ترانيم

بارت1

#ترانيم
بقلم شمس السعدي
#بارت١
ﺍﺳﻌﺪ ﺍﻟﻠﻪ ﺍﻭﻗﺎﺗﻜﻢ ﺑﻜﻞ ﺧﻴﺮ ﺍﺣﺒﺘـﻲ ..💕
///// ﺍﻟﺒﺎﺭﺕ ﺍﻻﻭﻝ /////
# ﺑﻘﻠﻢ _ ﺍﻟﻜﺎﺗﺒﺔ _ ﺷﻤﺲ
‏( ﺷﻤﺲ ﺍﻟﺴﻌـﺪﻱ ‏)
********* # ﺗﺮﺍﻧـﻴــﻢ ***********
ﺣﻴﻨﻤـﺎ ﺭﺳﻤﺖُ ﺍﺣﻼﻣﻲ ﻋﻠﻰ ﻭﺍﻗﻌﻲ ..
ﺍﺧﺬ ﺍﻟﻘﺪﺭ ﻣﻨﻰ ﺟﻤﻴﻊ ﺃﻟﻮﺍﻧﻲ ﻭﺗﺮﻙ ﻟﻲ ﺍﻟﻠﻮﻥ ﺍﻷﺳﻮﺩ !!
ﻟﻜﻦ ﺭﻏﻢ ﺫﻟﻚ ﺗﺴﺘﻤﺮ ﺍﻟﺤﻴﺎﺓ ..
ﺑﻴﻦ ﺛﻜﻨﺎﺕ ﺍﻟﺤﺰﻥ ﻭﺍﻷﻟﻢ ..
ﺗُﻜﺘﺐ ﺣﺮﻭﻓﻲ ﺑﺎﻟﺼﺒﺮ ﻻﺑﺎﻟﻘﻠﻢ ..
..… ﻣﻊ ﺑﺪﺍﻳﺔ ﻳﻮﻡ ﺟﺪﻳﺪ ﻣﻦ ﺍﻳﺎﻣﻲ ﻫﻨﺎ ..
ﺑﻤﺪﻳﻨﺔ ﻟﻴﺴﺖ ﻣﺪﻳﻨﺘﻲ ﻭﻻﺯﻟﺖ ﺍﺷﻌﺮ ﺑﻐﺮﺑﺔ ﻓﻴﻬﺎ ..
ﻓﺘﺤﺖ ﺍﻟﺴﺘﺎﺭﺓ ..
ﻏﺸﻌﺖ ﻣﻦ ﺍﻟﺸﺒﺎﻙ ﺍﻟﻜﻞ ﻳﺠﻬﺰ ﻭﻳﺮﺗﺐ ﺑﺎﻟﺤﺪﻳﻘﺔ ..
ﻓﺘﺤﺖ ﺍﻟﻜﻨﺘﻮﺭ ..
ﻭﻃﻠﻌﺖ ﮔﻠﺒﻴﺔ ﺣﻠﻮﺓ ﻟﺒﺴﺘﻬﺎ ﻭﺭﺗﺒﺖ ﻭﺟﻬﻲ ﻭﻟﺒﺴﺖ ﺫﻫﺒﻲ
ﺍﺧﺬﺕ ﺍﻟﺸﺎﻝ ..
ﺧﻠﻴﺘﺔ ﻉ ﺭﺍﺳﻲ .. ﻭﻓﺘﺤﺖ ﺑﺎﺏ ﺍﻟﻐﺮﻓﺔ ﺑﻌﺪ ﻣﺎﺍﺧﺬﺕ ﻧﻔﺲ ﻗﻮﻱ ..
ﻣﺎﺍﺭﻳﺪ ﺍﺑﻴﻦ ﺿﻌﻔﻲ ﺍﻭ ﺍﻧﻜﺴﺎﺭﻱ ..
ﺻﺎﺭﺕ ﺑﻮﺟﻬﻲ ﻟﻴﻨﺎ ..
ﺻﺒﺎﺣﻮﻭﻭ ..
- ﺍﻫﻼ ﺣﺒﻴﺒﺘﻲ ﺍﻟﻴﻮﻡ ﺻﺎﺣﻴﺔ ﻣﻦ ﻭﻛﺖ ..
- ﺍﻣﻤﻤﻤﻤﻢ ﻣﻦ ﺍﻟﻀﺠﺔ .. ﺍﻟﻜﻞ ﻳﺘﺤﻀﺮ ﻭﻣﺸﻐﻮﻟﻴﻦ .. ﺍﺟﻴﺖ ﺍﺷﻮﻓﺞ ﻧﺘﺮﻳﮓ ﺳﻮﺓ ..
ﺍﻧﺘﻲ ﺯﻳﻨﺔ ؟؟
- ﺗﻤﺎﻡ .. ﻳﻠﺔ ﺧﻠﻴﻨﺎ ﻧﻨﺰﻝ ..
ﻧﺰﻟﺖ ﺑﺨﻄﻮﺍﺕ ﻭﺍﺛﻘﻪ ﻭﺍﺑﺘﺴﺎﻣﺔ ﺧﻔﻴﻔﺔ .. ﺻﺪﻣﺖ ﺍﻟﻜﻞ ﻭﺗﺮﻛﻮﺍ ﻛﻠﺸﻲ ﺑﻴﺪﻫﻢ ﻭﻧﻀﺮﺍﺗﻬﻢ ﻣﺎﻓﺎﺭﮔﺘﻨﻲ ﻟﺜﻮﺍﻧﻲ ..
ﺑﻴﻨﻤﺎ ﻛﺎﻥ ﻧﻀﺮﻱ ﺑﺄﺳﺘﻘﺎﻣﺔ ..
ﻭﻋﻴﻮﻧﻲ ﺗﺪﻭﺭ ﺷﺨﺺ ﻭﺍﺣﺪ ﺑﺲ ..
ﺻﺒﺎﺡ ﺍﻟﺨﻴﺮ ..
ﺍﻟﻜﻞ ﺭﺩ ﺑﺘﺮﺩﺩ ﺻﺒﺎﺡ ﺍﻟﻨﻮﺭ ..
ﻫﻤﺴﺖ ﻣﺮﺕ ﻋﻤﻬﻢ ﺍﻟﻌﻤﺘﻲ ..
ﺩﺍﺩﺓ ﺷﻮ ﻫﺎﻱ ﻣﺎﻣﻬﺘﻤﺔ ﻭﻋﺒﺎﻟﻚ ﻫﻲ ﺍﻟﻌﺮﻭﺱ .. ﻭﻻﺗﮕﻮﻝ ﺍﻟﻴﻮﻡ ﻋﺮﺱ ﺯﻟﺘﻤﻬﺎ ..
- ﺍﺷﺸﺸﺸﺶ ﻻﺗﺴﻤﻌﺞ .. ﻋﻤﺘﻲ ﺑﻬﻤﺲ ﮔﺎﻟﺘﻠﻬﺎ ..
ﺩﺧﻠﺖ ﻟﻠﻤﻄﺒﺦ ﻭﺑﺪﻳﺖ ﺍﺣﻀﺮ ﺍﻟﺮﻳﻮﮒ ﺑﻼﻣﺒﺎﻻﺓ ..
ﻟﻜﻦ ﺍﺣﺲ ﻫﻨﺎﻙ ﺛﻐﺮﺓ ﻭﺟﺮﺡ ﺑﺪﺍﺧﻠﻲ ﻭﺍﻟﻢ ..
ﻣﺴﺘﺤﻴﻞ ﺍﺣﺪ ﻳﺤﺲ ﻓﻴﻪ ﺍﻻ ﺍﻟﻲ ﻣﺠﺮﺑﺔ ..
ﮔﻌﺪﺕ ﻉ ﺍﻟﻄﺎﻭﻟﺔ ﺑﺎﻟﻤﻄﺒﺦ ..
