هدية عمر

3

#هدية_عمر_ج١
بقلم اوتار حزينه
#بارت٣
البارت الثالث

مرت الايام مثل الحلم اشوف ابويه
واخوتي بعد ماجانو ضايجين من الي
صار فرحانيين هسه لان صارو نسابه وي الشيخ
عرفت انو الشيخ مستعجل كلش علمود الزواج.
وره يومين انطوني خبر انروح انجهز
انه تحضرت وامي وياي
من طلعنا تفاجات بالشيخ جاي بنفسه
ويانا وويا ام زاهد اخته الي
نزلت بوستنا بس هو

من شافني عقج حاجبه وكال لامي حجيه
خلها تلبس بوشيه يله تطلع
انه باوعت لامي الي تفاجات بطلب
الشيخ
ليش يمه تراها ماحاط شي بوجها
ولبسها مستور
شفت رفع تك حاجب وكال
ليش هي الا تحط شي بوجها تراها مثل فلقه الكمر
امي ضحكت وكالت
حقك ياشيخ تلبسها بوشيه مرتك وتغار عليها
يمه شنو البس بوشيه ماأعرف
امشي بيها
تقدم الشيخ مني وهو مبتسم وكال

انه الزمج بأيدي لاتخافين ماتوكعين

شيخ

شفته رفع تك حاجبه وكال
شنو
عرفت ضاج من كلت شيخ

حجيت بصوت ناصي

رضا ماأعرف البسها والله

تعلمي ليله ماأريد احد يشوفج

انه ظليت صافنه عليه اريد يغير رايه بس
هو رفع الي تك حاجب واشر براسه على الباب
اخته حجت
ليله روحي البسي تراه من يكول جلمه
هاهي بعد يقفل
حجت ام زاهد وهي تضحك
انه باوعت بعيوني وبيها توسل
عفيه رضا
لا ليله امشي واسمعي الكلام
امي اخذتني وطلعت الي شال خفيف كلش اسود وخلته على وجهي
طلعت امشي وانه ماشوف كلشي
طكت الدمعه من عيوني هاي
من اولها هيج
بعدين شلون
امي صعدت ليوره وانه جيت اصعد ماشفت
دربي انثولت وردت اوكع
اسم الله يابعد العمر كله
من لزمني الشيخ رضا من خصري جسمي رجف واستحيت راسن وخرت وركبت
يم امي
شفته صعد بالسياره وهو يضحك
خلنا نتوكل شيخ
هز براسه ومشينا طلعنا من المزرعه مالت الشيخ

الطريق كله يسوق وكل ساعه
يباوع عليه وهو مخنزر لان اول ماصعدت نزعت البوشيه بس هم ماخلصت من حجيه

عينج ليله لاتباعين من الجامه

بويه شلون بلوه هاي وطاحت عليه

امي ماادري شجاها بس تضحك هي وام زاهد
انه بطلت اباوع من الجامه النوب كلما
ارفع عيوني اشوفه صافن عليه
انه دنكت واستحيت منه لان نظرته الي نظره ماعرفت افسرها
وصلنا لسوك ونزلنا انه قبل لاأنزل لبست البوشيه ولزمت امي خاف اوكع
افترينا بالسوك واخذت كلشي بنفسي
صح انه انجبرت على الزواج من الشيخ رضا بس من اول ماشفته حبيته وارتاحيت اله
وكلت هاهيه هاي قسمتج ياليله
ارضي بيها
وتراه شيخ ومهيوب ومبين عليه رايدج
وهاويج
رضا جان كريم كلش ويايه واخذ الي بتوت
6 ومحبسين بعد الي ومحبس لامي وللبنات
هم اخذلهن
امي تفاجات من كرمه هوايه
بقت بس شغله ملابس النوم انه استحيت
منه وهو مثل الحس وترخص راح بشغله
امي وام زاهد من طبينا للمحل ماشاء الله بدا التصنيف مالهن خلني بنص هدومي
اخذن من كل نوع لون
واشوفن امي تلزم الثوب وترفعه
شوفي ياليله هذا حلوه عليج احمر
وانتي بيضه تطلعين تخبلين
اي ام عباس والله صدك
يمه شمالج اسكتي فضحتينا
يمه ماكو احد هي بس البنيه واكفه
ادري يمه بس انه استحي
عوفيه ام عباس هسه تخجل كدامنا
بس بعدين ادكوم هي تلبس الاضرب منه
اي والله ام زاهد وضحكن
يا هاي شبيهن شلون يحجن حجي يخلن
الواحد بنص هدومه