ثامن عجيبة💓Eighth Wonder

الُبّارَتْ الٌُخامٌسِ ْعشِرَ15

أهلا أهلا 🙋
شن جوكم
البارت هذا عنوانه الخيانة والفراق💔
وأبطاله رواند +محمد ووسن وخليل وشخصية جديدة
والبطولة لمحمد اكثر شي وحنستخدم فيه لفظ أني لأول مرة هوا صح جربته للبارت التاسع لكنه امتسح ،ونتمنى ان هذا حتا هوا ما يمسحش👐

رواند:😡 مبردك نهههه ،وانتا تمشي بشكلك هادا
محمد يضحك ومحلا ضحكته :😅 ،شنو جدي نمشو??
فتحي :اي ،عادي تمام امشو
محمد مصدوم:مستحيل😰😨
فتحي: تي خيرك مصدوم شنو قولت انا
محمد حط يده ورا رقبته:اه لا شي😅شنو ياعمي عادي
جهاد:عادي ،تمام لاكن دير بالك منها
محمد:حاضر عمي،بنتك في الحفظ والصون
جهاد:ربي يحفظك
محمد:تسلم ، هيا رواند
رواند:تمام ،نبدل ونجي😊
محمد عطا بظهره و لف للباب :mee to

'عند وسن'

كانو كلهم مقعمزين في جنان حوش أمالي خليل ،وسن وخليل و أمه واخته وخطيبته السرية

!طبعا عيلة خليل ماعندهمش لا أسلوب ولا منطق فسامحوني ع اللي بنكتبه!
خديجة تناشب :شنو يا وسن فاتت 6 شهور ،وانتي لا حملتي ولا جبتي لنا خبر يفرحنا 😒
وسن :كل شي من عند ربي،ومن قال انا مش حامل
خديجة:هو صح كله من عند ربك لكن حتا انتي مساهمة😏
'وسن قلبت عيونها وفنصت في خديجة وطبعا خليل ما عجبتاش تفنيصة وسن'

خديجة:هالله الله يا بنت الجربوعة غير من امتا،حركات تقليب العيون ولا مشيتي شهر من مرواحة خوك تعلمتي كلشي،الله غالب ،ناس ماتعرفش تربي،وتقول بنتي ما ناقصها حاجة 😒
وسن:من قصدك بالجربوعة??'
خديجة:اديكا الباردة ،التافهة امك ومرت خوك الأجنبية علماتك دروس خصوصية وغسل دماغ و كلشي

وسن تعصبت وخاصة انها تتكلم على امها وخوها ومرته قدامها والمشكله مش من وراها ،المرة هيا مفيش حشم وبكل صحة وجه قدامها ولا حاولت تلمح،وجعتها روحها هلبا وجتها ع الوريد💔 خبطت الطاولة بيدها وقالت بصوت معصب وعالي ،على قد ماحاولت تمسك روحها لكن في موقف كهذا لازم تثبت شخصيتها مش كرة ثانية تعرف على من تتكلم 😠

وسن:تي شنو هذا عيني عينك قدامي هكي،تتكلمي على امي وخويا ومرته ومن قدامي وي وجهي 😡 ،ماعندكش حتى احترام شويا ليا،حتا لو مش انا يلي قدامك احترمي نفسك ع الأقل😡 وهوا صح انتي توا تقولي فيها بكل برودة دم،لكن لا ،انا هنا ومش ح نسكت ليك ،طالما اني ما جبدتش شرفك وعيلتك وولدك فا حتا انا ما تجبدينيش باهي،حرمتوني من شغلي ورضيت نتزوج ع الورق ،ونضم ونخدم ليل نهار عندكم وياريت حتى دايرين لي قيمة بينكم،بنتك تقرا وترقد وانا لا ، ديما نخدم عندكم اااه،لا تليفون لانت ،شنو انا مانحسش لو تحملت!،اصلا سكتت هلبا وانتو يلي يسكتلكم تركبو عليه😡

خديجة بدموع تماسيح:شوفتها يا ولدي شوفتها😥 كيف ترد على امك قدامك ،كنة وحدة ومبهدلتني ،يانهاري تعالي اضربيني وخلاص ،تعالي هيا😢 اصلا الحق مش فيك الحق فيا انا وولدي جايبينك را ،ولدي واني ومش محترمة وجودك يا خليل ،انتى راجلها وترد على امك ،مافالحة غير في الليان وقلة الإحسان😔 ،نوضلها ياخليل نوض ،تي دير موقف لروحك يا مرخي ،وين رجولتك