بنوته عاديه عايزه تلتزم

حراميه رمضان!؟

الكلام ليا قبلكم
اولا كل سنه وانتو طيبين ورمضان مبارك عليكم
دي كذا حاجه بسيطه لو مشينا عليها بإذن الله مش هنضيع رمضان وممكن تعتق م النار
اولا لو بتعمل ذنب ايا كان هو اي ومفيش حد مبيعملش ذنوب "بناطيل . تقصير ف صلاه . افلام ومسلسلات . اغاني ايا كان نوع الذنب
انت م دلوقتي ممكن تسيبه وعلفكره مش هتبقا منافق لا ده تطبيق لايه ومن يعظم شعائر الله فانها من تقوى القلوب
انت بتعظم ان ده شهر كريم بتنزل فيه الرحمات بتعظم ان ده شهر ف السنه ف مفهاش حاجه يعني اما تبعد عن الذنب ده
مش بعيد ربنا ينعم عليك وتسيبه خالص
اولا مش لازم مسلسلات والله مش هتخلص المسلسلات بتسرق الوقت وده ايام معدودات وفعلا م الشهور الخفيفه الي والله بتجري بسرعه
ف لو ملحقتوش م الاول هتلحق امتي !
المسلسلات دي هدفها اي بص كده
وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا (27
ده اولا +انك لو سمعت مسلسلات مش بس هتضيع وقتك دي هتشغل فكرك حتي وانت بتصلي هتلاقي فكرك ف المسلسل واي الي هيحصل بعيدا عن المشاهد الي استغفر الله يعني 😂
ده اولا مفيش مسلسلات ولا تلفيزيون عمتا الا ع قرآن برنامج ديني علمي كده

ثانيا
الصلوات طبعا عارفين  ان احب الاعمال الي الله الصلاه علي اوقاتها يبقا بعد الاذان تكون واقف ع المصليه او ف المسجد لو شاب ده غير ان ف تراويح ودي م المبهجات الي ف رمضان حقيقي والله حتي اسمها ف راحه للنفس والقلب
وانك بتصلي جماعه وهي قيام ليل ومننساش من قام رمضان إيمانا واحتسابا غفر له ما تقدم من ذنبه اجرها عظيم ف مينفعش تفوتنا حتي لو مش هتصليها ف مسجد ممكن ف البيت بس صدقا ف المسجد افضل بكتير كفايه خطواتك للمسجد
بس قبل ده كله مننساش انها سنه
ف الفرض قبل السنه
يعني متسيبش الضهر أو العصر وتصلي التراويح لا هتتحاسب ع الفرض الي سيبته بس ده ميمنعش ان التراويح اجرها عظيم 
مننساش صلاه الضحي وانها صدقه والاحاديث الي اتقالت فيها  بتبدأ م ركعتين

٣_القرآن متوعدش نفسك بختمات كتيير لا "احب الأعمال الي الله ادومها وان قل "
ممكن تكسل وتقل عزيمتك وتحبط ومتختمش خالص مينفعش يكون ده الشهر الي نزل فيه القرآن ومتختمش مره واحده ع الاقل
يعني جزء يوميا ممكن تقسمه بعد كل صلاه اربع صفحات أو تقرأه مره واحده مش هيكمل نص ساعه هتلاقي كلمات غريبه مش فاهمها ابقا علم عليها وابحث عن تفسيرها ف جوجل
كل حرف بحسنه والحسنه بعشر أمثالها ويزيد الله شوف بقا حرف بده كله اومال جزء هيبقا بكام !!

٤_الصدقه مش لازم ارقام كبيره عشان متحبطش نفسك لو مقدرتش أو لو حصلك ظرف وخدتهم لا لو ب2 جنيه وهتتحسب صدقه ممكن تتصدق ببسمه ف وش حد مهموم وتهون عليه تجبر بخاطره لو بكلمه
جبر الخواطر "من سار بين الناس جابرا للخواطر ادركه الله في جوف المخاطر "
٥_ صلة الرحم حتي لو بإتصال لو بسلام بطمن عليكم
وطبعا الوالد والوالده فوق كل شيء

٦_ذكر الله وده طبعا مفيش اسهل منه طول منت ماشي قاعد واكل شاكب راكب بتذكر الله وعد ياعم متنساش الاذكار الاساسيه "الصباح والمساء والنوم ...

٧_العفو مينفعش تدخل رمضان وانت ف قلبك ضغينه أو حقد وكره لحد حتي لو كان هو الي ظالمك اعفو وخلاص "فمن عفا واصلح فأجره علي الله " ف هتؤجر ع عفوك ف متبخلش

٨_الدعاء
الدعاء من اعظم العبادات عباده سهله مريحه مجابه "للصائم دعوه لا ترد"
ادعي قبل اذان المغرب بخمس دقايق ولو زودت ف هو ليك ادعي ليك ولاهلك ولكافة المسلمين لكل من عرفت ومن لم تعرف

آخر حاجه ومفروض كانت تبقا اول حاجه
وهي الصيام ونيته
لازم قبل رمضان تنوي ع صيامك رمضان "من صام رمضان إيمانا واحتسابا غفر له ما تقدم من ذنبه" النيه بالقلب مش باللسان قول يارب انا بصوم ليك عشان امرتني بكده وده من اركان الاسلام
الناس الي بتفطر بدون عذر الحديث صعب جدا والله
" وعند المؤمنين مقرر : أن من ترك صوم رمضان بلا مرض ولا غرض ( أي بلا عذر يبيح ذلك ) أنه شر من الزاني ومدمن الخمر ، بل يشكون في إسلامه ويظنون به الزندقة والانحلال " انتهى .

ف ملوش لازمه الاستهانه بالفطار وانه عادي لانه والله مش عادي
غير م نفسك وقول هصوم يارب عيني وقويني
مفيش حاجه اسمها الجو حر والصيام صعب
عشان ربنا مش هيفرض علينا حاجه مش هنقدر عليها "لا يكلف الله نفسا إلا وسعها"
بإذن الله لو عملنا بيه هنكون من اهل رمضان بجد
ومين عارف ما ممكن تعتق رقابنا من النار

*الناس الي هتقول عندي امتحانات الي قولته ده مش هياخد تلت ساعات وباقي اليوم معاك تقدر تذاكر ف اي وقت وتحتسب الاجر
*الناس الي هتقول لو مش هنتفرج ع تليفزيون اليوم هيبقا ممل جدا لا ابدا والله ده اليوم بيخلص بسرعه لو قعدت مع اهلك كلمتهم روحت زياره لاي م اهلك
هتلاقي حاجات كتير تعملها بس انت ابدأ م دلوقتي
متخليش حاجه تسرق وقتك ايا كان هو مين صحاب ، سوشيال ، مسلسلات ، اي حاجه 
#لعله_أخر_رمضان
ف ربنا كريم
ورمضان مبارك عليكم جميعا وان شاء الله نتغير
"