نصفي الاخر

البارت الثاني

..مساء العسل ع عيونكم متابعيني ...  💕

-حيدر الساعه بالتسعه باليل وجيهان قبل ساعتين دخلت للعمليه ولحد الان بعدها جوا ومجد نجحت عمليته ونقلوا للعنايه بس

دخل.. بغيبوبه واني مضل عقل براسي من التفكير والقلق ساعه اروح لمجد وساعه ارجع لجيهان اجه عمي وزوجته وولده منتظرين جيهان اشوف حور كاعده ومنتجيه ع الحايط ووجها صاير اصفر

خطييه ..
وامها يمها تقرا قران واني بالي يم جيهان معقوله هم تعوفني مثل اهلي. لا لا مستحيل مااتحمل ...جيهان حيل عنيده واذا قررت شي متتراجع عنه لهذا اني مجادلتها هواي لان بنتي وحافظها ...

-حور ..اباوع لحيدر يروح ويجي بالممر وملابسها كولها دم خطيه ... جنت حاسه بي وخوفه اتمنئ اروح والزم ايده واطمنه وواسي بس

لاسف اني مو جريئه وخجوله كولش ....اكتفيت بالنظر اله شلون هيبه شخصيه حتى وهوه مبهذل حلوو فززني من صفنتي صوت بطني تصوفر من الجوع اتذكرت اني مماكله شي من الصبح....

-حيدر ..شفت الكل كاعد وحور تعبانه حيل رحت للمطعم قريب ع المستشفئ طلبت مشويات واخذت عصاير ورجعت...تفظلوا عمي
جبتلكم عشا ...

-يابه وين وين العشا هسه ليش تعبت نفسك..

-لا عمي لعد ضلون جوعانين ليروح واحد يتخربط واباوع لحور شفت محد مد ايده سوتلهم لفات ونطيتكم وهمه مكالوا  لا ...

-حور . جنت حيل جوعانه بس مااشتهي خايفه حيل ع جيهان بس من انطاني اللفه حيدر مكدرت ارده واني اصلا بالكوه واكفه سوه للكل بس هوه مااكل سئلته.،،حيدر ليش مااكلت ...

-هااا اكلت بالمطعم قبلكم لشيلين همي اكلي انتي

-مبين مماكل تركته براحته لان اعرف معزت جيهان عند حيدر ...

...وبعد ساعه من الانتظار طلعت جيهان من العمليه بس جانت فاقده وتهذي بأسم مجد وحيدر وحجي ممفهوم اخذوها لغرفه ثانيه

وحيدر ارتسمت البسمه ع وجهه.......

......كيان...صحيت  ع صوت امي تحجي وي واحد ماافتهم حجيهم وعيوني مغوشات بالكوه اشوف تحركت حسيت بالم مو طبيعي بصفحتي صحت ااااااخ

-الام ..يمه اسم شبيك وليدي يوجعك شي .

-يمه شنوو صار ليش اني هنا وشنوو هذي عمليه واني اشر ع كليتي

-اي يمه الحمد لله ع السلامه الله ينطي البنيه تبرعتلك لو موهيه جان رحت من ايدي لا سامح الله ...

-يمه منو هاي البنيه رسل مووو ( رسل خطيبت كيان ،)

-لأ مو رسل اصلن هيه حتى سؤال مسئلت عليك تريدها تتبرعلك هاي بنيه بنت حلال الله دزها النا الله يوفقها ان شاء الله......