الحلقه الرابعه
ليندا من الداخل عماله تكسر في الباب وتنفخ وتصوت : انت يا مجنون انت افتح مش من حقك تعمل كدا علي فكرة دا حرام وعيب ايه متعرفش الحرام والعيب ولا ايه رد ( حطت اذانها علي الباب لتسمع صوت باسل ) يوووو شكله مشي دا مجنون ولا ايه هو ماله ومالي غبي
خضها صوت باسل الجهوري : غبي مين يا غبيه انتي اني لسه واقف علي فكره هتغلطي هقلب عليكي سمعاني زين ولا لا
ليندا بشهقه من الخضه : يالههههوي انت لسه بره مش قولت تصبحي علي خير ايه موقفك
باسل : واقف عشان اسمع قلة ادبك ولسانك الطويل اللي عاوز قطعو من لغلوغو
ليندا تقلدو : من لغلوغو قال هش هش وجعت دماغي
باسل : اني همشي عشان لوقفت اكتر من اكدي هصور قتيل
■■■في قصر المغازي ■■■
●●●دق مروان باب غرفة فيروز ●●●
فيروز من داخل الغرفة : مين مين هيخبط
مروان : اني مروان يا فيروز
ارتداءت فيروز الروب : خوي اتفضل ادخل
مروان بجديه : ايه اللي نيلتي دا خابريني
فيروز بعدم فهم : ايه اللي عملتو يا خوي مزعلك مني قوي اكدي خابرني
مروان بعصبيه : كيف توافقي تخلي جوزك يتجوز عليكي كيف خابريني
فيروز : امممم هو دا اللي مزعلك ( ثم مسكت ايدو وسحبته الي داخل الغرفة ) ادخل الاول واقعد اكدي يا خوي واني هفهمك كل شي
مروان : تفهميني ايه وزفت ايه بس هو دا في فهم دا غباء
فيروز : اهدا اكدي يا خوي اهدا وفهمني كويس اولا معايزكيش تزعل مني ولا احب اشوفك متزربن اكدي محبكش تكون زعلان
مروان : اني يا خيتي مهزعلش منك واصل اني زعلان عليكي يا قلب خيك احنا ملناش غير بعض بعد ربنا
فيروز : بس وانت جبت المفيد يا خوي واني عشاني وعشانك عملت اكدي
مروان : كيف يعني
فيروز : هقولك احنا بوي وامنه ماتو وعمي اللي ربانا احنا معندناش شي واني مهخلفش يعني بعد عمرا طويل هطلع من مولد بلا حمص لكن لو هو اتجوز وكتب الولد علي اسمي هبقي ام الولد وهربي وبعد اكدي هو يقفلي وابقي ليا حق ونبقي كسبنا يا خوي
مروان :- ماني مخلف من سلمي
فيروز :- برضو مهما كان دي بت ومالهاش زي ما باسل وباسم عندهم وانت عارفهم هما كيف جبارين
مروان : طويب فهمتك يا خيتي المهم خلي بالك علي حالك اني خايف علي قهرتك مش اكتر
فيروز بدموع : اكيد هتقهر واني مقهوره دلوقت انت عارف اني هحب باسل قد ايه بس غصب عني يا خوي
مروان بطرف صوابعه : معايزش اشوف دموعك يا خيتي واني في ضهرك يوم ما حد يقهرك علي وعلي اعداءي
فيروز : ربنا يباركلي فيك يا رب يا خوي
مروان : ويباركلي فيكي يا خيتي يارب اني هروح انا بقي عايزه مني حاجه
دخل في هذا الوقت باسل : اهلا مروان يعني انت اهني
☆☆☆ارتبك مروان و فيروز &&&
فيروز بتوتر : حبيبي جيت حمدلله علي السلامه اتاخرت قوي
باسل بشك من وجود مروان في هذا الوقت : الله يسلمك
مروان : يالا تصبحي علي خير
باسل وهو يخلع ملابسه : ماله مروان في حاجه مش من عوايده يجي القوضه عندنا
فيروز : لا كان جاي يطمن علي
باسل :- يطمن عليكي علي ليه فيكي حاجه تعباكي
فيروز : لا لما سمع علي موضوع جوازك خاف اكون تعبت ولا اتاثرت ولاحاجه
باسل : صوح متاثرتيش يا فيروز حسك عادي
فيروز : ربنا اللي عالم بي يا باسل اني بتقطع من جوايا لكن عشان راحتك اني موافقه علي اي حاجه اهم حاجه تكون مبسوط يا زين الرجال
