—فهميني حاجهه واحده بس البخليك تسلمي عليهو شنو والموقفك معاهو شنو اساسا لدرجه يتجرأ ويمسك يدك،،،،ردي لي??،،،قولته ليها ياعمتو والله سالم فهم غلط اساسا منذر ما مسك يدي،،،بس سلم علي ومشى،،،انا حتى ما وقفتا معاهوو،،،قالت لي يااخي،،،قصدك سالم كذاب يعني،،،هوي يابت ادم هووي،،،احسن تتعدلي معاي،،،،فاهمهه ولالا،،،سالم قال ليها يا امي دي مابنفع فيها،،،احسن ترجع بيت حبوبه،،،زي ما كانت قاعده هنااك،،،بدل تقعد هنا وتجيب لينا البلاوي،،،عمتو فاديه عاينت لي ورجعت عاينت لي سالم،،قالت ليهو انا لو في يدي ثانيه ماتقعدها هنا،،،بس كل ما اوديها بيت حبوبتك يجي اخوك يرجعها،،،اعمل لي شنووو،،،،وانت حافظوو كويسس،،،قال ليها اي نعم زين راسو قوي واي شي،،،بس لو عرف بعمايلا دي ح يرجعا،،،وانا بعدين ح اكلموا،،،قولته ليهو انت بس فالح لنقل الكلام عامل زي النسوان،،،لا انت اساسا منهم لانك ما راجل😊،،،عمتو قالت لي يابت،،،سالم جاا علي وضربني كف،،،ودخلني الغرفه وطلع الحزام حقو وبقى يضرب فيني بكل قوتو،،،قال لي انا الليله ح اوريك رجالتي دي يا كلبهه،،،انا نهائي ابيت ابكي بس بعاين ليهو،،،ضربني لحدي ما جسمي جرا دم،،،،لمن طلع سامعهه عمتو قالت ليهو تستاهل احسن ضربتها عشان تتربى،،،بس،المصيبه في اخوك لو عرفك ضربتها،،،البعملو فيك ما هين،،،قال ليها يعمل اليعملو ولا بهمني،،،وقام طالع وقفل باب الشارع طاااخ،،،،انا بقيت ابكي بأعلى صوت،،،،جاتني عمتو قالت لي امسحي،دموعك دي،يا السمحهه وراك غسيل،،يلا قومي،،،،قعدتا مسافهه في الارض،بعدين قومتا،،،،،وانا طالعهه لقيت لدن بت عمتي،،،قالت لي بخلعه يابت مالك عامله كده،،،وبتبكي كمان،،،قولته ليها ماف شي،،،قالت لي لا في،،،اكيد ماما وسالم سألوك صااح،،،قولته ليها لا يا لدن ماف شي،،،ولا اشتغلت بي بقت تنادي امها بأعلى صوت،،،لمن جات،،قالت ليها عملت ليكم شنو عشان تعملوا ليها كده،،،سالم تاني ضربها صاح،،،كويس،يا ماما بس،لمن زين يجي الليله،،،قالت ليها وهي،بتجوط،،بتهدديني بزين،،،انا امو الوالداهو بتخوفيني،بيهو كمان،،،خلي يجي ح يعمل شنو يعني،،،قالت ليها ح يوقفكم انتي وسالم عند حدكم،،،،علشان تبطلوا تضربوا المسيكنه دي بسبب وبلا سبب،،،،قالت ليها هووي يا بت احسن تحترمي نفسك وماتتدخلي،،،قالت ليها ماما وحات الله ماعاوزه اتكلم،،،،قرفتا من البيت دا بسبب كترت المشاكل البتعمليها انتي وسالم،،،عارفه ح اعمل شنو? ح امشي اسكن مع حبوبهه،،،،احسن لي من القرف دا،،،ومشت قبل تسمع امها عاوزه تقول شنوو،،،التفت علي قالت لي وانتي الموقفك شنو،،،مش،وراك غسيل،،،،طوالي،مشيت من جمبها وانا غالبني المشي،زاتوو،،،،قعدتا اغسل الملابس،،،،الحمد لله ما كانت كتيره،،،غسلتها كلها وبعدين استحميت، وسرحتا شعري،،،،وقعدتا في غرفتنا انا ولدن،،،بتذكر في بابا وماما،،،،وكيف كانت حياتنا واسي كيف،،،،💔💔