ﻭﻛﻞ ﺍﻟﻲ ﻳﺪﺧﻞ ﻳﻐﺸﻌﻠﻲ ﺑﻨﻀﺮﺓ ﺷﻔﻘﺔ ﻭﺍﻧﻲ ﺍﻗﺎﺑﻠﺔ ﺑﺄﺑﺘﺴﺎﻣﺔ ..
ﻣﺴﺘﺤﻴﻞ ﺍﺧﻠﻴﻬﻢ ﻳﺤﺴﻮﻥ ﺑﻀﻌﻔﻲ ﻭﻗﻠﺔ ﺣﻴﻠﺘﻲ ..
ﺑﺄﺳﻮﺀ ﺍﻟﻀﺮﻭﻑ ﻭﺑﺘﺸﺘﺖ ﻋﺎﺋﻠﺘﻲ ..
ﻭﺳﺒﻲ ﺩﺍﻋﺶ ﺍﻟﻲ ﻭﺍﻻﺧﺘﻲ ﻣﺎﺍﺳﺘﺴﻠﻤﺖ ﻭﻻﺿﻌﻔﺖ ..
ﻧﻬﻀﺖ ﻣﻦ ﺍﻟﻄﺎﻭﻟﻪ ..
ﻟﻴﻨﺎ .. ﺍﻧﺘﻲ ﺭﻭﺣﻲ ﺍﻟﻐﺮﻓﺘﺞ ﺍﻧﻲ ﺍﻏﺴﻠﻬﻢ ..
ﻫﺰﻳﺖ ﺑﺮﺍﺳﻲ ﻭﺻﻌﺪﺕ ..
ﻣﻦ ﻏﻴﺮ ﻛﻼﻡ ..
ﺍﻏﺸﻌﺖ ﺍﻟﻌﻤﺘﻲ ﺩﺣﻜﺖ ﺑﺎﻻﺭﺽ .. ﻳﻤﻜﻦ ﺣﺴﺖ ﺑﺘﺄﻧﻴﺐ ﺍﻟﻀﻤﻴﺮ ﺍﻭ ﻣﺎﺗﮕﺪﺭ ﺗﺒﺮﺭ ﺧﻄﺄﻫﺎ ﺑﺤﻘﻲ ..
ﺻﻌﺪﺕ ﺍﻟﻐﺮﻓﺘﻲ ..
ﻓﺘﺤﺖ ﺍﻟﺨﺰﺍﻧﺔ ﻭﻋﻴﻨﻲ ﻋﻠﻰ ﻣﻼﺑﺴﻮ ﺗﻠﻤﺴﺘﻬﻢ ﻭﻗﺮﺑﺘﻬﻢ ﺍﻟﻲ ﺍﺷﻢ ﺑﻴﻬﻢ ..
ﺍﺧﺬﺗﻬﻢ ﻭﺭﺗﺒﺘﻬﻢ ﻉ ﺍﻟﺴﺮﻳﺮ ..
ﻭﺑﻘﻴﺖ ﺍﺩﺣﻖ ﺑﻴﻬﻢ ..
ﺍﺗﺬﻛﺮﺕ ﻳﻤﻲ ﻭﺍﺑﻲ ﻭﺣﻴﺎﺗﻨﺎ ﺍﻟﺤﻠﻮﺓ ﺑﺎﻟﻤﻮﺻﻞ ..
ﻗﺮﻳﺘﻨﺎ ﺍﻟﻲ ﻛﺎﻥ ﻣﺎﺑﻴﻬﺎ ﺑﺲ ﺍﻟﻔﺮﺡ ﻭﺍﻟﻠﻬﻮ ﻭﺍﻟﺤﺐ ..
ﻣﺎﻋﺮﻓﻨﺎ ﺍﻻﻟﻢ ﺑﻴﻮﻡ ..
ﻭﻻ ﺍﻟﺤﺰﻥ ..
ﺍﻻ ﻟﻤﺎ ﺩﺧﻞ ﻋﻠﻴﻨﺎ ﺩﺍﻋﺶ ﺍﻟﻤﺸﺆﻭﻡ ..
ﺿﺎﻋﺖ ﺑﺴﺒﺒﺔ ﻛﻞ ﺍﻣﺎﻧﻴﻨﺎ ﻭﺍﺣﻼﻣﻨﺎ ﻭﻃﻔﻮﻟﺘﻨﺎ ..
ﻓﻲ 12 ﺗﻤﻮﺯ ..………2014
ﺗﺮﺍﻧﻴﻢ ..
ﺍﺳﻤﻲ .. ﺍﺑﻲ ﻟﻤﺤﺒﺘﻪ ﻟﻠﺘﺮﺍﻧﻴﻢ ﻭﺍﻻﻧﺎﺷﻴﺪ ﻓﻲ ﺍﻟﻜﻨﻴﺴﺔ ﺍﺳﻤﺎﻧﻲ ﺑﻪ .. ﻫﻮ ﻣﻨﺸﺪ ﻭﻋﻠﻤﻨﻲ ﻋﻠﻴﻬﺎ ﻣﻦ ﺻﻐﺮﻱ ..
ﻓﻜﻨﺖ ﺩﺍﻳﻤﺎ ﺍﺭﺍﻓﻘﻪ ﻓﻲ ﺍﻻﻋﻴﺎﺩ ﻭﺍﻟﻤﻨﺎﺳﺒﺎﺕ ..
ﻭﻧﺘﻠﻲ ﺍﻻﻧﺎﺷﻴﺪ ﻭﺍﻟﺘﺮﺍﻧﻴﻢ ﺳﻮﻳﺔ ..
ﺑﻌﺪ ﺗﺨﺮﺟﻲ ﺍﺧﺬﺕ ﺩﺭﻭﺱ ﻓﻲ ﺍﻟﻜﻨﻴﺴﺔ .. ﻛﺎﻥ ﺍﺑﻲ ﻳﺎﺧﺬﻧﻲ ﻣﻌﺎﻩ ﻟﻠﻜﻨﻴﺴﺔ ﺍﻧﺎ ﻭﻟﻴﻨﺎ ﻧﺘﻠﻘﻰ ﺩﺭﻭﺱ ﺍﻧﺎﺷﻴﺪ ﻭﺗﺮﺍﻧﻴﻢ ..
ﺻﻮﺗﻲ ﺟﻤﻴﻞ ﺟﺪﺍ
ﺭﺟﻌﻨﺎ ﻟﻠﺒﻴﺖ ..
ﻭﻓﺠﺄﺓ ﺳﻤﻌﻨﺎ ﺍﺻﻮﺍﺕ ﻏﺮﻳﺒﺔ ﻭﻛﺎﻧﺖ ﺑﻤﻜﺒﺮﺍﺕ ﺻﻮﺕ ..
ﻃﻠﻌﻨﺎ ﺑﺎﻟﺒﺎﺏ ..
ﺻﺎﺑﺘﻨﻲ ﺭﻫﺒﺔ ﻣﻦ ﺍﻟﻤﻨﻈﺮ ..
ﻭﺟﻮﻩ ﻏﺮﻳﺒﺔ ﻭﻣﻼﻣﺤﺔ ﻣﺨﻴﻔﻪ ﻣﺨﻴﻤﻴﻦ ﺑﺎﻟﺴﻮﺍﺩ ﻭﺳﻴﺎﺭﺍﺗﻬﻢ ﻋﺒﺎﺭﺓ ﻋﻦ ﺍﻋﻼﻡ ﺳﻮﺩﺍﺀ ..
ﻛﺎﻧﻮﺍ ﻳﺘﻜﻠﻤﻮﻥ ﺑﻠﻐﺔ ﻓﺼﻴﺤﺔ ..
