كرونيك: 💞اليتيمة💞

🎊الجزء التاسع🎊

التفتت تشوف واش يحتاج بصح هو مقال حتى كلمة غير يقرب منها حتى وصل قدامها ،مرام معرفتش واش دير لسقت فطاكسي وهو لسق فيها حط نيفو على نيفها ،مرام ذابت فريحتو غاصت مع لحيتو انتقلت لعالم آخر قلبها ولا ينبض
امير:(بصوت حنين وهايل ) مرام منيش نحس بلي راكي مليحة وإلا غلطت معاك فحاجا سمحيلي والله مبقصدي وقت متحبي تقرغي قلبك تفكري بلي راني ديما معاك ومستعد نسمعك فأي وقت .
مرام فهاديك لحظة حبت تبكي فحضنو وتحيكيلو ڨاع همومها حست بالأمان معاه وفي آخر لحظت غيرت رايها وقررت تزيد تتحمل ،بعدت عليهم وقاتلو:راني صافا حمد الله ومذا بيك متزيدش تسقسيني هاد السؤال
ركبو فطامسي وراحو لشركة كول طريق وهوما ساكتين كوصلو طلبت من سكريتيرة توجدلو البيرو تاعو ،وداتو عرفتو على الخدمة والخدامة ،بصح راسو مكانش معاه كان يخمم علاش راهي تعامل فيه هكاخلصوا خدمتهم مرام وأمير رجعوا لدار ،أمير راح لبيسين يعوم شوية ومرام راحت لبيتها ترتاح وهي جايزة على بيت ماماها يمعت العياط فتحت شوية الباب باش تشوف واش صاري لقات عمها وماماها يتهاوشو
اسماء:طلقها ياك هكذا كونا متفاهمين من اللول
سي جمال:منقدرش
اسماء: كيش متقدرش راك وليت تحبها وقيلا قووووول
سي جمال :لالا والله غير نحبك نتي وديما نبقى نحبك
اسماء:ايه مالا يطلقها يتردلي بنتي مايا دبر راسك 14 سنة وهي بعيدة علي وانا متحملة وساكتة
مرام دخلت عليهم اسماء وسي جمال خافو لتكون سمعت كاش حاجا
مرام:وهي تعيط يلخاينة نتي ماشي ماما نكرهك وانتا جاي لعزا بابا اهه يوحد الكذاب يوحد الخبيث
اسماء:مرام بنتي ارواحي نفهمك
مرام:مانيش بنتك بعديني متمسينيش ميشرفنيش تكون عندي ام كيما نتي
اسماء:وهي تبكي بنتي اسمحيلي خليني نفهمك مرة وحدة برك
مرام طحت فالارض على ركبيها وتبكي
مرام:علاش علاش يماما درتي هكدا علاش مكفاكش شي ليصرا فينا كامل والله غير حرام عليك حرام 😭😭😭
سي جمال خرج من البيت وخلاهم وحدهم
اسماء:سمحيلي بنتي والله مقصدي الحب عماني معرفتش واش ندير
مرام:بصوت حزين ومبحاح بابا عبلو
اسماء هبطت راسها مقدرتش تشوف فعينين بنتها لي كانو يحوسو على اجابة طمنها
اسماء:لالا معبلوش
مرام:منيش بنتك فهمتي نتي خاينة خاينة