طبعا بابا اتوفى وانا كنت صغيره يعني حتى ملامح وشو ما متذكراها💔،،،لمن عمري بقى10سنوات،،،ماما قررت تتزوج،،،واهل ابوي وقفوا ليها في وشها،،،وقالوا ما من حقها تتزوج،،،وعملوا ليها مشاكل كتيره،،،لحدي ما وصلت بيهم المحاكم،،،،واهل ابوي كانوا مصريين انو ياخدوني من ماما،،،واتجرجروا في المحاكم،،،لحدي ما حق الحضانهه بقى من نصيبهم،،،طبعا ما عملوا كدهه عشاني،،،بس،علشان قروش،بابا الخلاها لي ههه،،،لمن عمري وصل12،،،طبعا ماما اتزوجت وسافرت قطر مع زوجهاا،،،،وعندها ولد اسمو خالد،،،،،،،بابا اسمو ادم مالك اكبر الشركات في البلد،،وماما اسمها نور في زمانها كانت مذيعهه واهلها كلهم في السعوديهه💜،،،،،،،في الاول كنت عايشهه مع جدو وحبوبه وعمتو مناهل في البيت الكبير،،،،وكنت متعلقه بعمتو مناهل دي شدييييد لدرجه انو لو ما رقدتا جمبها مابنوم،،،،وصل عمري14سنهه ودي السنهه الاتوفا فيها جدي،،،،وبعد سنهه عمتو مناهل جاها عريس واتزوجت وسافرت،،،،طبعا انا بكيت بكى يمكن دي اول مره في حياتي ابكي كده،،،دا حتى ياخ لمن ماما سافرت مابكيت للدرجه دي💔💔،،،بقينا انا وحبوبهه بس في البيت،،،،وكانت دي الحاجهه الوحيده المصبراني في حياتي،،بقول ليها ماما فاطمة،،،بريدا ريده كده غريبهه❤️❤لمن بقيت في عمر ال16سنهه عمتي فاديه طلبت من حبوبهه انها تأخدني اسكن معاها علشان عندها بت في،عمري وح نفهم بعض،،،ومن هناك مدرستي،قريبهه ووعدت حبوبه انها ح توفر لي اي،حاجهه،،وفعلا انا صدقتا ومشيت معاها في الاول تعاملا معاي كان حلوو شديد،،،والحاجهه البتجيبا للدن بتجيبا لي وكدهه،،،بس،فجأه اتغيرت وبقت تشغلني،في البيت كتير بحجهه انها مابتقدر على البيت براها،،،ولمن لدن تكون حابه تساعدني بتقول ليها لا خليها براها عشان تتعلم شغل البيوت،،،،عيشتني ازفت مرحلهه في حياتي وخلتني اتمنى الموت كذا مرة بس بستغفر،،،والشي،الكان مصبرني على دا كلوو زين❤️اللي في،وجودو هي نهائي مابتقول لي افعلي،كذا ولا كذا،،،وانا كنت برتاج للحاجه دي️،،،،امتحنتا شهاده وجبتا نسبهه عاليهه كنت ادبي،،،،ماحبيت اخش،مجال علمي خالص،،،،درستاا تسويق وحاليا دي السنهه التالتهه لي،،،عمري19سنهه،،،،،مابحب المداخلات والونسات،،،حتى قليل شديد اني اضحك او اتونس،،،الا مع زول واحد،بس،،،وهو زين💜،،،دا البقى لي،اخو وصاحب وابو وحبيب وكلووو،،،،كان راحهه نفسيه بالنسبهه لي،،،رغم كل المريت بيهو،،،كان هو سندي ومابرضى فيني،نص كلمهه،،،،،،في