" ﺍﻳﻬﺎ ﺍﻟﻜﻔﺎﺭ ﻧﺤﻦ ﺟﺌﻨﺎ ﻟﻨﻌﻴﺪ ﺍﻻﺳﻼﻡ ﺍﻟﻰ ﺳﺎﺑﻖ ﻋﻬﺪﻩ ﻋﻠﻴﻜﻢ ﺑﺄﺛﻨﻴﻦ ﺍﻣﺎ ﺍﻥ ﺗﺪﺧﻠﻮﺍ ﺑﺎﻻﺳﻼﻡ ﺍﻟﺬﻱ ﺟﺎﺀ ﺑﻪ ﺍﻟﺮﺳﻮﻝ .. ﺍﻭ ﺩﻓﻊ ﺟﺰﻳﺔ ﻣﺎﻟﻴﻪ "
ﻛﺘﺒﻮﺍ ﻋﻠﻰ ﺑﻴﻮﺗﻨﺎ ﺣﺮﻑ ﻥ ﺍﻱ ﺍﻟﻨﺼﺎﺭﻯ ..
ﻭﮔﺎﻟﻮﺍ .. ﻫﺬﻩ ﺍﻟﺒﻴﻮﺕ ﺍﺻﺒﺤﺖ ﻟﻠﺪﻭﻟﺔ ﺍﻻﺳﻼﻣﻴﺔ ﺑﻌﺪ ﺍﻻﻥ ..
ﻳﻤﻲ .. ﺩﺧﻠﻦ ﺑﺴﺮﻋﻪ ﺍﻟﺮﺏ ﻳﺤﻤﻴﻨﺎ . ﻭﻛﺎﻧﺖ ﺧﺎﻳﻔﻪ ..
- ﻣﻦ ﺫﻭﻝ ﻳﻤﻲ ﻭﺷﻨﻮ ﻳﺮﺩﻭﻥ ﻣﻨﺎ ..
- ﻣﺎﺍﻋﺮﻑ ﻣﺎﺍﻋﺮﻑ ..
ﻫﺴﺎ ﻳﺠﻲ ﺍﺑﻮﻛﻲ ﻭﻧﻔﻬﻢ ﻣﻨﻮ ..
ﻛﺎﻥ ﺍﻟﺨﻮﻑ ﻣﺮﺳﻮﻡ ﻋﻠﻰ ﻭﺟﻬﺔ ﻭﺗﺘﻮﺳﻞ ﺑﺎﻟﺮﺏ ﻭﺍﻣﻨﺎ ﻣﺮﻳﻢ ﺍﻟﺤﻤﺎﻳﺔ ..
ﺩﺧﻞ ﺍﺑﻲ ﻭﺟﻬﻮ ﺷﺎﺣﺐ ..
ﻳﻤﻲ .. ﺷﻨﻮ ﺫﻭﻝ ﻭﺷﻴﺮﺩﻭﻥ ..
ﺍﺑﻲ .. ﺍﻟﺮﺏ ﻳﺤﻤﻴﻨﺎ ﺷﻜﻠﻬﻢ ﻣﺎﻳﺒﺸﺮ ﺑﺨﻴﺮ .. ﻻﺯﻡ ﻧﺪﻓﻊ ﺍﻟﺠﺰﻳﺔ ﺍﻭ ﻳﺠﺒﺮﻭﻧﺎ ﻟﺪﺧﻮﻝ ﺍﻻﺳﻼﻡ ﺍﻭ ﺍﻟﻤﻮﺕ ..
ﻳﻤﻲ .. ﻟﻴﺶ ﻫﻲ ﺍﻟﺪﻧﻴﺎ ﺳﺎﻳﺒﺔ ﻭﻳﻦ ﺍﻟﺤﻜﻮﻣﺔ ﻭﻳﻦ ﺍﻟﺠﻴﺶ
ﺍﺑﻲ .. ﺍﻱ ﺣﻜﻮﻣﺔ ﻳﺎ ﻣﻴﺮﺍﻱ .. ﻫﺬﻭﻝ ﻣﺎﻳﻌﺮﻓﻮﺍ ﻻﺭﺏ ﻭﻻﺩﻳﻦ ..
ﻋﺸﻨﺎ ﺳﻨﻴﻦ ﻣﻊ ﺍﻟﻤﺴﻠﻤﻴﻦ ﻣﺎﺷﻔﻨﺎﻫﻢ ﺑﻴﻮﻡ ﺍﺫﻭﻧﺎ ﺍﻭ ﮔﺎﻟﻮﺍ ﻫﺎﻟﺤﺠﻲ ..
ﻳﻤﻲ .. ﻭﺍﻟﺤﻞ ؟؟
ﺍﺑﻲ .. ﺍﻟﺤﻞ ﺍﻧﻪ ﻧﮕﻌﺪ ﺑﺒﻴﺘﻨﺎ ﻭﻧﻨﺘﻀﺮ ﺍﻟﺮﺣﻤﺔ ﻣﻦ ﺍﻟﺮﺏ ..
ﺧﻠﻌﺖ ﻳﻤﻲ ﻛﻞ ﺫﻫﺒﻬﺎ ﻭﮔﺎﻟﺖ ﺍﻻﺑﻲ ..
- ﺧﺬ ﺫﻫﺒﻲ ﻭﺑﻴﻌﺔ ﻭﺍﺩﻓﻊ ﺍﻟﺠﺰﻳﺔ ﻣﺎﻋﺪﻧﺎ ﻏﻴﺮ ﻣﻜﺎﻥ ﻧﺮﻭﺡ
- ﻭﺗﻈﻨﻴﻦ ﺧﻠﺺ ﺭﺍﺡ ﻳﻘﻨﻌﻮﺍ ﻭﻳﻜﻔﻮ ﻋﻨﺎ ..
ﻫﺬﻭﻝ ﻣﺎﻳﺮﺗﺎﺣﻮﺍ ﺍﻻ ﺍﺫﺍ ﻫﺠﺮﻭﻧﺎ ﻣﻦ ﺑﻠﺪﻧﺎ ..
ﺑﻘﻴﻨﺎ ﺍﻳﺎﻡ ﻭﺍﺣﻨﻪ ﺑﺨﻮﻑ ﻭﺭﻋﺐ ﻭﻛﻞ ﺷﻮﻳﺔ ﺗﺠﻲ ﺳﻴﺎﺭﺍﺕ ﻭﺗﻨﺎﺩﻱ ﺑﺪﺧﻮﻟﻨﺎ ﻟﻼﺳﻼﻡ ﻭﺩﻓﻊ ﺍﻟﺠﺰﻳﺔ ..
ﻳﻮﻡ -17 ﺗﻤﻮﺯ ..
ﻧﺎﺩﻭﺍ ﻣﺮﺓ ﺛﺎﻧﻴﺔ ﻭﻃﻠﺒﻮﺍ ﻣﻨﺎ ﺍﻣﺎ ﺍﻥ ﻧﺘﺮﻙ ﺑﻴﻮﺗﻨﺎ ﺍﻭ ﺍﻟﻘﺘﻞ ..
ﺑﻌﺪﻣﺎ ﻛﺎﻧﻮﺍ ﻣﺨﻴﺮﻳﻨﺎ ﺑﻴﻦ ﺍﻻﺳﻼﻡ ﻭﺍﻟﺠﺰﻳﺔ ..
ﺍﺧﻲ ﻛﺎﻥ ﻳﺸﺘﻐﻞ ﺑﻤﺨﻤﻮﺭ .. ﻃﻠﺐ ﻣﻨﺎ ﻧﺮﻭﺡ ﻟﻌﻨﺪﻭ ﻫﻨﺎﻙ ﺍﻣﻦ ﻭﺍﺣﺴﻦ ..
