عـشـقـي بـنـت عـمـي❤️

البارت الثالث:-

نرجع لقمر ونشوف شنو صار وياها.......

قمر:وصلنه للبيت والدنيا محتركه بيتنه الناس والجوارين اني كلبي وكع بايدي لان محد رد عليه عرفت كلبي حسني اكو شي

ميس:نزلت ويه قمر لان مستحيل اعوفها بهيج موقف وهي خايفه وترجف بايدي

طارق:نزلت وياهن ودخلتهن للبيت لان ناس كومه واخاف على قمري من عيون الناس

قمر:اول مادخلت وشفت ماما مغمى عليها وجارتنه نهى يمها تصحي بيها طبعاً نهى كولش خوش بنيه وحبابه وكفاتها ابد ماتنسي بنيه مطلقه هي وعدها ولد واحد وعايشه ويه والدها وامها تخدم بيهم بعد مااطلكت مرتين ايست من الزواج واتجهت لخدمة اهلها والمنطقه العرس الفاتحه هي موجوده وتركض😘❤️
رحت ركضت على نهى شفتها تبجي واصيح شبيها ماما ليش هيج حالتها احججييي شكوووو

نهى:حبيبتي قمر البقيه بحياتكم والدج سوه حادث وتوفى وامج خطيه مغمى عليها روحي يمها مابقالج بس هي

قمر:اني سمعت حجي نهى واني واحد ضربني على راسي من الصدمه ركضت على ماما هي مغمى عليها وابجي واصيح فدوه ماما اكعدي بس انتي بقيتي الي فدوه ماما ماريدج هم تروحين مني واجتي نهى وحطتها عطر وغسلت وجها يلا بدت شوي تصحى وشبكتها وابجي

بالليل كولها راحت لبيتها بقينه بس اني وماما بالبيت قفلنه ونمنه بغرفة ماما وبابا نمت بحضنها يلا كدرت اغفالي شوي كعدت الصبح هوسه وماما ماكو طلعت لكيت بنات حلوات ومريه جبيره كاعده اجنن وبنات كووومه

صافيناز:بعد ماتوفى محمد وعافلي مسؤوليه كولش جبيره مااعرف شلون اتصرف شلون ادبرها لوحدي كعدت الصبح اجوي اهلي امي وخواني وخواتي واجوي بيت عمام قمر وتعرفت على زوجة الشيخ ابو عمر وبناتها كولش خوش مريه وزوجه الشيخ سلطان ماعدها بنات بس ٣ولد وكلهم كبار ومتزوجين

قمر:اول ماطلعت من الغرفه اجتي ماما وعرفتني ع البنات والنسوان الكاعدات وكلها ظلت صافنه عليه ويتبسبسن

اجت بيبي ام بابا باوعتلي ماشاء الله شنو هالجمال سوده عليه يابيبي شعاف وراح يمه محمد ماشبعت من بنتك

وتعرفت ع خالاتي ونسوان عمامي ورفل ونور كولش حبيتهن

بالليل داريد اودع ميس طبعاً ميس ولاعافتني تجي خطيه من الصبح لليل يلا تروح واكفين بالباب واجه ولد منتبهت على وجها بس كال ادخلو جوه لان زلم جايه

امير:والدي صاحني وكلي روح سويلنه درب بيت عمك اجونه ناس وشفت بنيه واكفه بس سبحان الخالق على هيج جمال اني مايعجبني صنف النسوان ابد بس من شفتها مدري سحسيت