وجع الفراق

البارت 10

(وجع الفراق)
#Akbal_Mahameed
&&&&&&&&&&&&&&

حسين اعقد عليج واخذج لسوريا وهناك نتزوج واسويلج احلى واحسسن عرس والله اعيشج ملكه واوزنج ذهب ؟؟؟؟؟؟؟؟!!!!!!

هيفين لااا حسين ماعندي جرئى لهيج شي ..

حسين هيفين  اني وياج لاخر نفس بس حبنه بوسط اهلج واهلي ماله مستقبل خلي نعيش لنفسنه خلي نعيش لحبنه والله اعوف لدنيا لعيونج ..

هيفين حسين مااكدر والله ماكدر اسوي هيج حسين البنيه هيه التشيل شرف واسم اهلها لو سويت هيج وانهزمت وياك ساعتها راح اخلي سمعه اهلي واسمهم بالطين ..

حسين عجل وحبنه هيفين كليلي شلون...

هيفين مادري حسين الله كريم بس التريده مااكدر اسوي شنو موقف ابوي شنو موقف اخوتي من بنتهم تنهزم من بيتهم لاا حسين الشرف غالي حيييل ومااكدر افرط بسمعه اهلي حتلو انهزمنه باجر تدور الدنيا تره وجهالنه يسوون مثل مانسوي  ..

حسين الله كريم هيفين الله كريم ..

هيفين لا تضووج والله احبك والله اعشقك ومايحله رجال بعيني غيرك ...

حسين اووف اوف ..

ضل اليل كله يجر حسرات ومقهور ..

اني كلبي احسه راح ينفجر من القهر ابوي يطب ويطلع مايباوع بوجهي لان يدري بيه موافقه ع حسين وسبق اعترفت كدامه اني موافقه واريده لان جنت بوقتها منهاره ومقهوره  ...

اوس وايسر مايدخلون بشي ابدد كل واحد حاير بروحه  .

خواتي يكتفن يصبرن بيه وهنه يعرفن بعلاقتي بحسين ..

وامي امي تدري بيه احبه وتعرف بيه احجي وياه بس مغلسه ومثولتها ومرات تحجي وتكولي لحالج تعبين روحج ابوج مستحيل يرجع عن قراره ..

كتلها احجي  وياه انتي اقنعي ..

تكولي عبالج ماحجيت ماكلت والله يابنيتي حتى مايخليني اكمل حجي ويسكتني ..

وضالين ع هلوضعيه هوه ابو متعارك وياه لان بعده يريدني وكايله بعد مااخطبها الك لو تموت كافي انهانيه ابيته اكثر من مره ..

وحقه الرجال خطبني من ابوي اكثر من مره و كل مره ابوي يرفض ويهينهم ..

... اشوف حسين من ابوي يطلع للدوام افتح الباب واشوفه يصبر بيه ويكولي تهون لو الدنيا كلها توكف بوجهي مااعوفج ..

استمرت علاقتنه مره بليل جاي نسولف واجه يمه اخو حسن الصغير ..كالي لا تسدينه راح اخلي الموبايلي بجيبي ..

كعد يمه بالغرفه ويشاقه ويسولف وياه ..

تالي كاله انته انته شعندك تالي اليل وحبست روحك بالغرفه دكوم كوم شوف الدنيا شوف الله شخالق ..