ﺛﺎﻧﻲ ﻳﻮﻡ ﻣﻦ ﺍﻟﻔﺠﺮ ﻟﺒﺴﻨﺎ ﻭﻃﻠﻌﻨﺎ ﺭﻏﻢ ﺍﻟﺸﻮﺍﺭﻉ ﻣﻠﻴﺎﻧﺔ ﺑﻴﻬﻢ ..
ﻛﻞ ﻣﺮﺓ ﻳﻮﮔﻔﻮﻧﺎ .. ﻭﻳﻐﺸﻌﻮﺍ ﻋﻠﻴﻨﺎ ..
ﻳﮕﻮﻟﻮﺍ ﻭﻳﻦ ﺭﺍﻳﺤﻴﻦ ..
ﻭﺍﺑﻲ ﻳﮕﻠﻬﻢ ﺗﺎﺭﻛﻴﻦ ﺍﻟﻤﺤﺎﻓﻈﺔ ﻭﻧﺎﺯﺣﻴﻦ ﻉ ﻛﺮﺩﺳﺘﺎﻥ ..
ﻭﺻﻠﻨﺎ ﻣﺨﻤﻮﺭ ﻭﺍﻟﺨﻮﻑ ﻣﺪﻣﺮﻧﺎ ..
ﻭﻛﺎﻥ ﺍﺑﻲ ﻣﻐﻄﻴﻨﺎ ﻣﻦ ﻋﻴﻮﻧﻬﻢ ﺧﺎﻳﻒ ﻋﻠﻴﻨﺎ ..
ﺍﺣﺲ ﻧﻔﺴﻨﺎ ﺿﺎﮒ ﻣﻦ ﺍﻟﺨﻤﺎﺭ ﺍﻟﻲ ﻻﺑﺴﻴﻪ ..
ﺍﺗﻔﺎﺟﺄﻧﺎ ﺑﻤﺨﻤﻮﺭ ﺍﻣﻦ ﻭﻗﻮﺍﺕ ﺍﻟﺒﻴﺸﻤﺮﮔﺔ ﻣﺴﻴﻄﺮﺓ ﻉ ﺍﻟﻮﺿﻊ ..
ﺍﺭﺗﺎﺣﻴﻨﺎ ﻭﻓﺮﺣﻨﺎ ..
ﻭﺍﺧﻴﺮﺍ ﺧﻠﺼﻨﺎ ﻣﻦ ﻫﺬﺍ ﺍﻟﻜﺎﺑﻮﺱ ..
ﺍﻧﺠﻤﻌﻨﺎ ﺑﺄﺧﻲ ﺳﻠﻴﻤﺎﻥ ..
ﻭﻋﺸﻨﺎ ﻣﻌﺎﻩ ﺑﺸﻘﺘﻮ ﺍﻟﺼﻐﻴﺮﺓ ..
ﻟﻜﻦ ﺍﻟﻤﻬﻢ ﻋﺪﻧﺎ ﺍﻻﻣﺎﻥ ..
ﻣﺮﺕ ﺍﻻﻳﺎﻡ ﺑﺨﻤﻮﺭ ﻭﺍﺣﻨﺔ ﻧﻤﺎﺭﺱ ﺣﻴﺎﺗﻨﺎ ﺑﺸﻜﻞ ﻃﺒﻴﻌﻲ ﻭﻓﻲ ﻛﺜﻴﺮ ﻣﻦ ﺍﻟﻤﺴﻴﺤﻴﻦ ﻣﻌﺎﻧﺎ ﺭﺟﻌﻮﺍ ﻉ ﺍﻟﻨﺎﺣﻴﺔ ..
ﺍﻟﻜﻞ ﻳﺘﻨﻘﻞ ﻭﻳﺸﺘﻐﻞ ﻭﻳﺘﺴﻮﻕ ﺣﺴﻴﻨﺎ ﺑﺎﻟﻄﻤﺄﻧﻴﻨﺔ ..
ﻟﻜﻦ ﺑﻌﺪ ﻣﺮﻭﺭ ﺍﺳﺒﻮﻉ ﺗﻔﺎﺟﺄﻧﺎ ﺑﺄﻧﺴﺤﺎﺏ ﻗﻮﺍﺕ ﺍﻟﺒﻴﺸﻤﺮﮔﺔ ﺑﺴﻬﻮﻟﻪ ﻭﻣﻦ ﻏﻴﺮ ﺍﻱ ﻣﻘﺎﻭﻣﺔ ..
ﻟﻴﻌﻮﺩ ﺩﺍﻋﺶ ﻭﻳﺴﻴﻄﺮ ﻋﻠﻰ ﻧﺎﺣﻴﺔ ﻣﺨﻤﻮﺭ ﻣﻦ ﺟﺪﻳﺪ ..
ﻟﻜﻦ ﻫﺬﻱ ﺍﻟﻤﺮﺓ ..
ﺷﻨﻮ ﺍﻟﻬﺠﻮﻡ ﻋﻠﻴﻨﺎ ﺑﺎﻟﻬﺎﻭﻧﺎﺕ ﻭﺍﻟﻘﺘﻞ ﺑﺪﻭﻥ ﺭﺣﻤﺔ ..
ﻭﻣﺎﻛﺎﻥ ﻣﻨﺎ ﺍﻻ ﺍﻧﻪ ﻧﻬﺮﺏ ﻣﺜﻞ ﺍﻟﺒﻘﻴﺔ ..
ﻓﻜﻞ ﺍﻗﺎﺭﺑﻨﺎ ﻭﻋﻤﺎﻣﻲ ﻫﺮﺑﻮﺍ ﺑﻤﺨﻴﻤﺎﺕ ﻋﻠﻰ ﺍﻃﺮﺍﻑ ﺩﻫﻮﻙ
ﻟﻜﻦ ﺍﺛﻨﺎﺀ ﻫﺮﻭﺑﻨﺎ ..
ﺣﺎﺻﺮﺗﻨﺎ ﻗﻮﺍﺕ ﻣﻦ ﺩﺍﻋﺶ ..
ﺑﺎﻟﺒﺪﺍﻳﺔ ﺍﺧﺬﻭﺍ ﺍﺧﻲ ﻭﺿﺮﺑﻮﻩ ﻷﻥ ﺟﺎﺩﻟﻬﻢ ﺑﺎﻟﻜﻼﻡ ..
ﻭﺑﻌﺪﻫﺎ ﺍﺑﻲ ﺣﺎﻭﻝ ﻳﺪﺍﻓﻊ ﻋﻨﻪ ..
ﺿﺮﺑﻮﻩ ﻭﺍﺧﺬﻭﻫﻢ ﻟﻠﺴﻴﺎﺭﺍﺕ ..
ﻛﺎﻥ ﺍﺧﻲ ﻭﺍﺑﻲ ﻳﻘﺎﻭﻣﻮﻥ ﻟﻜﻦ ﻣﺎﻛﻮ ﻓﺎﻳﺪﺓ ..
ﺍﺣﻨﺔ ﺑﺲ ﻧﻌﻴﻂ ﻭﺍﺧﺘﻲ ﻭﻳﻤﻲ ﻳﺒﻜﻮﻥ ..
ﻛﻞ ﺍﻟﻲ ﻣﻌﺎﻧﺎ ﺍﻧﺘﻔﻀﻮﺍ ﻟﻜﻦ ﻣﺎﻟﮕﻮﺍ ﺍﻻ ﺍﻟﻀﺮﺏ ﻣﻦ ﺩﺍﻋﺶ ..
ﺍﺳﺮﻭﺍ ﻛﺜﻴﺮ ﻣﻦ ﺍﻟﺮﺟﺎﻝ ﻭﺍﺧﺬﻭﺍ ﺍﻟﻨﺴﺎﺀ ..
ﻛﺎﻧﺖ ﻳﻤﻲ ﺗﺘﻮﺳﻞ ﺑﻴﻬﻢ ﺍﻧﻬﻢ ﻳﺘﺮﻛﻮﻥ ﺍﺑﻲ ﻭﺍﺧﻲ ..