باسل بحنان مسك وجها بايدو الاتنين ونظر لعنيها وفضلت عنيه رايحه جايه علي عنيها : فيروز اسمعيني اني معايزش عيال اني عايزك انتي تبقي مرتاحه معايزش دا ياثر عليكي احنا لسه فيها غيري رايك واني عمري ما هتجوز وهقف في وش ابوي ولو حصلت اسبلو القصر واخدك ونبعد عن الكل وابقي ملكك انتي وبس وانتي ملكي
فيروز نزلت ايدو من علي وجها : مهينفعش ايه اللي هتقوله دا لا طبعا لازم تتجوز خلاص انت وعدت عمي اني سمعتك وانت هتخبرو انك وفقت علي الجوازكيف هترجع في حديتك مهردهلكش انك تطلع صغير قدام بوك
باسل : مالكيش صالح اني هتصرف مع بوي بطريقتي بس بلاش تظلمي نفسك
فيروز : انت لو متجوزتش يبقي ظلمتني وهتظلمني اني عايزه ابقي ليه ولد
باسل بغضب : تمام انتي جبتي الاخر متجيش تندمي يا بت عمي اني عملت اللي علي قدام ربنا وقدام ضميري اني مظلمتكيش ولا جيت عليكي وتمسكت بيكي لاخر لحظه لكن انتي عايزه اكدي واني هنفذ ليكي طلبك
■■■■في صباح يوم جديد ■■■■
في منزل ليندا استيقظت من نومها كسله جدا وتدعك في عينيها بنعاس مسكت هاتفه لتلاقي نظره علي الساعه ثم قامت مفزوعة عندما راءت انها تاخرت علي عملها : يالهههوي اتاخرت اوي هترفد هترفد وابو وش بومه هيسمعني كلام سم ( ثم تذكرت ليله امس ) ابو وش بومه يا لهوي دا قفل عليا ومبعتش حد لغايت دلوقتي اعمل ايه اعمل ايه يالهوي لاحسن يكون بعت حد وانا نايمة ومسمعتش يا دي النيله بس لو حد كان جي وخبط ومسمعتش كان فتح الباب مهي زريبه واي حد يدخل ناس قليله الذوق انتي مجنونه يا بت هو حد كان دخل يوووو انا هفضل اكلم نفسي كدا زي المجنونة ما اقوم البس الاول وبعد كدا اكلم عمي سيد واشوف باسل الزفت دا اخرته ايه معايا
■■■في قصر المغازي ●●●
■■■استيقظت فيروز من نومها وحاولت ان تيقظ باسل ■■■
فيروز بتلعب في خصلات شعر باسل التي تنزل علي عيناه : باسل باسل قوم هتتاخر قوم
باسل بنعاس وخنقه من فيروز : طويب خلاص قومت اوعي اكدي هيا الساعه كام دلوقت
فيروز نظرت للساعة : الساعه دلوقت عشره ونص
قام باسل مفزوع من نومه : واذاي تسبني انعس لحد دلوقت يا متخلفه انتي
فيروز : ماني عماله افوق فيك من بدري وانت معايزش تصحي اسوي ايه اني
باسل بقرف : اوعي اكدي وسعي بلا اسوي بلا مسويش انتي من ميتا بتسوي شي صالح
●●في منزل ليندا ●●
رايحه جايه في غرفتها بغيظ : ااااه يا ربي علي القرف مجاش ولا بعت حد الساعه بقت 11 الا تلت اعمل ايه يا ربي بس حتي عمي سيد تليفونه متزفت مغلق
■■في المزرعة ■■
&&&جاء باسل وفضل يزعق بصوت قوي علي سيد ثم جاءه له عدي &&&
عدي : نعم يا باسل بيه
باسل : ابعتلي سيد عماله انادي عليه مهيردش لسه مجاش ولا ايه
عدي : ايوا لسه مجاش ومش جاي بنته اتصلت وقالت انه تعبان اوي ومش هيقدر يجي انهارده
باسل غمض عينه بخنقه : طيب روح انت
عدي : ولا الدكتورة جات برضو لحد دلوقتي
باسل بخنقه :طيب خلاص شوف شغلك انت ( ذهب عدي ثم نادها عليه باسل مره ثانيه ) عدي بقولك ايه
عدي : نعم يا باسل بيه عايزني في حاجه
باسل : اه خد المفتاح دا وروح ( ثم سكت فجاءه عندما تذكر غزل عدي لليندا دايما )
عدي : اخدو واروح فين حضرتك
باسل : خلاص متروحش امشي انت ( وبعد تفكير كتير قرر باسل انه يذهب هو لليندا ثم تراجع ) خلاص اني ايه اللي يجبرني اني اروح خليها محبوسه بس كيف حرام تلاقيها مفطرتش لحد دلوقت والمزرعه محتاجها اني هروح وامري الي الله ( ثم نادا علي عدي ) عدي خد بالك من المزرعه رايح مشوار ربع ساعه وجاي
عدي : حاضر
■■■ذهب باسل الي ليندا ودق علي الباب ■■■
ليندا : مين
باسل : اني باسل بيه
