The Slave Playboy (COMPLETED) UNDER EDITING

Chapter 26

Chapter 26

PARANG ayaw magsink-in sa aking ang lahat. Naiiyak ako dahil hindi ko akalain na anak namin si Shasha. Nakita ko na ito pero hindi ko man lang alam na kaharap ko na pala ang panganay ko.

"Babe, tahan na, baka duguin ka na naman."

Inaalo ako ni Edward habang naiwan kaming mag-anak rito sa opisina ni Senyor James. Iniwan na kami ni Attorney para basahin ang sulat.

Umiling ako kay Edward, "Ayos lang ako. Hindi ko lang mapigilan." nagpunas ako ng luha, "Basahin mo na. Gusto ko nang malaman lahat."

Napahinga siya ng malalim. Tila tulad ko ay kinakabahan sa aming malalaman.

"Sabi dito ni Lolo.." sandaling huminto si Edward para huminga bago simulan basahin ang sulat, "Kaya nasa poder nila si Shasha ay dahil nakita niyang may tangkang kumuha rito. Si Ben Ross, na may matinding galit sa pamilya. Itinago niya sa atin ang kaalamang anak natin si Shasha dahil noon ay alam ni Lolo na hindi pa natin kilala ang isa't-isa."

Napahawak ako sa braso ni Edward kaya napahinto siya sa pagbabasa at napatingin sa akin.

"Ibig sabihin ay alam rin ng Lolo mo na ikaw ang gumahasa sa akin? Dahil bakit niya alam na apo niya iyon? At bakit alam niya na hindi pa tayo magkakilala?"

Bigla ay naging mailap ang mata ni Edward. At nang mapagtanto ko ang sinabi ko ay napatikhim ako.

"Sorry."

"It's okay, babe... Narito rin ang paliwanag ni Lolo tungkol tanong mo.."

Inabot sa akin ni Edward ang sulat kaya nagtataka na kinuha ko. Tumayo siya at napamulsa na lumapit sa bintana. Napatingin naman ako sa sulat at binasa.

Kung sakali man na mabasa niyo ang sulat na ito. Sasabihin ko ang dahilan kung bakit ko alam ang nangyari sa pagitan niyo. Hindi 10 years old si Edward ng mangyari ang insidente. Actually Edward is already 15 that time. Sinabi ng anak kong si Jam na na-set up ang apo ko ng mga grupong kalalakihan na gumagamit ng drugs. Nalaman ko na ang uto-uto kong apo ay naaya ng nag-ngangalang Max para mag-bar. Nilasing at nilagyan ng drugs ang inumin ng apo ko. Hanggang dinala siya sa isang bahay para gawin ang isang pangre-rape sa isang dalaga. At iyon ay si Arwena Serrano. Wala sa tamang pag-iisip ang apo ko. At dahil din sa drogang pinainom kay Edward ay nagkaroon siya ng temporary amnesia. Nagkaroon ng epekto sa utak ng apo ko dahil lakas ng droga. Hindi ko alam kung naaalala na ng apo ko ngayon ang lahat, pero natitiyak akong may ilang bahagi sa alaala niya na nalalaman na niya.

Napag-alaman ko rin, si Max at grupo nito ay tuta ni Ben Ross o nagtatago sa pangalang Tristan Abenson. 'Yung put*ngnang Ross na 'yan ang may pakana kaya tinago ko si Shasha. Dinukot nito si Shasha mula sa hospital pero naabutan namin siya at alagad nito kaya nakuha ko si Shasha. Alam niyo naman ang trabaho ko, at sinabi sa akin ng mahal kong asawa na inilim nalang muna ang totoong pagkatao ng Shasha namin hangga't hindi maayos ang lahat.

Matanda na ako para maayos na isulat ito at kung sakaling hindi na kaya ang aking asawa ang kanyang dinadamdam, ay sasama ako sa kanya ano mang mangyari. Kaya iniiwan ko itong sulat na ito kung sakaling nagkaayos na kayo at handang pagtulungan na solusyunan ang lahat.

At bago matapos ang sulat kong ito, nais kong alamin niyo lahat. Meron akong isang bagay na nakaligtaang alamin at tungkol iyon sa aking apo na si Shasha.

Nagmamahal,
James Esteban

Halos panlamigan ako ng katawan at ang luha ko ay tuloy-tuloy ng malaman ko rin ang buong katotohanan. Napahagulgol ako dahil hindi ginusto ni Edward na gawi na pagsamantalahan ako noon.