روكان :. عرفت هذول اهلها
خرب امنين عرفو فتحت الباب نزلو علي اصياح وين بتنه وليش ماخذها دفعوني وهجمو على البيت وصارو ايدورون ابكل مكان بالبيت صعدو لطابق الي بيه هيه ....
نزلت هيه شابكه ابوها وتبجي اتفاجئت من شكل ابوها غير الي جابولي معلومات عنه وشكله يختلف ..
والولد الي اوياه هجمو علي وصارو ايضربوني حاولت ادافع عن نفسي بس الكثره تقلب على القوه .
طلعو وهمه يتوعدون بالعشاير .....
روكان اشون عرفو ومنين عرفو اني اني خاطفها .....
بعدين عرفت لمن خطفتها جان موجود محل وبيه كامرات مراقبه من خلاله عرفو
المهم قبل الگعده دزيت جندي يتاكد من المعلومات الي جابوها الي لان شكيت ابشكل الرجال وطلع مو نفسه الي جابولي معلومات عنه
روكان :.اني اشظلمت خرب ليش هيج سويت ليش ..
كسرت كلشي گدامي اشون سويت هيج اووووف
رجعت للبيت لگيت عمامي عدنه وصايرين نار اول مدخلت اجه عمي الجبير ولزمني من ياختي ويعيط علي
ابو هاشم :.لك عار تالي عمرنه انته اتنزل راسنا ولك اشون تخطف بت الناس انته متستحي ماتخاف ..
طول عمري اگول ابن مسلم عاقل مسلم مات بس خلف اسد خلف واحد يرفع الراس
روكان :.احس حجي عمي سجاجين ابگلبي مارفعت عيني بعينه لان اعرف اني غلطان من السما للگاع سحبت ايده من ياختي وگتله .....عمي حقك وماالومك بس اسمعني بالاول .......گعدو هوه وعمامي وحجيت الهم السالفه كلها .
ابو هاشم :.روكان انت غلطت وغلطك جبير الف مره گتلك انسه ثار ابوك ابني هاي دفاتر عتيگه ليش ادور بيهن .
ابو قاسم :.خويه بعد صار الي صار امشو انروح لاهل البنيه
روكان :.رحنا اني وعمامي وشيوخ على اهل البنيه
روكان :.بعد مارحنه لاهل البنيه وگعدنه صار حجي بين عمامي واهل البنيه وابوها واخوانها احس يردون ايشربون من دمي وحقهم لان اني غلطت وعذبت البنيه مالها دخل بالسالفه المهم قررو اهل البنيه انو اتزوجها اني ماحجيت شي لان لازم اصلح غلطتي .....
مرام :.بعد مارجعت البيتي حسيت بامان بس كل جسمي اياذيني من گد تعذيبها وضربه الي ..
بعد كم يوم وصارت گعده بينه وبينهم ...
اجه ابوي وگال لازم تتزوجيه .
يارب اشون اتزوج الشخص الي عذبني .....ابيومين عشت اسوء ايام عمري اشون اعيش اوياه عمر
رفضت وگلت لابوي مااقبل لو شنو ايصير اشون تقبل اخذ واحد خطفني وعذبني ياريت جانت امي عايشه جان ماقبلت على الي جاي اتسويه
ابو مرام :/لا اتقبلين وقصبن ما عليج وهذه قرارنه ومانتراجع عنه ..ماكو حجي زايد بعد
مرام :.ماحجيت شي لان ماعندي كلمه بعد لازم اتقبل واقعي واقبل ابقسمتي واسكت ...
روكان :.صح قبلت بس مرام اتقبلها زوجه الي ....
بعد كم يوم گالو باجر الخطوبه
مرام :.صح قبلت بس مو بارادتي ....
صار يوم الخطوبه ماقبلت حفله جبيره ردتها حفله بسيطه لان امي متوفيه
روكان :.گعدت الصبح مالي خلك دخلت سبحت ولبست نزلت لگيت اهلي فرحانين لان راح اتزوج واني مامهتم
مرام:.صار يوم الخطوبه گعدت الصبح لبست قفطان اسود كلش حلو خليت مكياج خفيف ......اتمنيت امي اتكون اوياي وهيه الي اتجهزني ليش حرمتني ياربي من هاي الحظه بجيت على حضي وعلى زواجي من الشخص الي عذبني .......
روكان :.رحت البيت اهل مرام ...اول مادخلت شفتها كلش حلوه طالعه بالاسود وشعرها كلش حلو حسيت شي غريب لمن شفتها بس ماهتميت المشاعري واصلا مااعرف شنو هل مشاعر اني معروف ابقسوتي وتكبري ومااهتم لاي شخص ....
طلبو انو البسها الحلقه ...
مرام :.اول مادخل اتذكرت اشون عذبني وكل الي سواه بيه بقيت ساكته وما حجيت شي بس الدمعه ابطرف عيني .
اول مااجه ايلبسني الحلقه جريت ايدي منه
مرام :.اكرهك ولو اتموت ماراح اصيرلك زوجه
روكان :.اول ما سحبت ايدها لزمتها حيل وعصرتها
روكان :.ضبي السانج ولج لا تخليني اشوفج شي بعمرج ماشايفته واني هم ماميت عليج ولا رايدج
يتبع ........
_____________________
اشونكم شخباركم مشتاقين
بنات اوضح شي القصه خيال بس الي احب اوصله انو موجوده هاي الضاهره مال النزاع العشائري والي تدفع ثمنها بنات بريئات والقصه ضفت عليها هواي من خيالي
صوتو +علقو +احبكم 😻