ﻟﻜﻦ ﺩﻭﻥ ﺟﺪﻭﻯ ..
ﺑﺪﺃﻭ ﻳﺘﻔﺤﺼﻮﻧﺎ ﺑﻨﻀﺮﺍﺗﻬﻢ ﺍﻟﻤﻘﺰﺯﺓ ..
ﺍﺧﺘﻲ ﻟﻴﻨﺎ ﺧﺎﻓﺖ ﻭﻣﺴﻜﺖ ﺍﻳﺪﻱ ﺑﻘﻮﺓ ﻟﺪﺭﺟﺔ ﻏﺮﺯﺕ ﺍﺿﺎﻓﺮﻫﺎ ﺑﺄﻳﺪﻱ ..
ﻣﻦ ﺍﻟﺨﻮﻑ
ﻟﻔﻴﺖ ﺍﻟﺸﺎﻝ ﺍﻟﻲ ﻛﻨﺎ ﻣﻐﻄﻴﻦ ﻭﺟﻬﻨﺎ ﺑﻲ .. ﻋﻠﻰ ﻭﺟﻮﻫﻨﺎ ﻭﺩﺣﻘﻨﺎ ﺑﺎﻻﺭﺽ ..
ﺍﺗﻘﺮﺏ ﻭﺍﺣﺪ ﻣﻨﻬﻢ ﻭﺑﺪﺃ ﻳﻠﺘﻒ ﺣﻮﻟﻨﺎ ﻣﺜﻞ ﺍﻟﺜﻌﺒﺎﻥ ﺍﻟﻲ ﺗﻠﺘﻒ ﺣﻮﻝ ﻓﺮﻳﺴﺘﻬﺎ ﻭﺑﻌﺪﻫﺎ ﺗﺨﻨﻘﻬﺎ ﻭﺗﺎﻛﻠﻬﺎ ..
ﻣﺎﺍﻧﻜﺮ ﺍﻟﺨﻮﻑ ﺳﻴﻄﺮ ﻋﻠﻴﺔ .. ﻟﻜﻦ ﺛﻘﺘﻲ ﺑﺎﻟﺮﺏ ﻋﻄﺘﻨﻲ ﺍﻻﻣﺎﻥ ..
ﺭﻓﻊ ﺍﻳﺪﻭ ﻭﻧﺰﻝ ﺍﻟﺸﺎﻝ ﻣﻦ ﻭﺟﻬﻲ ..
ﺑﻌﺪﻫﺎ ﺻﻔﺮ ﺑﻔﻤﻮ ﻭﮔﺎﻝ ..
ﺍﻣﻤﻤﻤﻤﻢ ﺳﺒﺤﺎﻥ ﺍﻟﺨﺎﻟﻖ ..
ﺿﺮﺑﺖ ﺍﻳﺪﻭ ﺑﺤﺮﻛﺔ ﻻﺍﺭﺍﺩﻳﺔ ﻭﻧﻀﺮﺗﻠﻮ ﺑﻐﻀﺐ ..
ﺿﺤﻚ ﺿﺤﻜﺔ ﻗﻮﻳﺔ ﻭﮔﺎﻝ ﺍﻟﺠﻤﺎﻋﺘﻮ ..
ﺍﻧﻬﺎ ﻣﻬﺮﺓ ﺟﺎﻣﺤﺔ ﻭﻗﻮﻳﺔ ..
ﻭﺍﺣﺪ ﺛﺎﻧﻲ ﻟﻬﺠﺘﻮ ﺧﻠﻴﺠﻴﺔ ..
ﺟﻴﺒﻬﺎ ﻳﺒﺔ ﻫﺬﻱ ﺍﻟﻨﺴﻮﺍﻥ ﺍﻟﺰﻳﻨﺔ .. ﺍﻧﺎ ﺗﻌﺠﺒﻨﻲ ﺍﻟﻤﺮﺓ ﺍﻟﮕﻮﻳﺔ ..
ﺧﻠﻮﻧﺎ ﻧﺴﺘﺎﻧﺲ ﺑﻴﻬﺎ ﺻﺎﺭ ﺯﻣﺎﻥ ﻣﺎﺷﻔﺖ ﻣﺜﻞ ﻫﺎﻟﻤﺮﺓ ..
ﻳﻤﻲ .. ﻻ ﺍﻻ ﺑﻨﺎﺗﻲ ﺧﺬﻭﻧﻲ ﺍﻧﺎ ﻟﻜﻦ ﺍﺗﺮﻛﻮﺍ ﺑﻨﺎﺗﻲ ﻳﺮﺣﻮﻥ ﺍﺫﺍ ﺗﻌﺮﻓﻮﺍ ﺍﻟﺮﺏ ﻭﺳﻴﺪﺗﻨﺎ ﻣﺮﻳﻢ ﺍﺗﺮﻛﻮﻫﻦ …
ﺿﺤﻜﻮﺍ .. ﻫﻬﻬﻬﻬﻬﻪ ﻣﺮﻳﻢ ﻣﻨﻮ .. ﻧﺤﻦ ﺍﻟﺪﻭﻟﺔ ﺍﻻﺳﻼﻣﻴﺔ ﺍﻳﺘﻬﺎ ﺍﻟﻜﺎﻓﺮﺓ ..
ﻟﺰﻣﻮﺍ ﺍﻳﺪﻫﺎ ﻭﺍﺧﺬﻭﺍ ﺍﻟﺬﻫﺐ ﻛﻠﻮ ﻭﺿﺮﺑﻮﻫﺎ ﻉ ﺍﻻﺭﺽ ..
ﺭﻛﻀﺖ ﺍﻟﻬﺎ ﻭﻛﻨﺖ ﻛﻠﻲ ﻏﻀﺐ ..
ﻛﻨﺖ ﺍﻟﻌﻦ ﻭﺍﺳﺐ ﺑﻴﻬﻢ ﻭﻫﻢ ﻳﻀﺤﻜﻮﺍ ..
ﺳﺤﺒﻮﻧﻲ ﻣﻦ ﺍﻳﺪﻱ ﻭﺍﻧﺎ ﺍﻗﺎﻭﻡ ﻟﻜﻦ ﺩﻭﻥ ﻓﺎﻳﺪﺓ ..
ﺍﺧﺬﻭﻧﻲ ﺍﻧﺎ ﻭﺍﺧﺘﻲ ﻭﺻﻌﺪﻭﻧﺎ ﺑﺴﻴﺎﺭﺓ ..
ﻭﻳﻤﻲ ﺗﻌﻴﻂ ﻭﺭﺍﻧﺎ ﻭﺗﺒﻜﻲ ..
ﻭﺍﺧﺬﻭﺍ ﻣﻌﺎﻧﺎ ﻛﺜﻴﺮ ﻣﻦ ﺍﻟﺒﻨﺎﺕ ﺑﺄﻋﻤﺎﺭﻧﺎ ﻭﺍﻛﺒﺮ ﻭﺍﺻﻐﺮ ﻣﻨﺎ
ﺿﺮﺑﺖ ﺍﻟﺴﻴﺎﺭﺓ ﻭﺷﺒﺎﻙ ﺑﻜﻞ ﻗﻮﺗﻲ ..
ﺍﻧﺎ ﻭﺍﻟﺒﻨﺎﺕ ﺗﻤﺮﺩﻧﺎ ﻭﺻﺮﺧﻨﺎ ﻭﻣﺎﻛﻮ ﻓﺎﻳﺪﺓ ..
ﺍﺗﻤﻨﻴﺖ ﻳﻘﺘﻠﻮﻧﺎ ﻭﻻﻳﺒﻌﺪﻭﻧﺎ ﻋﻦ ﺍﻫﻠﻨﺎ ..
