كبارت في عين لؤي
صونات ودخلو يقراو جازو يمات وتعرفت بيا على لؤي عقلية كلاس عجبها هو بيسك زل
تعرفت على اميرة وسماح
عجبتهم عقليتها
وعادو يحكو اسرارهم كيما كامل لبنات
جا يوم خرجو لراحة خرج لؤي هو لول
اي زادت خرجت وصال كانت ماشيا شافت لؤي مع طفلة فاتت من تم كلي ماصرا والو باه ملتبينلوش بلي عاجبها وطفلة مسكينة قلبها طاح كريس كاردياك هههه
لؤي شافها بلي تبدلت راح يشوف وش بيها قاتلو غير راسي يوجع شوي برك
ايا روحت لدار رقدت شوي وهي تخمم في لحكاية هاديك بعد 3 سوايع ناضت فتحت فيس باه تكونيكتي
لقات ميساجات وانفيث
فتحت ميساج اول كان تاع اميرة :
وصال حبيبة شفتك قبيل كي شفتي لؤي مع طفلة تبدلتي وعلابالي بلي يعجبك ومكش حابة تبيني اوك حاجتك مي راني دايمن كاينة باه نسمعلك او كبيدة
ايه وهاديك طفلة يا وحد لمغيارة راهي بنت خالو لؤي ماش منوع لي يدور بزاف وكل يوم مع طفلة اني وصيتك اذا كنتي تحبيه ماضيعيهش من يدك
وصال: لا سلام لا والو تبداي تحكي كاك برك ههه نزعق برك
حبيبتي لؤي وي عندك حق يعجبني وقبيل تقلقت صح مي ميرسي كي قلتيلي ايا انا نروح ماما تعيطلي
ايا من بعد دخلت لي انفيت لقات اسم لؤي لاكلاس وحاط فوطو تاعو قلبها ولا يفرفر مي هي حسابها مايحبهاش نحات تخمام هاداك واكسيبتاتو كي عاد امي برك
منين اكسيبتاتو بعد بعتلها سلام طولت باه ريبوندات باه مايقولش تحوس عليا ويديها في روحو
وصال: سلام صفا؟؟؟؟
لؤي : صفا بيا رتحتي شوي حبس راسك مايوجع فيك ؟؟؟
وصال: اباباابا شكون يسقسي هادا مشني مامنا لؤي يسقسي عليا هه
لؤي : شوفي ماتديهاش في روحك
وصال: هههه صاييي ديتها احم احم
والله راسي حبس شوي من لي سمعت خبر يفرح
لؤي : ربي يخليك توجور فرحانة
وصال: ايا صحا في امان الله غدوة نتلاقاو فلمسيد اتوت (Atout)
لؤي : اوك في امان الله
عند لؤي كي حكيت معاها قلبي طلع لسما وهبط عقلية انتيك ومهبولة تهبل
.
.عند وصال
بعد ماحكات
مع لؤي هبطت عند ماماها وجدو لغدا منبعد عيطتلها اميرة وسماح قالولها نخرجو نحوسو برا شوي ايا راحت حوست معاهم وكل يوم تقريب نفس سيستام
#تسريع الاحداث
بعد عامين لؤي عشق فيها وهي تاني
شمسو ليكان يحب وصال ولا اونكوبل مع اميرة وكي يوليو يرندفو فلمسيد مفسدة اللحظات تروح عندهم يكونو قاعدين فلكلاسة تجبد كرسي وتقعد بيناتعم وتقول ايه كملو وهوما يبداو يحكيو تقول لشمسو علاه علاه تكذب يا كذاب هههه
واميرة تغير كيشافتها هاكاك قالت انا نروح
راحت وصال تلاقات لؤي في الساحة حكاو كي لي امي تلاقات ايمن لي كل يوم دير عركة معاه وتتعارك كل يوم في مكتب لمدير بسبتو
وصال: اوجه الداب ايمن
ايمن: اخطينا من تعاريك كرهت من نفس سيستام عامين وحنا نعاودو فنفس سيناريو (وكل هادا تحت انظار لؤي تاع لغيرة شراراة طلعت منهم هههه)
لؤي : ايا تسامحو المسامح كريم
هدرو في نفس لوقت(وصال:ايمن:) : والظالم فازلين ههههه
لؤي : يا داب تنشعوه عجب فيكم ماش عباد خلاه
وصال: معمن تحكي معايا ؟؟؟انا داب ماش غير ننشعو يطيح فلهدرة تاعي تاالمون نهبل ههه
ايمن:اوووووو او بدا لغرور تاعها ديجا نرجع في راي نبقاوو نتعاركو خير
وصال: زعما انا نشطح بلمحارم على جال باه مانتعاركش معاك.
.
.
.
.
.
.انيوووو صفا تفاعلو معي
YOU ARE READING
حب♡من اول نظرة(لهجة جزائرية)♡☆¤
Fantasyهذه القصة تحكي على حباة بنت كل مرة في مكان كل ما تبدا تتاقلم مع الاصدقاء وتكون صداقة ترحل من المدينة ولكن جاء يوم لي انتقلت الى بلد احلامها ورافها اصدقائها لان المدير بعتهم لدراسة
