#مفترق طريق
#بقلمي شمعة امل
#الجزء الثاني عشر
خالد .......مامتوقع هيج شي من زمرد
رحت لبيت اهلهه واني أسوق الطريق كله مثل المجنون واضرب على الستيرن
همزين مصار ويايه حادث
وصلت لبيت اهلهه ودكيت الباب بقوه
طلعتلي امهه
وبدون وعي حتى مسلمت صحت بأم أمير
وين زمرد ...
وحتى قبل لاتحجي ولا انتظرت الجواب دخلت للبيت واني اصيح
طلعولي الجهال ....
حظنتهم وكأنه صار سنه مشايفهم
دخلت داخل البيت
وكانت زمرد موجوده
وكأنه كانت مامهتمه انه اني اجيت
......وبديت احجي بانفعال
وهيه ولا كانه اني دااحجي وياها
النوب خبلتني أكثر
زمرد ....شوف خالد اصلا هاي المساله محسومه
اني قررت وانتهى الموضوع
خالد ...زين مافكرتي بالجهال شراح يصير بيهم
زمرد ....شنو شيصير بيهم
اشو اني كنت متكفله بكل شيء يخصهم
اني اوديهم لدوامهم
واني اقريهم
واني اطبخلهم واني اغسل ملابسهم
واني اسهر عليهم
وقايمه بواجباتي بالبيت ووياك ومامقصره بشي
وتحملت وياك كلشي
بس انت ابد متقدر
وعلى أقل شي تضرب وتهين وكأنه جاريه عندك
خالد ....اي بس هذا كله واجبج
زمرد ....واجبي اني مامقصره بيه
سولفلي انت شنو واجباتك
خالد ....اني مثلج
زمرد ..شنو مثلي بالله
خالد ...يعني هم مامقصر لا وياج ولا ويه الجهال
زمرد ...هو انت سولفلي واجباتك شنو
خالد .....بانفعال ....بالله عوفي هاي السوالف
واعقلي وارجعي لبيتج
زمرد .....يابيت ...
وليش ارجع ....
مثل ماكنت اني ابيتك اداري جهالي
اكدر هنا واني ابيت اهلي هم إداري جهالي
أما انه انت تكلي انت تداري الجهال مثلي
فهاي الحجايه قشمر بيهه روحك
تره انت كلشي ماكنت تسوي غير بس مرات تجيبلنه
غراض للبيت
وهذني الغراض هم اكدر اني اجيبهن
اشو مثل ماانت عندك راتب اني هم عندي راتب
واكدر اعيش بيه واعيش جهالي احسن
عيشه
خالد ......انتي صدك هيج تحجين
هسه فعلا تاكدت انه انتي مخبله
زمرد.......اي اني مخبله بعد عندك شي تكوله
.....
وصار النقاش كلش حاد
وحاولت انه تتدخل امي
بس النوب خربتهه أكثر
يله هيه خربانه خربانه ....
وتالي طلع من البيت مثل المجنون
بعد ما سمع انه اني راح ارفع عليه قضية طلاق
كافي عاد تعبت
اذا كانت المرأه قايمه بكلشي بالبيت
بعد شنو فائدة الرجال
اذا كانت هيه المرأة وهي الرجل
شنو فائدته بعد
أنه بس يبقى ويسود عيشة المراه كل ميضوج
طز بيهم كلهم
والله لو مااكو نسوان تدعم الرجال بحياتهم
اصلا ماكان ولا رجال صار براسه خير
المهم اني اتخذت قراري وخلص
حسام ....ماصدكت الكلام الي سمعته من زمرد هيج
هيه كارهتني
هيج اني اذيته وخربتلهه حياتهه
أنت تقرأ
مفترق طريق
ChickLitحبيبين يفرقهما القدر ....ثم يجتمعان بعد خمسة عشر عاما قصة حب عمرها عشرون عاما وعندما كنت أبحر إليك طيفا يداعب روحك... كنت تجرب وسائل الأسر إن كانت على مقاسي وأنا التي لا شيء معي سوى حنيني إليك. .... كنت أود الإحتفاظ بك وبذكرياتنا ومازلت بهوس الك...
