طفلتى الناضجه

الحلقه العشرون

يجلس" على " فى غرفته على كرسيه المتحرك المميز له والذى يرتاح عليه كثيرا ويتذكر كلام زوجته والتى أطلقت عليه مفاجأه كالعاصفه تماما ولكنها كانت أكثر شده من العاصفه بكثير

فلاش باااك **
على : فى ايه قلقتينى؟
ماجده : فاكر العلامه اللى كانت على ايد حمزه ابننا وهو صغير ..

على : اه البقعه الصغيره اللى كانت على ايده ..

ماجده وقد اغرورقت عينيها قائله : نفس العلامه على ايد أدم ..
أغلق الجورنال وأمسك بنظارته فى يديه شاردا إلى الأفق البعيد يدعو الله بأن يكون ماتنوه إليه زوجته صحيحا وأن ادم هو نفسه حمزه !
_____________
صباح يوم جديد مليئا بالنشااط داعبت أشعة الشمس وجه رغد الصغير وهى تدغدغ خصلات شعرها الحريريه
قامت من نومها ،توضأت ،وارتدت ملابس الصلاه خاشعه لربها تشكره على ماأعطاها من كرمه وأخيرا أغدق عليها بنعمته ألا وهو " أدم "
انتهت من الصلاه وذهبت الى والدتها تساعدها فى احضار وجبة الإفطار ففرحت ماجده للغايه فقد عادت أخيرا الى عادتها ونشاطها المعهود
انتهت وارتدت فستانا أبيض به بعض التموجات بألوان فاتحه مبهجه فكانت جميله بحق ..
___________

أدم بإبتسامه : شكرا ياعمى والله مش عارف أقولك ايه
العم صبحى : لأ يابيه احنا عنينا ليك وللأنسه رغد... هتنورونا النهارده ولازم تاكلوا لقمه عندنا

أدم : دا شرف ليا ياعمى وبشكرك للمره التانيه ثم أغلق هاتفه وهو يقف امام منزلها حين طلت بهيئتها التى لطالما اعتاد عليها حتى وهى فى أسوء حالاتها..تواضعها ، احترامها ، طيبتها ، احتشامها جعلها " ملكة على عرش قلبه "والأن تغلبا على كل شئ وفتحت لهم أبواب السعاده لتكتب قصه جديده وأحلاما لم تكن لتتحقق لولا الصبر، العزيمه ،
تكتب شئ لم تقرأه حتى فى الروايات أو الأساطير ،، لم تحلم بهذه السعاده فى حياتها أبدا
رغد وهى تقف بثقه : احم احم ايه هفضل واقفه كده كتير
أدم بسخريه : طب ماتركبى

رغد : كان نفسى والله بس انت قافل الباب من جوه وبصللى بقالك ساعه بالظبط

أدم : ايه الإحراج داا بس ، ادخلى ياستى حقك عليا ،وبعدين نبهينى منا بصراحه أول مره أشوف قمر بالشكل داا

رغد بحرج وهى تمتم ببعض الكلمات وأشاحت بنظرها هنا وهناك : هو أنت ...أنت هتودينى فين ؟

بصى بصراحه هاخدك مكان هيفرحك أوى وبعد كده نروح نشوف الفستان ها ايه رأيك؟

رغد بطفوله : مواافقه

____________

العم صبحى : الواد أدهم ابننا اتأخر أوى ياأم أدهم .

- الصبر ياأخويا ماهى أمريكا بعيده بردك الا هى فين ياحاج ؟

- وأنا ايه اللى يعرفنى كنت روحتها قبل كده ؟