عز سرحتي،دي جاتني،لدن ناطهه،،،قالت لي،الجميل سرحان في شنوو?? قولته ليها ولاشي،،،قالت لي،اممم شكلك بتفكري في زين صاح،،،قولته ليها وافكر فيهو لشنوو،،،قالت لي يابتي عيونك فاضحااك😂😂👊عاملين لي،فيها اصحاب،،،وانتو دااييبين حب،،،قولته ليها ماف كلام زي دا والله،،،انا بس،كنت بتذكر في،بابا وماما وكده،،،قالت لي اووبس،،،،وحاولت تغير السيره،،،قالت لي،طيب يا ستي مدام الليله الخميس والجوو هنا متنشن،،،رايك شنو نمشي نبيت مع حبوبه،،،لانو انا اشتقتا ليها شديييد،،،قولته ليها حتى انا اشتقتا ليها،،،قالت لي طيب نمشي،ونبيت،ونجي،بكره المساء تمام،،،قولته ليها،طيب،،،قالت لي،خلاص قومي البسي،،،وانا ح اضرب،لي زين اكلمو علشان مايعمل لينا موضوع بعدين،،،ابتسمتا ليها،،،طلعتا لي،عبايه بس،،اساسا مافيني حيل علشان اطلع لبسهه،،،لبستها من فوق البجامهه ولفيت الطرحهه،،،جات لدن لبست واتظبطت،،،قالت لي واافق،نمشي،،،بس،رفض نبيت💔قولته ليها اساسا دي،حركاتوو،،،،قالت لي ارح طيب علشان الزمن ما يسرقنا،،،طلعنا واجرنا لينا امجاد،،،طبعا نحنا في بحري وحبوبه في المهندسين ،،،،وصلنا الساعه3كده،،،،ضربناالجرس فتحت لينا الحبشيهه،،،قالت لينا حبوبه نايمه،،بس عمو عصام قاعد،،،طبعا عمي دا فكهاني لدرجه الهباله.💔😂😂😂وجدي الله يرحمو كان بقول لي نفس طبايع ابووك ياها طبايع عصام،،،،مشيت لقيتو بحضر في اسبيستوون💋😂😂قولته ليهوو ماكده لكن ياعموو،،،،،لدن قالت ليهو بتبالغ ياخالوو😂😂👊يااخ نحنا خليناها،،قال ليها هوي هوي انتو كبار،،،انا لسهه شباب،،،قام سلم علينا،،،باس لدن في،راسا وانا باسني،في راسي،،،،قال لينا شنو الافتراء مالكم،،،مابتجوا ولا بتسألو?? لدن قالت ليهو مع الجامعهه بس،،،قال لي ننوس كيفك ان شاء الله كويسهه،،،قولته ليهو كويسهه والله،،،كيف انت،،قال لي تمام والله،،،،قعدنا نتونس كداااا،،،بعدها حبوبهه صحت،،،قالت لينا بناتي السمحاات،،،قولته ليها ماما فاطمه وجريت حضنتها وبقيت ابكي معاها،،،،طبعا هي،كل ماتشوفني بتبكي وانا مابقدر امسك نفسي نهائي💔💔عمو عصام قال لينا صلوا على النبي،،،ماممكن كل ما تتلاقوا تعملوا كده،،،قولنا ليهو عليه افضل الصلاه والسلام،،،،مسكتا حبوبهه وقعدنا في الكنبهه،،،لدن جات باست راسا ويدينا وقعدت تتونس معانا،،،،قالت لي لدن خباارها فاديه ماجات معاكن ،لدن قالت ليها بتجيك بكره يا حبوبهه،،،نحنا جيناك الليله علشان اشتقنا ليك وماقدرنا ننتظر لحدي بكره،،،قالت لينا ياحليلكم،،،اولاد الغوالي والله،،،،وبقت حاضناني عليهاا،،،،اتغدينا وصلينا المغرب،،،،وشربنا الشاي،،،عمو عصام قال لينا والله يااخي بفكر اتزووج،،،لدن قالت ليهو خالو