ﺍﺑﻲ ﻭﺍﺧﻲ ﺍﻟﻲ ﺧﺬﻭﻫﻢ ﻣﺎﻧﻌﺮﻑ ﻭﻳﻦ ..
ﻭﻻ ﻳﻤﻲ ﺍﻟﻲ ﺑﻘﺖ ﻭﺣﺪﻫﺎ ﻭﻣﺎﻧﻌﺮﻑ ﺷﺮﺍﺡ ﻳﺴﻮﻥ ﺑﻴﻨﺎ ﻭﺑﻴﻬﺎ ..
ﺑﻌﺪ ﻣﺎﺗﻌﺒﻨﺎ ﻣﻦ ﺍﻟﻌﻴﺎﻁ ..
ﺍﺧﺬﺕ ﻟﻴﻨﺎ ﺍﻟﺤﻈﻨﻲ ..
ﻭﺣﺎﻭﻟﺖ ﺍﻫﺪﺃﻫﺎ ..
ﺍﺷﺸﺸﺶ ﺣﺒﻴﺒﺘﻲ ﺍﻧﻲ ﻳﻤﺞ ﻣﺴﺘﺤﻴﻞ ﺍﺧﻠﻲ ﺟﻨﺲ ﻣﺨﻠﻮﻕ ﻳﻤﺴﻚ ..
ﻟﻴﻨﺎ ﻫﻲ ﻃﻔﻠﺘﻨﺎ ﺍﻟﻤﺪﻟﻠﺔ ..
ﻷﻧﻬﺎ ﺻﻐﻴﺮﺓ ﻭﻋﻤﺮﻫﺎ 12 ﺳﻨﺔ ﻓﻲ ﻓﺎﺭﻕ ﻛﺒﻴﺮ ﺑﻴﻨﻲ ﻭﺑﻴﻨﻬﺎ ﻛﺎﻧﺖ ﺻﻐﻴﺮﺓ ﺍﻧﺎ ﺍﻟﻲ ﺍﻫﺘﻢ ﺑﻴﻬﺎ ﻭﺍﻋﻠﻤﻬﺎ ..
ﻛﺄﻧﻬﺎ ﺑﻨﺘﻲ ﻣﻮ ﺧﻴﺘﻲ ..
ﺍﻏﺸﻌﺖ ﻟﻠﺒﻨﺎﺕ ﺍﻟﻲ ﻣﻌﺎﻧﺎ ..
ﺧﺎﻳﻔﻴﻦ ﻭﻣﺮﻋﻮﺑﻴﻦ ﻭﺍﻟﺪﻣﻮﻉ ﻣﺎﻧﺸﻔﺖ ﻣﻦ ﻋﻴﻮﻧﻬﻢ ..
ﺍﻟﺴﻴﺎﺭﺓ ﻣﺸﺖ ﻓﻴﻨﺎ ﻣﺴﺎﻓﻪ ﻃﻮﻳﻠﻪ ..
ﺑﻌﺪﻫﺎ ﻭﮔﻔﺖ ﻭﻧﺰﻟﻮﻧﺎ ﻣﻨﻬﺎ ﻋﻠﻰ ﻣﺪﺭﺳﺔ ..
ﻛﻠﻤﺎ ﺭﺍﺩ ﺍﺣﺪ ﻳﻠﻤﺴﻨﻲ ﺍﻋﻴﻂ ﻭﻣﺎﺍﻗﺒﻞ ..
ﺳﺤﺒﺖ ﻟﻴﻨﺎ ﻭﺩﺧﻠﻨﺎ ..
ﻏﺸﻌﺖ ﻛﺜﻴﺮ ﺑﻨﺎﺕ ﺻﻐﺎﺭ ﻭﻛﺒﺎﺭ ..
ﺍﺯﻳﺪﻳﺎﺕ ﻭﻣﺴﻴﺤﻴﺎﺕ ﻭﻋﺮﺑﻴﺎﺕ ..
ﻭﺍﻟﻜﻞ ﺑﺮﻫﺒﺔ ﻭﺧﻮﻑ ..
ﻛﺎﻧﺖ ﻗﺎﻋﺔ ﻛﺒﻴﺮﺓ ﻓﻲ ﻣﺪﺭﺳﺔ ..
ﺩﺧﻠﻨﺎ ﻭﺑﺪﺍﺕ ﺍﻻﺳﺌﻠﺔ ..
ﻣﻦ ﻭﻳﻦ ﻭﺷﻠﻮﻥ ﺍﺧﺬﻭﻛﻢ .. ﻭﻭﻭﻭﻭﻭ
ﻟﻜﻦ ﺍﺧﺘﺮﺕ ﺍﻟﺼﻤﺖ ﻋﻠﻰ ﺍﻟﻜﻼﻡ ..
ﺣﺴﻴﺖ ﻫﺬﻱ ﻧﻬﺎﻳﺘﻨﺎ ﻭﻣﺎﻛﻮ ﺧﻼﺹ ﻣﻨﻪ ..
ﻋﺎﺋﻠﺘﻨﺎ ﺗﺸﺘﺖ ﺑﻮﻗﺖ ﻛﺎﻥ ﺑﺄﺳﺘﻄﺎﻋﺘﻨﺎ ﻧﻬﺮﺏ ﻭﻧﻨﻔﺬ ﺑﺮﻭﺣﻨﺎ ..
ﻣﺎﺍﻋﺮﻑ ﻟﻴﺶ ﺍﻫﻠﻲ ﺗﻬﺎﻭﻧﻮﺍ ﺑﺎﻟﻮﺿﻊ ..
ﻛﻨﺎ ﻻﺯﻡ ﻧﺴﺎﻓﺮ ﻣﺜﻞ ﺑﺎﻗﻲ ﺍﻫﻠﻨﺎ ﻭﺍﻗﺎﺭﺑﻨﺎ ..
ﻛﻨﺖ ﺍﻟﻮﻡ ﺑﺄﻫﻠﻲ ﻭﺑﻨﻔﺴﻲ ﺑﻮﻗﺖ ﻣﺎﻳﻨﻔﻊ ﺍﻟﻠﻮﻡ ..
ﺑﻘﻴﻨﺎ ﺍﺳﺒﻮﻋﻴﻦ ﺑﻬﺬﺍ ﺍﻟﻤﻜﺎﻥ ﻣﺜﻞ ﺍﻟﺴﺠﻦ ..
ﻗﻄﻌﺖ ﺍﻻﻛﻞ ﻭﺍﻟﺸﺮﺏ ..
ﺍﻻ ﻣﺎﻧﺪﺭ ﺍﻛﻞ ﺍﻟﻘﻠﻴﻞ ﺣﺘﻰ ﺍﺣﺎﻓﻆ ﻉ ﻗﻮﺗﻲ ﻭﺍﮔﺪﺭ ﺍﺣﻤﻲ ﺍﺧﺘﻲ ..
ﺑﻌﺪ ﻫﺎﻟﻔﺘﺮﺓ ..
ﺑﺪﺃﻭ ﻛﻞ ﻳﻮﻡ ﻳﺎﺧﺬﻭﻥ ﻣﺠﻤﻮﻋﻪ ﺑﻨﺎﺕ ..
ﻭﺑﻌﺪ ﻣﺎﻳﺮﺟﻌﻮﻥ ..
ﻛﻠﻤﺎ ﻳﻨﻔﺘﺢ ﺍﻟﺒﺎﺏ ﺍﺣﺲ ﮔﻠﺒﻲ ﻳﻮﮔﻒ ﺧﻠﺺ
ﺍﻟﻰ ﺍﻥ ﺑﻘﻴﻨﺎ ﺳﺒﻊ ﺑﻨﺎﺕ ..
