الحلقة 107 :
مراد؛ أوس هههه جيت في وقتك باش تشوفها تموت ...
خبطني براسو رجعت للتالي .. و هز السلاح في وجهي...
أوس؛ شعملتلها
مراد؛ هههه مزال ما عملت تو نبدا بيك و نكمل بيها هي ...
أوس؛ في منامك مزال مزادش اللي يمس منها شعرة و لا يقتلها و انا موجود
نزلت للتحت و ضربت يدو اللي فيها الفرد طاح بعيد ...هزيت الفرد متاعي في وجهو ...
مراد؛ هههه تسترجل بالفرد أوس
أوس؛ هه مراد نظن تعرفني بالقدا
فكيت الرصاصات من السلاح و رميتوا ...هد عليا باقي نتعاركوا .. فشختوا بالضرب .. دوب ما طاح هز سلاحوا ...في وجهي ...
مراد؛ ههه وفا اللعب توا
حط السلاح على جبهتي ...طلعت يدي و لحتها ...لويت يدو ضرب الرصاصة ...تعدات على كتفي ...توجعت شوي .. فكيت منو السلاح و صوبتوا بين عينيه ...طاح فلرض ...طلعت نجري باقي نفركس عليها فالبيوت .. حليت بيت و عاودت قفلتها اما عاودت حليتها ...وقت ريتها طايحة فلرض جريت ليها ..ظهرها كلوا دم .. قدمت طحت على ركايبي ... غزرت للموس اللي قدامها و يدها تفجعت ...هزيتها بين حملتي ... و نزلت ...
أوس؛ الليييف فيق عيش حبي .. امانك متعملش هكا ... متعاقبنيش بهاذ الطريقة ..
حطيتها فالكرهبة و طرت بيها للكلينيك ..
أوس؛ عاقبني كيما موالفة ...عيش حبيبي والله ما ننجم هكا ... باش نموت راني ... و راس عمري غير ما قصدت الهدرة اذيكا تعرفني وقت الغش ...نحكي برك ... أمانك فيق ....عيط كسر ما تحكيش ... المهم كون بخير ... نعرف تسمع فيا توا ... و متغشة برشا مني ...
هزيت يدها نكبس عليها يحبس الدم ...ركيت الكرهبة نزلت ...هزيتها دخلت نجري ...حطوها فوق النقالة للاستعجالات ... باقي نجري لين دخلوها طحت على ركايبي ...حطيت راسي للتالي عالحيط ...نموت كون يصرالها الشي .. انا سباب كلشي مستحيل نسامح روحي كان يصرالها شي .. تعدا وقت منعرش قداش ... دموعي بسيف ما حبسوا ... هذا الخوف جامي حسيتوا ...لحظات و خرجت الممرضة ...حكمتها نسال فيها ما خبرتني شي ... راحت جابت 3 شكاير متاع دم .. تقعدت من لرض نغزرلها من البلار ... الطبا دايرين بيها ...بعدت وتكيت عالحيط... قلبي راح يحبس ...باقي ندعي تخرج بخير جامي نبعد عليها ... خرج الطبيب نطرت ليه ...غزر لكتفي اللي متصاوب و غزرلي ..
أوس؛ ك ككيفها !!! صافا هي موش هكا ؟؟؟؟
الطبيب؛ هي مليحة الحمد لله
نطرت عنقتوا
أوس؛ حمدالله مرسي مرسي
جبدت روحي ضيق عينيه
الطبيب؛ الشي اللي صرالها موش ساهل الضرب اللي في ظهرها كان باش يأذيها في مسلانها .. معجزة انو البيبي مطاحش
أوس؛ ب بيييبي!!!
الطبيب؛ مفيبالكش !! المدام عندها شهرين حبلة نورمالموا توأم منجموش نتأكدوا توا
أوس؛ شهرين ؟
الطبيب؛ نتا راجلها ؟
أوس؛ وي انا
الطبيب؛ تعرف اللي هاذ الفترة بالذات أصعب مرحلة فالحبالة .. و زيد تحاول تنتحر ياخي شكون عمل فيها اكاكا ؟
أوس؛ حكاية طويلة ننجم ندخل نشوفهغ توا ..
الطبيب؛ موش قبل ما نعدي عالجرح اللي في كتفك
أوس؛ زوز دقايق كهو و نرجع
الطبيب؛ باهي
دخلت عندها ... حاطينلها الأكسيجين .. يدها ملفوفة بالفاصما ... لي تراس متاع يدين اكا ال**** .. قعدت على طرف السرير..عديت يدي على وجهها ...صفر عاللخر ..طبست بستها على جبهتها ... حطيت يدي في يدها .. كان صرالها شي كنت نموت ...غزرت لكرشها حطيت يدي عليها ... يعني توا ولادي عايشين هوني ... الفكرة خلات قلبي يخض .. غكرة اللي انا باش نصير أب .. و ولادي من اليف ... على شعرة كنت باش نخسرهم ...انا الغالط من الحكاية هاذي الكل ... و باش نخليها تسامحني مهما كلفني ..نزلت بستها ... رحت خيطت الجرح ..باقي عقابوا لين كملوا بالخف ..خبرني اللي ننجم نخرجها ... أصلا منحبش يشلق البوليس توا ... ياربي نلتا معاها .. قاعد على طرف السرير ...قداش متوحشها ..كل شي فيها ... يعني هبالها عالڨلاص كان من الوحم .. تخليت عليها فالوقت اللي لازم نكون معاها فيه .. نزلت ريقلت الورق متاع خروجها ... خذيت الدوا ... خبرت الرجال. يجيبولي كرهبتي ...و يحضروا الطيارة .. هزيتها و خذيت تيليفونها زادة ... طلعنا الطيارة ...توا باش نعيشها الحياة اللي جامي سخايلتها ولا ما نكونش أوس ...
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم
YOU ARE READING
خطوة نحو الجحيم 4 (باللهجة التونسية)
Actionاليوم ..... تعداو برشا حوايج ... وين جامي توقعت نوصل هوني .. ولا تكون حياتي كيف هكا ... صح نحب المغامرات من صغرتي ..أما مغامرة كيف هكا متوقعتهاش ... خاسرة و لا رابحة ...ظالمة ولا مظلومة .. مليحة ولا خايبة ..منعرش بالضبط واش كنت ... يقولوا اللي الح...
