صدفه القدر

البارت 4

قصه صدفه القدر ...
البارت 4 ....

مرحبا اسمي يسار... اني الولد الاوسط للعائله .. ابويه شيخ جان وبعدها اخويه عبدالله لزم الشيخه ... اني عقليتي تختلف ماحب هاي السوالف ... درست ببغداد وكليتي هم ببغداد ... وماحب العادات والتقاليد ... بس احترمها لان من اصلنه ... اخويه عبدالله الجبير وراها اختي سهى ... وراها اني وعامر وتوئم ساره وسوسن ... سوين كل اسراري عدها عقلها جبير ومتضلم احد ... بس اخواني بكفه وعامر بكفه .... اخلاقه زفت حته وصلت بي يبوك مني حته يروح يسهر .... تعبني وابتليت بي .... عبدالله تبره منه لان تعب واني بقيت اتحمله لان ابويه قبل ميموت وصاني بيهم وكلي عقلك جبير اتحملهم ودير بالك عليهم ... اني ادرس طب اسنان هاي سنه رابعه ... ساكن بشقتي وويايه ثنين ولد ... ارشد وسليم.. خوش ولد وحبابين وهم ويايه بالكليه بس بغير اقسام .... طبيت من وكت للكليه وخابرني .... شُكر ابن عمي ....

شُكر ... يمعود اخوك حيموتنه البارحه عابر ع بيت بي بس بنيه ... ويريد يطفر عليها ولوما الله ستر ولازمه ولد بي حظ وماشتكه جان صارت سمعتنه بالكااع ...

يسار... يابه راح يموتني هذا جا انه شسويله هذا واتبالش ويه العالم شيكولون عنه ولد شيوخ ومستهترين ... روح انته هسه وبعدين احاجيك من ارجع للشقه .... يلا مع السلامه
عفته ورحت كعدت ع مسطبه وورثت واجتني بنيه تكولي ديوكع دم من خشمك وانطتني كلينس ومي وجابتلي عصير ليمون اتشطرت منها وراحت .... ضليت كلساع اتذكرها عيونهاا اووف ماعرف شبيه استغفر الله ... كملت كولشي بالكليه ورحت داطلع ولكيتها واكفه ... كلتلها اوصلج ماقبلت بعدين لحيت عليها صعدت ليوره بس ضليت عيوني اريد اشيلهن ماكدر .... وصلتها شكرتني ونزلت ... وضلينه فتره كل يوم اشوفها ابتسملها وهي تخجل ... بس كولش مؤدبه وخوش بنيه ولبسها احلا شي بيها مستور بشكل ....

وبيوم كاعد بالشقه كلولي اركض اخوك سوه حادث هو وشُكر ... انهبطت وطلعت للمستشفى زين ذوله شجابهم لبغداد .... الي داعمهم ممتاذي لان همه مكلوبه بيهم السياره .... شويه واجو اهل الي داعمهم.... بقوو شويه وطلع الدكتور كال وين اهل الولد الجوه كتله اني كال البقيه بحياتك ابني نقذنه بس الولد الجان. بالصدر الي يسوق متكسر ويمكن مراح يكدر يمشي ..... وكفت الدنيا بيه حتلو جان مو خوش ولد بس يبقى اخويه .... نزلت دموعي وخبرت الاهل واجو كلهم .... وذاك الي دعمهم اسمه انور ايده مكسوره ورضوض بالثانيه وكولشي مابي كدمات بسيطه بوجهها .... سجنوه وكلنه لابوه نريد كعده مال عشاير .... كالو صار .... اتفقنا بعد اسبوع الكعده .... سوينا فاتحه لعامر وبعد وراها بيومين من خلصنه فاتحه عامر دزوا شُكر لتركيا علمود العلاج مالته .... وبعدين بالليل كاعدين خابرونه .... كالو مات عمكم اسماعيل
..... خابرت ع ابو انور وكتله اجلوها فد شهر او اقل صارت عدنه فاتحه ورحنا بقينه اسبوع ع فد جره .... وراها داومت وجان اشوف الحلوه مالتي اووف ردت روحي ... ي متغيره شويه ضعفانه ابتسمتلها وهي هالمره بادلتني الابتسامه وراحت واخذت كلبي .. رحت لاهلي ....
عبدالله.... خابرت ع ابو انور وكتله ع الكعده اليوم ....
يسار... ايي ... شوكت...
عبدالله... اليوم العصر كالو احنه نجيكم ....
يسار.... اي خوش .... رحت سبحت وتحظرت علمود الكعده ...
صار العصر وجمعنه كرابتنه ورحنه ...
وهمه هم جايبين كومه ناس معروفين .... جسينه نبضهم مبينين يدفعون فلوس شكد منطلب بس الفلوس مترجع عامر ..... عبدالله غمزلي وكله نريد فصليه و15 مليون فصل لشُكر.... والمشكله كالو نردلكم خبر ... ثاني يوم اتصلوا وموافقين دفعوا الفلوس وبقت الفصليه .... اجه عبدالله وكال بعد 3 ايام تجي وهسه لازم نعرف المن ننطيها.؟
يسار...مادري ماعرف....
عبدالله .... تريدها انته لو اعقد عليها اني ...
يسار... بس انته متزوج ...
عبدالله... لعد شسوي ...
يسار ... خطيه ام حسن تكسرها بعد هالسنين حتلو فصليه ...
عبدالله... اخذها انته ....
يسار... بس اني اريد اشوف مستقبلي ....
عبدالله... عادي يخوي خليها ع الورق وعود انته بعدين اتزوج اليحبها كلبك ....
يسار ... صار ابو حسن يلا من رخصتك ارد انام ....
عبدالله ... مرخوص براحتك ....
يسار...رحت لغرفتي مخنوك .... ماريدها .. زين شلون راح اباوع بعيون الحلوه مالتي الي حته ماعرف اسمها اوووف يربي .... مشت هاي ال 3 ايام بسرعه اجتي بس مشفتها اجو ابوها واخوها واني وعبدالله واخوان شكُر موجودين .... سمعت صوتها من ورا الباب مخنوكه .... شنو ذنبها يمكن هم جانت عدها حياه .... كملنه العقد تركتهم واخذت السويج وطلعت افتر .... ماعندي مكان اروحله .... تالي رحت يم صديق ... غيرت جو ورجعت بالليل باوعت لغرفتها .... وكبيت لغرفتي ونمت .....