سر حياتي....../ سحابه نقيه

الجزء السادس عشر

اتفضل ... قالها من غير مايرفع راسه من على المخططات الى قدامه ... بس صوت الكعب رسم ابتسامه على وجهه وهو بيقول وعنيه ليسى على المخططات .. اهلا اهلا بالمهندسة نور ......................... بأستغراب سألت .. كيف عرفت انه انا !؟ ....................... بهدوء التفت ليواجهها .. نظراته زادت من توترها قبل مايقول بصوت هزها من الداخل .. عمري ما نسيت شي بخصك .. حتى صوت خطواتك .................... لمحت الحزن الى شافها بعيونها زعجته فبسرعة رسم ابتسامه مرحة وهو بيقول .. تعالي شوفي مكتبك ..................... مشي للباب الزجاجي الجانبي الموجود في مكتبه وفتحه وهو بيطلع فيها وبيشاور لها تتقدم لعنده ..... بخطوات هادئة مشيت لعنده ودخلت من الباب المفتوح قبله.. فتحت عيونها بتعجب وهي بتقول .. متى لحقت تعمل كل هدا وانت امبارح عرضت علي الشغل !!؟ ..................... ابتسم بمكر وهو بيجاوب .. من شهرين وانا بشتغل فيه .. الديكورات والألوان والأثاث كله انا نقيته .. وعلى ذوقك ................... بإبتسامه ساخره واجهته وهي بتقول .. واثق كتير اني رح اوافق ............ قرب منها وهو بيعقد ايداه امام صدره وبيقول .. عندي تصور واضح للمستقبل ...................... مشيت للمكتب حتى تبعد عنه .. جلست على كرسي مكتبها وهي بتقول بسخرية .. لا تأمن بعبقريتك كتير .. انا وافقت بس حتى اخلص من حصار ماما ..................... رفع اكتافه بلا مبالة وهو بيقول .. على راحتك .. متى بتحبي تبدي الشغل ؟ ...................... كملت تأمل بمكتبها وهي بتسأل .. نضال بيعرف اني رح اشتغل معكم ؟ ...................... طبعا .. وشجع الفكرة كتير .................................. وقفت بسرعة وهي بتقول بجدية .. اذا هيك متى ابدأ ؟ .......................... اليوم اذا بتحبي ....... قبل ما تجاوبه كمل .. الحقيقة انا عندي مشروع لعميل صعب كتير قدمت له اكثر من مخطط رفضه ................. بإهتمام سألت .. شو هو المشروع ؟ ....................... مشي لمكتبه وهو بيقول .. فندق على مكاتب على مطاعم .. مشكل .. تعالي شوفي المخطط الأخير الى رفضه وعطيني رأيك .. ولا شو رأيك تستلمي هالمشروع انت يمكن تعجب العميل افكارك؟ ................... تقدمت من طاولة الرسم الخاصة بحسام وهي بتقول بتردد .. مابعرف!! انا صار لي فتره بعيدة عن السوق والشغل .. يمكن لازم اعمل رفرش بالأول لمعلوماتي .................. بلمسه لطيفة على ظهرها قربها من المخططات ليشجعها وهو بيقول .. انا رح اكون جنبك اذا احتجتي مساعدة .. الحقيقة هالعميل سيدة والظاهر انا مو قادر اوصل للتصور الى بدها اياه .. منشان هيك قلت مهندسة متلك رح تكون الخيار الأمثل .................... كتم انفاسه وهو بيشوف بريق لحماس و أبتسامه صادقة بترنسم بعيونها قبل ملامح وجهها المحمر وهي بتقول .. طيب .. بس لازم تشرح لي اكتر عن المشروع واجتمع مع العميل ............................... هز راسه برضى وهو بيقول .. تكرم عينك ........ فتح مجموعة من المخططات وهو بيضيف .. شوفي ياستي ..................

*******************
دخل شركته العملاقة بخطوات سريعة وغاضبة .. كالعادة الكل بيصبح بإحترام وهو بيبعد عن طريقة .. اصلا كل الشركة سمعت بالى حصل امبارح بعرس بنته .. واسلم شيء هو الإبتعاد عن وجهه السيد جلال الغاضب والا قد تخسر شغلك .......... بفظاظة سحب احد الموظفين الى كان على وشك يدخل المصعد من جاكيته وهو بيقول .. استخدم الدرج ..... ودخل المصعد لمكتبه بالطابق الأخير من الشركة .............اول ما مر على السكرتير قال بدون مايطلع فيه .. فنجان قهوة ساده ثواني يكون عندي .................... اتجه فورا لمكتبه وبسرعة تناول هاتفه وطلب رقم .. ثواني وقال .. معتز .. يومين مافي غيرهم .. بتجيب لي خبر هالصعلوك والا والله العظيم روحك بتكون بدال روحه .......... سكر الهاتف بقوة ............. بهاللحظة دخل السكرتير وهو حامل القهوة ......... تناول جلال فنجان القهوة وشاور للسكرتير ان يطلع .......... مشي للشبابيك المطله على الشارع .. اطلع امامه بالفضا الفسيح وهو بيقول .. ان مافعصتك كحشرة تافهه ياصعلوك .. مابكون انا جلال ......

****************
نزوكتي .. حبيبي ................. بتعب ومن غير ماتفتح عيونها .. حبيبي خليني انام شوي الله يخليك ............... حبيبتي هاي شيري على التلفون بدها تحكي معك .. اتصلت اكتر من مره ..................... فتحت نص عينها اليمين ومدت ايدها له تاتاخذ الموبايل .. بتعب همست .. شو شيري .. نسيتي اني عروس ولازم انام ................... بسرعة جلست حالها وهي بتسأل .. شو؟ .. عيدي مره تانية مافهمت !! ........................ قرب منها سالم وهو بيشاور لها .. شوفي؟ ............... شاورت له ان استنى شوي وكملت حكي مع اختها بالألغاز الى ماقدر سالم يفهم منها شي .. دقائق سكرت نازك الخط ورجعت رمت حالها على المخده ............. اخذ سالم الموبايل من ايدها وهو بيسأل .. شوبها شيري!؟ ............... فتحت عيونها ولفت لطرفه وهي بتحضن المخدة قبل ماتقول له .. ولاشي .. بس بتخبرني انها مسافرة كم يوم شهر عسل ............. بالأول مافهم سالم شي بس ابتسامة نازك الخجولة وهي بتقول .." شيري كان عرسها مبارح متلي ".. خلت سالم يضحك وهو بيقول .. برافوا مالك .... كتم سالم ضحكته وهو بيقول .. الله يعينك ياعمي ............. بعتاب قالت نازك .. سالم .. رح ازعل منك ..................... بوسه سريعة طبعها على شفايفها وهو بيقول .. اسف حبي ماقصدي ................. شدت اللحاف عليها ولفت للطرف الثاني وهي بتقول بتعب .. خليني انام شوي .................. مابدك تاكلي شي ................ بهمس قالت .. مو مشتهيه بس بدي انام .................... لف خصله من شعراتها المفروده على اصبعه وباسها وهو بيقول .. طيب نزوكتي ارتاحي .. ورح اطفي موبايلك حتى ماتزعجك التلفونات ..... هزت راسها بطيب قبل ماتستسلم للنوم .............

********