انت اخر من يتزوج لانك ما جادي😂😂👋،،،حبوبهه وماما وباقي خالاتي،غلبوو معاك،،،فبالله ماتعمل لينا رعب ساي😂😂،،،قال ليها انا المره دي،جادي والله،،،بس،القوا لي العروس😂😂💔لانو العمر جاري،،،اسي،انا عمري 36سنهه،،،في واحده ح تقبل بي??? لدن حدرت ليهو وقالت 37سنهه قصدك😷😂،،،قال ليها بزعل اي،اها😏،،،قولته ليهو طالما وسيم الف واحده تتمنااك يااخ،،،دا كفايهه طيبتك وحنيه قلبك،،،عاين لي،لدن وقال ليها سامعهه الكلام الموزوون😍❤️حبوبهه قالت ليهو والله ياولدي،انت لو جادي وبتدور العرس،،،انا مابمانعك،،،بس اوعااك تلعب بينا زي كل مره،،،،ليك 10سنوات بتقول عاوز تعرس،،ولسهه قاعد،،،وانا ما ناويهه اموت الا اطمن عليك يا ولدي،،قال ليها بعد الشر عليك يمهه،،،ان شاء الله تشوفي اولاد،ننوس كمان خلي انا القرييب دا😂😂💔شويهه وجرس الباب ضرب،،،الحبشيهه فتحت،،،لدن قالت لي خلاص راجلك جاا،،حمرتا ليها ونزلتا راسي،،،،دا زين ،،،ريحتوو سبقتوو💜💜،،، قال السلام عليكم جميعا عمو عصام قال ليهو اووو وعليكم السلام،،،وين انت يا زول،،،وسلم عليهوو،،،زين قال لي والله قااعد في البلد دي،،،سلم على حبوبهه وباس راسا،،قالت ليهو ولدي الرررزيين الرااايق،،،كيفك،،،قال ليها كويس والله ياحبوبهه،،كيف صحتك،،،قالت ليهو نحمد الله،،،،قعدنا نتونس معاهم،،بعدين زين قام،،،قال لي حبوبه وعمو،،ياجماعهه نحنا نمشي بعد كده،،،،حبوبهه قالت ليهو يا ولدي ماتقعد،،قال ليها والله تعبان ياحبوبه عاوز امشي انوووم بكره المساء بجيكم،،عمو عصام قال ليهو طيب يا ابني ما تخلي اخواتك يبيتوا،،،،جااي تسوقهم لي،،،رفعتا راسي لقيت زين بعاين لي،،،قال ليهو والله ياخال هم ماكلموني من بدري انهم عاوزين يبيتوا،،،حبوبهه قالت ليهو لو بدورن يبيتن معاي،،الا ياخدن اذنك يعني??? قال ليها لالا يا ست الكل ما قصدي،والله،،،يبيتوو طوالي دا انتي تأمري بس،،،،قالت ليهو اي غشني بكلامك المعسول دا😒قعد يضحكك،،،قال ليها والله ما كده ههه يا ستي،طيب خليتهم ليك،،،تاني،في،شي،،،قالت ليهو لا،،،قال ليها طيب انا لازم امشي،،،،وودعنا وطلع،،،بعد شويهه جات الحبشيهه،،قالت لي زين دايرك،،،لدن بقت تعاين لي وتتبسم،،،عمو عصام قال لي قومي شوفيهو يكون نسى حاجهه،،،قومتاا وطلعتا بره لقيتو واقف قدام عربيتوو،،،قولته ليهو مالك?