الخلخال 🌠

6

عهد :- ( بعد ماطلعت من الغرفه اركض وكفت بنص البيت حته اتنفس شويه مادري ليش كلبي يدك بسرعه  فجاة لمحت شخص دخل للمطبخ اعتقد رجال ماكدرت اشوف عدل رحت حته اشوف منو ). منووو انته

سلام :- انتي منو ( بلمناسبه سلام جان مسافر للمدينه بشغل ومايدري ب الاحداث الصارت وبزواج سراج ولما رجع اتفاجئ )

عهد :- ( بدون ما اجاااوبه صرخت بأعلى صوتي ) سراااااااااج 🗣

سراج :- ( جنت كاعد بلغرفه وهستوني جنت راح انزع وادخل اسبح  وسمعت عهد وهيه تصرخ )  عهد

عهد :- ( اجه سراج يركض 🏃) سرراج هذا واحد غريب لكيته يفوت للمطبخ ويفتر وكأن البيت بيته

سلام :- 😂😂 هوا اصلن بيتي  ،  سراج منين هلحلوه 😉😍

سراج :- ( نزلت اركض تلكتني عهد وجرتني للمطبخ وراوتني واحد تكلي جان يفتر بلبيت وهذا الشخص جان سلام اخويه الصغير ولان مجان هنا فهيه متعرفه ) لاتكول هلحلوه هاي مرتي 😒

سلام :- 😳🤨 مرتك شنو انته تزوجت

سراج :- قصه طويله ( حظنته )  ، يمته اجيت

سلام :- قبل ربع ساعه سلمت علا امي وايمان واجيت اكل لان تدري بيه 24 ساعه جوعان😂

سراج :- ايي ابو بطن ههه

عهد :- ( هذوله شبيهم اشو يسولفون ويظحكون واني محد جاي يكلي شسالفه ) ترا انه صرت مثل الاطرش بلزفه منو هلشاب

سلام :- شيلي هلشال عن وجهج خليني اشوف جمال مرت اخوي 😅 ( شلت الشال عنهه )

سراج :- 😡 ليش شلته

سلام :- ايي لاتعصب  ، بس ترا جمالج مو طبيعي

عهد :- شكرا 😶

سراج :- اكيد انته هسه تعبان روحي ارتاح

سلام :- حاظر ، يلا تصبحون على خير 🚶🚶

عهد :- وانه هم رايحه 🏃‍♀️

سراج :- شبيهه هاي😕

عهد :- ( جنت جاي احظر السرير حته انام وفجاة دخل سراج ) 😳 انته شسوي هنا

سراج :- شقصدج بشسوي هنا اجيت انام

عهد :- 😦 ليش رح انام بنفس الغرفه

سراج :- شنو الاشكال بهلشي

عهد :- وعلى نفس السرير 😬 (ظل يتقدم بأتجاهي خطوه خطوه  ويحجي )

سراج :- هه خايفه اتحده حدودي وياج

عهد :- ااا… لا فهمتني غلط🤥

سراج :- لعد فهميني

عهد :- زين عادي انته نام ع السرير وانه راح انام ع الارض انحلت ( درت وجهي حته اجيب فراش وافرشه الي  بس هوه سحبني من ايدي )

سراج :-  احنه متزوجين واكيد لازم انام ع نفس السرير وبعدين فرظي نمتي ع الارض ودخل احد فجاة الصبح وشافنه راح تصير مشكله وهيج راح ننطر نكوللهم انج لسه ماصرتي زوجتي

عهد :- بس اول واخر هم لازم يعرفون

سراج :- ماريد مشكال مالي خلكها راح يظل هلشي بينه

عهد :-  ولمتى راح نبقه هيج راح تخلوني عندكم هنا مثل السجينه

سراج :- ليش اكو عيشه احسن من انج تعيشين ببيت الشيخ حمدان وتكونين زوجت ابنهم

عهد :- ايي اكو

سراج :- 😡 شأكو

عهد :- خلاص ماراح تفهم

سراج :- احجي

عهد :- طيب ، انه طول عمري ما حلمت اعيش بعيشه هيج او اني اكون زوجه الك يلي حلمت بي هوه عيشه حته اذا بسيطه المهم اكون سعيده بيهه واكون مع شخص يخليني سعيده

سراج :- ماحلج تعرفين اذا انتي راح تكونين سعيده هنا لو لا البارحه دخلتي على هلبيت وعلى حياتنه

عهد :-  لا انه عرفت من اول ليله الي هنا وشلون جانت سعيده وشلون انطتني امل انو بعد اكو سعاده متانيتني 😏

سراج :- 😡 لحد قبل شوي جان حجيج وتصرفاتج زينه اشو هسه انكلبتي وصرتي تذبين حجي

عهد :- لا مجاي اذب حجي ولا انكلبت بس من حجايه بسيطه رجعنه وصلنه ليله البارحه فلو نسد الموضوع احسن بهواي

سراج :-  طيرتي واهسي من النوم خل اطلع اكعد برا احسن الي 🚶🚶

عهد :-( ماصدكت يمته يطلع حته اكعد ابجي واريح نفسي ياربي ليش ليش هيج صار وياي ليش هج حياتي صارت تعيسه ياربي مو هذا الزوج الجنت متمنيه يكونلي )😭😭😭