ليندا بغيظ : مانت معاك المفتاح بتخبط ليه يا ذكي بيه
باسل بيجز علي اسنانه ولو اتحكم في ليندا هيعصرها عصر :- لازم اخبط قبل ما افتح يا غبيه هانم يمكن نعسانه يمكن هتتحممي افتح كيف بدون ما اخبط الاصول اني اخبط
ليندا بتريقه من الداخل : اها اممم فعلا حضرتك بتعرف في الاصول جداا بامارت امبارح وشيلك ليه بدون وجه حق
باسل فتح الباب وكلمها وجه لوجه : اني فعلا غلطان اني عملت اكدي لانه حرام اني اعمل اكدي مع واحده اجنبيه عني بس غصب عني كنت عايز احافظ عليكي من اللي ممكن يحصلك في الوقت دا و انتي معطتنيش اي فرصه او اي حل غير دا للحفاظ علي نفسك واني احافظ عليكي علشان انتي ضيفه عنديناومن الواجب علينا اننا نخدو بالنا منيكي
ليندا بشكر : شكرا لحضرتك جدا ولاهتمامك ولحفاظك عليا
باسل : دا شكر علي واجب دا واجبنا ليكي يالا جاهزه عشان تروحي المزرعه
ليندا : ايوا طبعا جاهزة من بدري ومستنيا حد يجي يفتحلي
باسل : طيب يالا
●●خرج باسل وليندا الي الخارج ●●
باسل :تعالي اركبي العربيه
ليندا : لا ميرسي انا همشي علي رجلي مينفعش اركب معاك العربيه شكرا ليك
باسل : مهيصوحش تمشي لوحدك اكدي
ليندا : عادي مانا كل يوم بامشي مفيش حاجه حصلت
باسل : شكلك دماغك عاصيه قوي اصبري همشي اني معاكي وامري لله
ليندا : لا لا ميصحش طبعا
باسل : بس اسكتي مفيش نقاش تاني
ليندا باستسلام : اوك
■■ذهب باسل وليندا في البلد امام الجميع وسط نظرات الناس اليهم ●●
ليندا :- هما بيبصو علينا كدا ليه في ايه
باسل : العادي بتاع بلادنا عينهم تبقي هتتخلع علي اي حد
■■واقفين مجموعه من النساء علي احد ابواب المنازل ■■
ست : شوفتي يا خيتي الحديت طلع صوح ماشيه معا بكل بجاحه وسط ناس مش مختشيه
ست تانيه : هما المصراويه عندهم خشاه ودي مصراويه بلا نيله الله يسترها علينا
ست اخري :- بس يا وليه منك ليها متوديناش في داهيه انتو مهتعرفوش باسل بيه المغازي ممكن يسوي ايه لو شم خبر من اللي داير في البلد مالناش صالح بشي
■■■دخل باسل وليندا سوينا الي المزرعه ■■■
☆☆☆لاحظت ليندا نظرات البنات والستات في المزرعة ليها استغربت لكنها لن تفهم ماذا يقال عنها هيا وباسل ☆☆☆
■■■شاهدت ليندا بنتان يتحدثوت وينظرون عليها لكنها لا تفهم شي من ما يقال عليها ●●●
ذهبت ليندا الي بنت : ممكن اعرف في ايه وبتبصيلي كدا ليه
البنت بتلوي شفايفها : واني هبصليك ليه يا خيتي واشمعنا اني اللي جايه تتحدتي معاها متشوفي ما كله هيبصلك
ليندا بضيق : ماشي طيب ممكن اعرف من جنابك بتبصولي كدا ليه
البنت سابتها ومشيت : ان الله حليما ستار
ليندا شديت البنت من ذراعها و بصوت عالي جدا : انتي مجنونه يا بت انتي هو ايه اللي ان الله حليم ستار فهميني بقي ايه دا
&&اتلمت البنات علي ليندا والبنت وابتدت الاصوات تعلو فتعلو &&&
■■■كان باسل قد ذهب مكتبه ولن يشاهد شي مما حصل واثناء عمله سمع اصوات عاليا وازعاج في الخارج خرج مسرعا ■■■
باسل بصوت جهوري ورجولي عالي جداااا : في اييييييه منك ليها اخرسو
البنت : اني هحكي ليك يا باسل بيه ايه اللي حصول
أنت تقرأ
وعشقت ياجبل الصعيد
Romanceالمقدمه جبار لا يعشق احد قوي لا يضعفه حب انسان يكره العشق لانه يضعف الانسان وهو ليس بضعيف هو يخبي مشاعره بين جفاء وقسوة قلبه علم قلبه ان لايوجد حب لكنه يوجد قسوه في مشاعره وعندما تشعر ان جميع من حولك لا يحبك وعندما تظن ان جميع ابواب الدنيا وجميع ا...
