كرونيك: 💞اليتيمة💞

🎊الجزء الثاني🎊

وصل سي جمال الى المطار (عم مرام) هو وعايلته ومن تمان حكم طاكسي لفيلة خوه نسيت مقلتلكمش خو سي جمال سي عمار عندو شركة وكانت مرام تخدم معاه ،مرام عندها 24 سنة وقرات محاماة كانت هي محامية الشركة وفنفس الوقت تعاون باباها الله يرحموه فامور الشركة
قدام الفيلة كان سي جمال واقف يسترجع فذكريات وغايص مع الباسي تاعو ، فهداك الوقت وصلت مرت سي عمار وتفاجأت كيشافتو قدام البااب معرفتش واش دير 14 سنة ماشي حاجة قليلة, حست باحساس غريب كانو الحياة دبت فقلبها من جديد،
نزلت من السيارة وسلمت عليهم ودخلتهوم ، نعرفكم بعيلة سي جمال مرتو وسمها فلة مراة زوينه بصح بدا يبان عليها الكبر عندهوم طفل وطفلة طفل سمو امير بقلاوق تركية😻 طويل وسمر عندو طاي تهبل عيناه ماش كبار بزاف بصح بهيين عسليين وشفاريه طوال وضحتو تطيح فيه ڨاع لبنات وعندو لحية خفيفة في عمرو 28 سنة قرا ادارة اعمال ويخدم فوحد شركة فكندا ،ختو سمها مايا مام هي بهيونة فيها شبايه خوها بصح هيا عيناها كبار واسعين في عمرها 21 سنة تقرا فالجامعة انجليزية اما ام مرام فهي مرة شابة عينيها مكحلين ولونهم خضر يسحر القلوب تقول عليها مازالت مولات 20 سنة واسمها اسماء
نرجعو وين كانت العايلة مجمعة ،اسماء راحت تشوف بنتها وتقولها بلي عمها وعايلتو راهم لتحت ،
اسماء:مرام افتحي الباب يبنتي
مرام:واش تحتاجي ماما
اسماء:عمك وعايلتو راهم هنا جاو لعزا موت باباك هدي 14 سنة مشفناهمش اهبطي لعندهوم يا بنتي
مرام:ماما مانيش حابا نشوف حتى واحد ولا نحكي حتى مع واحد كنحس روحي مليحة اني نجي
اسماء تنهدت تنهيدة طويلة وقالت براحتك يابنتي
هبطت اسماء لصالة منين كانو مجمعين وقعدت معاهوم
اسماء:سامحوني واقيلا طولت عليكم الدار داركوم ،راني روحت نعيط لمرام بصح ماهيش حابا تخرج من بيتها منهار مات باباها وهي حابسة روحها
فلة:خليها براحتها صعيبة عليها باش تجوز هاد المحنة رابي يكون معاكوم
اسماء:مرسي تعيشي😔... هايا تروحو تعاشاو عابالي راكوم جوعانين وعيانين من السفر
متنساوش جمات علي الحلقات