قلبي هاجر اضلعي .. هرب مني اليك

جزء 4

✨ البارت الرابع

( بداية الجحيم)
~~~~~~

فرنسا

الجمعه 6:00م

اليوم اخر يوم للعزا
جيمس : لقد حزنت كثيراً اتمنى لكِ الصبر
ميان بحزن : شكراً لك جيمس
جيمس : إلى اللقاء

خرج جيمس من المكان وهو اخر واحد وباقي لجين عند ميان
لجين :ميان بسألك سؤال
ميان بصوت مبحوح : هلا
لجين : ابوك م عنده اهل
ميان : إلا اكيد
لجين : وينهم م شفنا احد منهم
ميان : ولا ابي اشوفهم اصلاً
لجين : طيب ايش السبب الي خلاهم بعيدين عن ولدهم ومايسؤلون عنه
ميان : انا م اعرف شيء عنهم ومن يوم وعيت ع هالحياه وانا م شفت ولا احد منهم لا كبير ولا صغير
لجين : غريب يعني م فكرتِ تسألين ابوك
ميان : وسام الله يرحمه سأل كم مرا بس كان يتهرب من الإجابه
لجين : يعني لو نروح دارهم م نلاقي شي بخصوص اهله
ميان : لا م ابي اعرف خليني كذا احسن لايعرفوني ولا اعرفهم
لجين : بس الخبر انتشر بكل انحاء العالم يعني معقوله م عندهم خبر
ميان : والله م ادري ي لجين
لجين : يالله خلينا ننام
ميان بتعب : يالله

وراحت تنام
~~~~~~~

الدمام
الجمعه 8:00ص

الجد اخذ تليفونه واتصل على
ام فيصل : هلا يبه ؟
الجد : هلا حصه شلونك يبه
ام فيصل بحزن : بخير انت شلونك
الجد : الحمدلله بخير
ام فيصل : سم يبه اش بغيت
الجد : ابي اليوم الكل يكون متواجد من عيالي ولا حفيد ينقص في اجتماع ضروري للعيله
ام فيصل : ان شاءالله يبه بخصوص شنو
الجد : المغرب تشوفون وكلمي ام الوليد وخلي الوليد يكون موجود م يتأخر
ام فيصل : ابشر يبه الحين اكلم اخواني
الجد : الله يعطيك العافيه فمان الله
ام فيصل : فمان الكريم ي غالي

وقفلت الخط
ام فيصل : خير اللهم اجعله خير
فيصل : خير يمه؟
ام فيصل : اجتماع للكل اليوم ضروري
فيصل : غريب!

كلمت الكل واعلن الخبر انو فيه اجتماع ضروري للكل في بيت الجد بعد المغرب

----

روان : اكيد عشان ذاك الشي
رامي : الي هو
روان :بتعرف المغرب
راكان : اختنا ذي داهيه عندها احد يوصل لها الاخبار
تركي : اي نوف الحب موصلتلها اكيد
شوي اتصل فون روان
روان : هلا ريماس!
ريماس : هلا روان سمعت عن اجتماع اليوم ؟
روان : اي سمعت بس اصبري اطلع داري لأن جنبي ملاقيف
تركي شمق لها ورامي قرصها
روان : اييييييي
ريماس : بل بل علييييك فجرت ام اذني الله ياخذك
روان بتألم : طيب ي رامي ي ****
رامي : ترا اعطيك وحدا ثانيه
روان طنشته ووقفت وتمشي وتتكلم بفونها
ريماس : ول عليك انتي واخوانك
روان : ملاقيف ملاقيف
ريماس : تتوقعين عشان عمنا او بنته
روان : اي اكيد ي خبله اجل بيخلونها هناك لحالها
ريماس : احسهم بيقسون عليها
روان : اي الله يعينها بيحطون حرة عمي ابراهيم وزوجته فيها
ريماس : والله اني حبيتها كثير ياخي تجنن
روان : اي والله بتجي وحدا بتغطي ع جمالي
ريماس : ي شين السرج ع البقر انتي مصدقه نفسك مرا
روان : والله اني مخقق العيله وحتى ذاك اليوم رحت لنوف وشافني خالد
ريماس : اماا تمزحي
روان: والله م اكذب كنت اجري وصقت فيه وطحت ؛(
ريماس : ههههههههههههههههههههه اممما تمزحي والله اح اش هالموقف
روان : والله م احسد عليه
ريماس : بالله كيف شكله
روان : والله كانه الوليد بس بعيون طيبه مو يطير منها الشرار
ريماس : لو خيروك بينه وبين الوليد مين بتختارين
روان : خالد والله الوليد يخوف نفس جدي م عنده غير عقاااب
ريماس : طيب حلو الوليد تعجبني شخصيته
روان : يارب يتزوجك ياخي
ريماس : امين
روان : الحمدلله والشكر
ريماس تضحك
روان : شوفي الساعه كم؟
ريماس : يالله قومي تجهزي وانا بعد نتقابل هناك
روان : اوك
قفلت فونها واخذت شاور ولبست جينز وتيشيرت اسود ولمت شعرها بشكل مبعثر