مش بنتكلم مع بعض هو في حاجة!!؟
_أنا لسة شايفة خبر إنها عملت حادثة هى وحازم ووقعوا من على جبل..
حنين بصدمة:يا نهار أسود إزاي دة حصل ؟؟ وحصل آمته يا نهار أسود..!
هبة: ما أنا لسة عارفة دلوقتي من الجرنال بتاع بابا وكاتبين اسم المستشفي إسمها "....." هتروحي آمته !؟
حنين: أنا هدخل ألبس خلينا نتقابل في "..."
_ماشي!!.
...
"فـ أسوان داخل المستشفي.."
حازم بألم:طب هي كويسة؟
سعيد بكذب:أهه هي كويسة بس..بـ..
_بس إيه!!؟
سعيد: هي نايمة دلوقتي صح يا دكتور..؟
مُحسن:هه..أيوة أيوة ، إرتاح إنتَ بس دلوقتي وبعدين نبقي نتكلم عشان راحتك.. يلا يا أستاذ سعيد
حازم:إستنى بس!!
مين الأستاذ دة..؟؟
مُحسن: دة إللي جابكم من عند الضفة،إستريح إنتَ دلوقتي..
ثُمَ ذهب إلي الخارج يجاوره "سعيد"
صاح مُحسن بـ سعيد قائلا:الله يخربيتك يا عم سعيد..!
سعيد بضجر:وليه الغلط بس يا دكتور!!؟.
مُحسن: إنتَ غبي يا سعيد رايح تقوله مراتك هنا وإحنا نعرفها أساسًا ؟؟
_الله إللي طلع معايا بقي..
مُحسن: يارب بس ميسألش تاني عشان لو سأل والله هقوله..!!
...
_هي مامي فين يا تيتا!!؟
أردفت "چوري" بتِلك العبارة بإلحاح على جدتها"سلوى"
سلوى بآسي:جوا يا حببتي جوا..
چوري ببحة بها بُكاء:أنا عايزة مامي يا تيتا أنا عاوزاها قوليلها چوري بتعيط هتيجي على طول..
وبدأت في البكاء..
_إهدي يا حببتي هتيجي خلاص..آآ
قطعت حديثها عِندما رأت صديقات إبنتها
حنين بقلق:إيه إللي حصل لـ رهف يا طنط!!؟
سلوى ببكاء:كانت مسافرة هي وحازم وعملوا حادثة من علي الطريق الصحراوي..
هبة:طيب هي عاملة إيه دلوقتي!؟
_عندها كسر فرجلها ووشها كُله متبهدل ، لما فاقت قالوها حازم مات فـ إنهارت ودلوقتي نايمة ياحبت عيني
هبة بصدمة:هو حازم مـاات؟؟؟..
سلوى:منعرفش لسة أي حاجة عنه ربنا يستر ويقف معانا آمين يارب
حنين بموساه:خير إن شاء الله
...
_تعرف إنك تستاهل ضرب الجزمة ياابن بطني..!!
نادر بإبتسامة مرحة:لية بس ياست الكُل!!؟
صفية بمعاتبة:وقعت قلبي فرجلي قولت جرالك حاجة
نادر بمشاكسة:ألحقه قبل ما يقع..
صفية:هتلحق إيه يا قليل الأدب..
نـداء:بس إيه الرضا دة كُله يا نادر باشا المدام نفضتلك؟؟
_إنتي مالك إنتي؟ وبعدين خرجنا وروحتاها..
_هعمل نفسي صدقتك..
صفية:أنا عارفة سبب الخروجة دي..
نـداء بإنتباه:وإيه هو!!...
نادر بحنو:رغم تُقل دمك بس دة عشان حبيبت أخوها كان أول يوم ليها فـ المستشفي..
نـداء وهى تعانقه بسعادة:حبيبي بقي ربنا يخليك ليَ
نادر: ويخليكي يا روح أخوكي..، يلا بقي أطلبوا هتاكلوا إيه
نـداء: الأول عايزة عصير بطيخ..
_نــعـم؟؟؟!!
...
{فـ آسوان...!}
بعد حلول المساء إستيقظ "حازم" وهو مازال يشعر بالألم زائد الكسر الذي بيدية اليُمنة ، أتي إليه "مُحسن" وهو يضع دواءًا ذاخل المحلول المُعلق..
مُحسن: عامل إيه دلوقتي يا كابتن؟؟
حازم:بقيت أحسن الحمدلله...
وهم بمغادرة الفراش فقاطعة مُحسن قائلا:رايح فين!..
تمتم حازم بنبرة حادة:رايح أشوف مراتي وحضرتك مش هتقدر تمنعني إنتَ فاهم؟!!...
مُحسن: إنتَ فعلًا مش هينفع تخرج من هنا.
حازم بغضب:وإنتَ مالك إنتَ؟
حاول النهوض مرارًا ولم يستطع إلي أن قال مُحسن:-
_مراتك أساسًا مش هنا وإحنا منعرفش إذا كانت كويسة ولا لا أساسًا إحنا فـ أسوان مش فـ القاهرة..!!
_يتبع..._
YOU ARE READING
غيـوم المـطر 2 للكاتبـة آية إبراهيم
Mystery / Thrillerلأزالت داخل تِلك المتاهة لا تعلم أتستطيع الخروج منها أم ستبقي لا تعلم إنها حمقاء تنخدم من أقرب الناس إليها وهي التي ظنتهم يخشوا عليها أما الحقيقة فهم كانوا يسربوها للسراب رويدًا رويدًا ؛ لا تعلم إنها ستقع بالغرام غرام مُشبه بالعاصفة بالمطر لا تعلم إ...