ﺍﺧﺬﻭﻧﺎ ﺛﺎﻧﻲ ﻳﻮﻡ ﻉ ﺳﺎﺣﺔ ﻳﺴﻤﻮﻫﺎ ﺳﻮﻕ ﺑﻴﻊ ﺍﻟﺠﻮﺍﺭﻱ
ﺣﺴﻴﺖ ﺑﺄﺷﻤﺌﺰﺍﺯ ﻣﻨﻬﻢ ﻭﻣﻦ ﺍﺷﻜﺎﻟﻬﻢ ﻭﻣﻦ ﻋﻴﺎﻁ ﺍﻟﺒﻨﺎﺕ ﺍﻟﻲ ﻳﺎﺧﺬﻭﻫﻦ ﺑﺎﻻﺟﺒﺎﺭ ﻭﻳﺼﻌﺪﻭﻫﻢ ﺑﺎﻟﺴﻴﺎﺭﺍﺕ ..
ﻟﻤﺎ ﻳﺠﻮﻥ ﻳﺸﺘﺮﻭﻥ ﻭﺣﺪﺓ ﻣﻦ ﺍﻟﺒﻨﺎﺕ ..
ﻛﺎﻧﻮﺍ ﻳﺘﻔﺤﺼﻮﻫﻦ ﻭﻳﺘﻠﻤﺴﻮﻫﻦ .. ﺑﻄﺮﻳﻘﻪ ﻣﻘﺮﻓﺔ ..
ﻧﺰﻝ ﻭﺍﺣﺪ ﺿﺨﻢ ﻭﻣﻌﺎﻩ ﺍﻟﺨﻠﻴﺠﻲ ﺍﻟﻲ ﺍﺧﺬﻧﺎ ..
ﺷﺎﻓﻨﺎ ﺍﺑﺘﺴﻢ ..
ﻭﺍﺗﻘﺮﺏ ..
ﺣﻀﻨﺖ ﺍﺧﺘﻲ ﻭﻛﻨﺖ ﺍﺑﺎﻭﻉ ﺑﻐﻀﺐ .. ﻟﻮ ﻛﻨﺖ ﻭﻟﺪ ﻣﺎﺧﻠﻴﺖ ﻭﺍﺣﺪ ﻓﻴﻬﻢ ﻋﺎﻳﺶ ﻉ ﺍﻻﺭﺽ ..
ﺧﻠﺔ ﻋﻴﻨﻮ ﺑﻌﻴﻨﻲ ﻭﮔﺎﻝ ..
ﻭﺍﺧﻴﺮﺍ ﻟﮕﻴﺘﻚ ﻳﺤﻠﻮﺓ ..
ﺍﻟﻠﻴﻠﺔ ﺍﺑﻲ ﺍﺭﻛﺐ ﻋﻠﻰ ﻫﺬﻱ ﺍﻟﻤﻬﺮﺓ ﻭﺍﻃﻴﺮ ﺍﻻﺧﺮ ﺍﻟﺪﻧﻴﺎ ..
- ﺍﻟﺮﺏ ﻳﻄﻴﺮﻙ ﺍﻟﺠﻬﻨﻢ ﻳﺎﺣﻘﻴﺮ ..
ﺍﻧﻲ ﮔﻠﺖ ﻫﻴﺞ ﻭﻣﺎﺣﺴﻴﺖ ﺍﻻ ﺑﻀﺮﺑﺔ ﻋﻠﻰ ﻭﺟﻬﻲ ﺧﺪﺭﺕ ﻭﺟﻨﺘﻲ ﻭﻣﺎﺣﺴﻴﺖ ﺑﻴﻬﺎ ..
ﺳﺤﺒﻨﻲ ﻣﻦ ﺍﻳﺪﻱ ﻭﺍﻧﺎ ﻻﺯﻣﺔ ﺑﻠﻴﻨﺎ ﻣﺎﺍﺗﺮﻛﻬﺎ ﻭﻫﻲ ﺗﻌﻴﻂ ﻭﺗﺒﻜﻲ ..
ﺍﺗﻘﺮﺏ ﺷﺨﺺ ﻻﺑﺲ ﻧﻔﺲ ﻟﺒﺴﻬﻢ ﻟﻜﻦ ﺍﺭﺗﺐ ﺷﻮﻱ ﻭﻣﺎﻳﺸﺒﻬﻬﻢ ..
ﮔﺎﻝ ..
ﺍﺗﺮﻛﻬﺎ .. ﻫﺬﻱ ﻟﻲ ﺍﻧﺎ ﺍﺷﺘﺮﻳﺘﻬﺎ ..
ﺍﻟﺨﻠﻴﺠﻲ .. ﺑﻜﻢ ﺍﻋﻄﻴﻚ ﺍﺿﻌﺎﻑ ﻭﺍﺗﺮﻛﻬﺎ ﻟﻲ ..
ﮔﺎﻟﺔ .. ﻳﻮﻝ ﻣﻮ ﮔﻠﺖ ﺍﺷﺘﺮﻳﺘﻬﺎ ﺧﻠﺺ ﺍﺗﺮﻛﻬﺎ ..
ﻫﻤﺲ ﺑﺄﺫﻧﻮ ﺷﺨﺺ .. ﻭﮔﺎﻝ .. ﻫﻨﻴﺌﺎ ﻟﻚ ﻳﺎﺍﺑﺎ ﻣﺤﻤﺪ ﻫﻲ ﻟﻚ ..
ﻟﺰﻣﺖ ﺑﻠﻴﻨﺎ ﻭﮔﻠﺖ .. ﺍﺧﺘﻲ ﻣﺎﺍﺗﺮﻛﻬﺎ ..
ﺿﺤﻚ ﻭﮔﺎﻝ .. ﺧﻠﺺ ﺍﺧﺬﻳﻬﺎ ﻭﻳﺎﺝ ﺑﻴﻦ ﻣﺎﺍﺩﻓﻊ ﻭﺍﺭﺟﻊ ..
ﺍﺻﻌﺪﻭﺍ ﺑﺎﻟﺴﻴﺎﺭﺓ ﺍﻟﺒﻴﻀﻪ ﺍﻟﻮﺍﮔﻔﻪ ..
ﺣﺴﻴﺖ ﺑﻐﻀﺐ ﻭﺍﺗﻤﻨﻴﺖ ﺍﻧﻔﺠﺮ ﻋﻠﻴﻪ ﻭﻋﻠﻴﻬﻢ ﻭﺍﺧﻠﺺ ﻣﻦ ﻛﻞ ﻫﺬﺍ ﺍﻟﻌﺬﺍﺏ ..
ﺷﻌﻮﺭ ﺻﻌﺐ ﻣﻦ ﺗﺤﺲ ﻧﻔﺴﻚ ﺿﻌﻴﻒ ﺑﻴﺪ ﻣﻦ ﻻﻳﺮﺣﻢ ..
ﻭﮔﻔﺖ ﺍﻧﺎ ﻭﻟﻴﻨﺎ ﺑﻤﻜﺎﻧﺔ ﻣﺎﺍﺗﺤﺮﻛﻨﺎ ﺑﻌﺪ ﻭﺍﻟﻌﻴﻮﻥ ﻋﻠﻴﻨﺎ ..
ﺻﺮﺍﺥ ﺍﻟﻨﺴﺎﺀ ﻭﺍﻟﺒﻨﺎﺕ ﻭﺣﺪﺓ ﺷﻲ ﻣﺮﻋﺐ ﻭﻣﺨﻴﻒ ..
ﺣﺘﻰ ﻟﻮ ﻛﻨﺘﻲ ﻗﻮﻳﺔ ﺭﺍﺡ ﺗﺤﺴﻴﻦ ﺑﺎﻟﻀﻌﻒ ﻭﺍﻻﺳﺘﺴﻼﻡ ..
