🌹 ذاكرتي ... 🌹
الكاتبه فاطمه عادل
وجان نور الدين يدخل بكل هدوء كعد يمي واني عيوني ملينه دموع
نور الدين : تخبلت من سمعت اختي تحجي ويه معتز واني عبالي هيه طفله بعدها ورحت اغطيها ودكله خلي ننهزم هذا الدلال كله مغزر بيها فنيت شبابي لا زواج ولا حب ولا اي اكول اخاف التهي عليها وره وفاه امي وابويه بالحادث وهيه صغيره جانت سويتها بنتي مو بس اختي لو تطلب عيوني انطيهيا بلا تردد فار دمي من سمعتها هيج
نور الدين : تريدين تنهزمين ويه معتز
نرجس : ضلت دموعي تجري وخليت ايدي ع حلكي وارجع لي وره خايفه منه
نور الدين : يعني مغزر بيج كل هذا تعبي عليج ومغزر بيج دلالي وتضحياتي كلها علمودج
مووووو مغزرررر بيج
تريدين تنزلين راسي وتنهزميييييين
حيواااانه وجريتها من شعرها سحلتها سحل عمري مضاربها اليوم موتتها كتل فنيتها فني كلش اذيتها
نرجس تبجي وتشهك ودكلي والله يابه احبك والله يابه مااعيدها فدوه بس اسمعني
وج تريدين تكسرين ظهرررري حيواااانه
كعدت تعبت هيه لمت شعرها ورجعت لي وره اخذت موبايلها وطلعت غلقته للموبايل وقفلت عليها الباب وطلعت
شويه واسمع حس الجرس اندك
طلعت واتفاجأ .....
معتز : مستحيل اخليها تنهزم من اخوها مهما يكون بنت عمي وعرضي ومااخليها تسوي الغلط لو اريد اخذها من اخوها وكدام العالم وارفع راسها مو انزل راسها وابوكها من وره اخوها
دتحجي ويايه اشوفها سكتت اكول الووو الووو متجاوب وسمعت نور الدين ديحجي وياها وره شويه سمعت صرخه نرجس ردت اتخبل محسيت ع نفسي غير ماخذ سويج السياره وطالع من البيت امي سألتني وين رايح مجاوبت
دكيت الجرس وطلعلي نور الدين بس شافني ضربني بوكس ع خشمي خله خشمي ينكط دم
فدوه نور الدين اسمعني والله ردتها بالحلال من عندك والله اداريها واصونها واخليها بعيوني
نور الدين : ولك كلب من ورايه تحجي ويه اختي وتجيني للبيت ولك انت المفروض تحمي عرضك هاي بنت عمك يعني عرضك تعرف شنو عرضك
واني مأمن بيك وحاسبك اخويه وحزام ظهري طلعت دتطعني بظهري
معتز : والله احبها واصونها ولك شبيك انت اخويه نور الدين لتأذينه معليك بالمشاكل القديمه بين الاهالي ولك اني رايدها ع سنه الله ورسوله