،،،قال لي ح اشتااقك،،،طبعا انا راسي،بقى تقيل ويديني،نملوا وعرقتا عرق شديد😂😂😂💔،،،قولته ليهو ووبعدين،،،قال لي وبعدين انتي كان المفروض تكلمني انك ح تبيتي،،،قولته ليهو بس،انا ما فاكره انو حبوبه ممكن تصر عليناا،،،قال لي،اممممم،،،قولته ليهو طيب امشي،،،قال لي ماقادر،،،قولته ليهو ليهه? قال لي من غير ليه،،،وقفناا مساافهه،،،بعدين قولته ليهو وربي،رجولي وجعوني يلا سلاام،،،كنت ماشهه مسكني من معصم يدي وضغط،علي،،،صرختا بصوت عالي،،،قال لي بسم الله مالك،،،قولته ليهو لالا ولا شي،،،قال لي كيف ولا شي،وريني،،قولته ليهو ماف شي يا زين،،،مسك يدي بالغصب ورفع العبايه،،،لقى يدي محمره وفيها اثر الضرب،،،قال لي بلهفهه وخلعهه دا منو العمل فيك كده? قولته ليهو زين ماف شي انا كويسهه،،،قال لي،سالم صاح،،،قولته ليهو اااا،،،قال لي ايناس دا سالم صاح،،،قولته ليهو اي بس هو ما كان قاصد يعمل كده،،،انا الاستفذيتو الصراحهه،،،قال لي ولوو ابدا مامن حقو يمد يدو عليك،،،كان زهجان ومزاجو اتعكر،،قولته ليهو طيب ممكن تهدى،،،قال لي لا،،،قولته ليهو زين انا الغلطا عليهو،،،وهو اتجاوز حدودو لانو ماقدر يمسك نفسو،،،بس،ما اكتر،،،قال لي مامن حقو،،فاهمهه ولالا،،،،نزلته راسي وسكتنا شويهه،،،قال لي خلاص خشي،جوه انا ماشي،،،قولته ليهو اول اوعدني،،،ما تسألو،،،قال لي،ايناس،خشي،جوه،،،قولته ليهو زين،،،قال لي اللهم طولك ياا رووح،،حاضر ما ح اسألو،،،باس راسي وقال لي يلا خشي جوه،،،دخلتا واشرتا ليهو بيدي ابتسم لي ودور العربيه،،،،دخلتا جوه،،،عمو عصام قال لي بوصي فيك ولا شنو اتأخرتي كده😂💔،،،لدن قالت ليهو لازم يطمن عليها حتى يمشي مهما كان دي الزوجه المستقبليه ياخ💔😂😂وقفتاا وعاينتا ليهم ،،قولته ليهم ومين قال انو ح نتزوج،،،حبوبه قالت لي انا❤️😂قولته ليها حتى انتي يا ماما فاطمه،قعدوا يضحكوا علي😷😢💔،،،،،لمن جينا ننوم كانت الساعه عامله 11اتصلتا بزين مكالمتين ما ردا،،،اتصل لي بعد ربع ساعهه،،،قال لي المصحيك للزمن دا شنووو،،،قولته ليهو كنت حابه اطمن عليك وصلتا كيف،،،اكلتا شربتا استحميتاا،،،قال لي وعاوزه تتأكدي اذا سألتا سالم ولالا صاح،،،قولته ليهو اممم اي،،،سألتو يا زين صاح،،،قال لي انا وعدتك،،يعني استحاله اخلف بوعدي مهما كان فهمتي❤️،،،،قولته ليهو اممم،،طيب تصبح على خير،،،قال لي حيلك حيلك،،،ماف نوم،،،قولته ليهو بس،انا نعسانهه وعاوزه انوم،،،قال لي طيب مافكرتي بكره الح يجهز لي جلابيه الصلاه منو وانتي ماف،،،💜قولته ليهو اووف طلعت من بالي،،،،قال لي يعني بكره ح امشي المسجد مبهدل،،،لانو مرتي ماهنا،،،قولته ليهو مرتك في عينك يا زين😷😢👋،،،قال لي مالك يازولهه،،،اساسا الناس،دي كلها عارفه انو نحنا لبعض صاح،،،قولته ليهو ما غلط❤️🙈هييي لا اقصد نحنا اساسا مابنحب بعض فكيف ح نتزوج،،،،قعددد يضحككك قال لي يعرفوك شافعهه كيف😂😂😂😂💔💔،،يعني بس البحبو بعض هم البتزوجو،،،قولته ليهو يب،،،قال لي لا وحاتك،،حتى الاصحاب المدارين حبهم وراا حجهه الصداقهه بتزوجوا،،،،💜
