هتوحشوني جدا ،دي اخر الروايه ،بشكركوا جدا واتمني انها تكون عجبتكوا،وانشاء الله نتقابل في روايه جديده
#رحله_انتقامي
الخاتمه❤🌸
بعد مايقرب من عشرين عاما وفي منزل فارس الانصاري، كان يوم التجمع العائلي
:بصي ي ستي،انا كده ظبطلك كل الي هتقدميه للمس يوم الحد تمام كده؟
:شكرا يامارو مش عارفه اقولك ايه بجد انت ساعتني كتير وكل شويه لما اطلب منك حاجه تعملهالي،بحسك منقذي ربنا يخليك ليا،انت احلي صديق ف الدنيا دي..
مروان(ابن انس):وانتي اجمل بنوته ف الدنيا دي ي موجة حياتي.(مروان يبلغ من العمر ١٨ عام،اما مروج فكانت ف ١٦ من عمرها)
مروج(بنت مصطفي):انت ليه بتقولي علي طول ياموجه حياتي؟
:علشان انتي اقرب واحده ليه ،حتي ملك اختي مش قريبه مني كده فانتي موجه حياتي ،وهتفضلي كده ها؟
:اكيد يامارو انا اقدر ابعد علي احلي مارو ف الدنيا ومنقذي.(زي ابوه😂❤)
🌼🌼🌼🌼🌼🌼🌼🌼
:محدش شاف اسيل فين ي جماعه؟
:معرفش ي ادهم،بس بتسأل عليها ليه؟
ادهم(ابن مصطفي):ي انكل اسيل رجليها متعوره.
:انا هنا هوه ي ادهم.(ادهم ف ١٥ من عمره،اما اسيل فكانت ف١٠ من عمرها)
ذهب عليها سريعا:كده ي سيلو افضل ادور عليكي.
اسيل(بنت احمد):معلش ي دومي والله كنت بشرب وجيت
ميل انس علي اذن احمد:الحق ده بيقولها ي سيلو وبنتك بتقوله ي دومي،بنتك بتتشقط ي حاج😂😂
احمد:هههههههههه مش بنتي لوحدي.
انس وهو يرفع حاجب واحد:قصدك ايه؟
:ههههههههههه بعدين هتعرف لوحدك.
ادهم:انا كده عقمتلك الجرح يلا بقي افضلي قاعده هنا وماتتحركيش خالص.
اسيل:بس انا مش بحب اقعد لوحدي
وهو يجلس بجانبها:مين قلك كده اومال انا روحت فين هفضل جمبك والي انتي عيزاه هعملهولك.
اسيل:يخليك ليا ي دومي.
نظر لها بابتسامه صادقه.
😉😉😉😉😉😉😉😉😉😉😉
:لا مالك بلييييز كملي الروايه.
مالك(ابن فارس):كفايه انهارده ي اريج،وبكره بعد الدراسه هقرالك شويه.(مالك يبلغ من العمر١٨ عام،واريج١٥)
اريج(ابنه احمد):علشان خاطري ي مالك خلصهالي وبكره نقري واحده جديده.
مالك:وماتقريش انتي ليه لوحدك؟
اريج بابتسامه:مش عارفه باستمتع وانت بتقراها بصوتك بحسها مختلفه مش بحس بيها خالص الا وانت بتقرهالي.
مالك:خلي بالك علشان انا كده ممكن اتغر ف نفسي.
اريج:وماله اتغر بس علي اي حد الا انا ولا ايه؟
مالك:المشكله انك عارفه ثغرلتي،ماشي ياستي امري لله،انا عندي كام اريج يعني.
:احلي مالك ده ولا ايه؟
:وانتي احلي اريج علي وجه المجره.
نظرت في الارض خجلا.
فتح الكتاب الذي بيده:يلا ي ستي نكمل الروايه.
وضعت قبضتها عند ذقنها كوضعها الاول وهي تنظر له كدليل ع الاندماج.