ﺍﺑﺎ ﻣﺤﻤﺪ .. ﻳﻮﻝ ﻣﻮ ﮔﻠﺖ ﺍﺻﻌﺪﻭﺍ ﻟﻮ ﻋﺎﺟﺒﻜﻢ ﺍﺣﺪ ﻏﻴﺮﻱ ﻳﺎﺧﺬﻛﻢ ..
ﺗﺮﺍﻧﻴﻢ .. ﻻ ﺍﻧﺖ ﻭﻻﻏﻴﺮﻙ ﻳﮕﺪﺭ ﻳﻠﻤﺴﻨﺎ ﻳﺎﻛﻼﺏ ..
ﺿﺮﺏ ﻉ ﺍﻟﺴﻴﺎﺭﺓ ﺑﻘﻮﺓ ﻭﮔﺎﻝ .. ﺍﺻﻌﺪﻭ ﻭﺍﻻ ﺍﺧﻠﻴﻜﻢ ﻟﻠﻜﻼﺏ ﺗﻨﻬﺶ ﺑﻴﻜﻢ ..
ﻟﻴﻨﺎ .. ﺧﻠﻴﻨﺎ ﻧﺼﻌﺪ ﺑﻠﻜﻲ ﺍﺭﺣﻢ ﻣﻦ ﻫﺬﺍ ﺍﻟﻌﺬﺍﺏ ..
ﺻﻌﺪﺕ ﻭﻛﻨﺖ ﻻﺯﻣﺔ ﻗﻔﻞ ﺍﻟﺴﻴﺎﺭﺓ ﺧﻮﻓﻲ ﻻﻳﻘﻔﻠﻬﺎ ﻋﻠﻴﻨﺎ ﻣﺎﺍﺩﺭﻱ ﺷﻨﻮ . ﻛﻨﺖ ﺍﺣﺲ ﺑﻮﻗﺘﻬﺎ ﻭﻛﺄﻧﻪ ﺍﺫﺍ ﻣﺎﻗﻔﻠﻬﺎ ﺭﺍﺡ ﻧﺨﻠﺺ ﻭﻧﺮﺗﺎﺡ ..
ﺍﺧﺬﻧﺎ ﻋﻠﻰ ﺑﻴﺖ ﺻﻐﻴﺮ ﻭﻓﺘﺢ ﺍﻟﺒﺎﺏ ..
ﺍﻧﺰﻟﻮﺍ ..
ﻧﺰﻟﻨﺎ .
ﺩﺧﻞ ﻗﺒﻠﻨﺎ ..
ﻭﺍﺣﻨﺔ ﺑﻤﻜﺎﻧﻪ ..
ﺍﺷﺮ ﺍﻟﻨﺎ ..
ﺗﺪﺧﻠﻮ ﻟﻮ ﺭﺍﺡ ﺗﺒﻘﻮﺍ ﺑﻤﻜﺎﻧﻜﻢ ..
ﺩﺧﻠﻨﺎ ﺑﺨﻄﻮﺍﺕ ﻣﺘﺜﺎﻗﻠﺔ ..
ﻛﻞ ﺷﻮﻱ ﺍﻏﻤﺾ ﻭﺍﻓﺘﺢ ﺑﻠﻜﻲ ﺍﺻﺤﻰ ﻣﻦ ﻫﺬﺍ ﺍﻟﻜﺎﺑﻮﺱ ..
ﺩﺧﻠﻨﺎ ﻛﺎﻥ ﺑﻴﺖ ﺑﺴﻴﻂ ..
ﺩﺧﻞ ﻭﺭﺍﻧﺎ ﻭﻗﻔﻞ ﺍﻟﺒﺎﺏ ..
ﺗﺮﺍﺟﻌﻨﺎ ﻟﻮﺭﻯ ..
ﺗﺬﻛﺮﺕ ﺍﻟﺒﻨﺎﺕ ﻣﻦ ﮔﺎﻟﻮﺍ ﻳﺎﺧﺬﻭﻧﺎ ﺟﻮﺍﺭﻱ ﻭﻳﻐﺘﺼﺒﻮﻧﺎ ﺑﻜﻴﻔﻬﻢ ﻭﻭﻗﺖ ﻣﺎﻳﻌﺠﺒﻬﻢ ﻭﺑﺪﻭﻥ ﺯﻭﺍﺝ ..
ﻭﺑﻌﺪﻫﺎ ﻳﺒﻴﻌﻮﻧﺎ ﻛﻞ ﻳﻮﻡ ﺍﻟﺸﺨﺺ ﻳﻐﺘﺼﺒﻨﺎ ﺑﻨﻔﺲ ﺍﻟﻄﺮﻳﻘﻪ ..
ﺧﻔﺖ ﻋﻠﻰ ﻟﻴﻨﺎ ﺍﻛﺜﺮ ﻣﻦ ﺧﻮﻓﻲ ﻋﻠﻰ ﻧﻔﺴﻲ ..
ﺑﻌﺪﻫﻲ ﺻﻐﻴﺮﺓ ﻭﺣﺮﺍﻡ ﺗﺸﻮﻑ ﻫﻴﺞ ﺍﺷﻴﺎﺀ ﺑﺤﻴﺎﺗﻬﺎ ..
ﺩﻓﻌﺘﻬﺎ ﻉ ﺍﻟﻐﺮﻓﺔ ﺍﻟﻲ ﻳﻤﻲ ..
ﻭﺳﺪﻳﻦ ﺍﻟﺒﺎﺏ ﻋﻠﻴﻬﺎ ﻭﻫﻲ ﺗﻀﺮﺏ ﺑﻲ ﻭﺗﻌﻴﻂ
ﺧﻠﻌﺖ ﺷﺎﻟﻲ ﻭﮔﻠﺘﻠﻪ ..
ﺍﻻ ﺍﺧﺘﻲ ﻣﺴﺘﺤﻴﻞ ﺍﺧﻠﻴﻚ ﺗﻠﻤﺴﻬﺎ ﻳﺎﻭﺳﺦ ..
ﺍﻗﺘﻠﻬﺎ ﻭﺍﻗﺘﻞ ﻧﻔﺴﻲ ﻟﻮ ﺣﺎﻭﻟﺖ ﺗﺘﻘﺮﺏ ..
ﺿﺤﻚ ﺑﺄﺳﺘﻬﺰﺍﺀ ﻭﮔﺎﻝ ..
ﻳﻮﻝ ﻏﻄﻲ ﺭﺍﺳﺞ ﺍﻧﻲ ﻣﻮ ﻓﺎﺭﻍ ﺍﻟﺞ ﺍﻭ ﺍﻟﻬﺎ ..
ﺍﻧﺘﻲ ﻣﺴﻴﺤﻴﺔ ﻣﻮﻭﻭﻭ
- ﺍﻱ ﻣﺴﻴﺤﻴﺔ .. ﻟﻜﻦ ﻣﺎﺷﻔﺖ ﺩﻳﻦ ﻣﺜﻞ ﺩﻳﻨﻜﻢ ﺑﺤﻴﺎﺗﻲ .. ﺣﺘﻰ ﺍﺻﺪﻗﺎﺋﻲ ﺍﻟﻤﺴﻠﻤﻴﻦ ﻭﺍﻟﻤﺴﻠﻤﺎﺕ ﻣﻮ ﻣﺜﻞ ﺩﻧﺎﺋﺘﻜﻢ ..
ﻧﺰﻉ ﺣﺰﺍﻣﻮ ﻭﮔﺎﻝ .. ﺍﻧﺎ ﺑﺎﻟﻐﺮﻓﺔ ﻭﺍﻟﺒﻴﺖ ﻣﻘﻔﻞ ﻛﻠﺔ ﺍﻱ ﻣﺤﺎﻭﻟﺔ ﻟﻠﻬﺮﺏ ﻣﻌﻨﺎﻫﺎ ﻣﻮﺗﻜﻢ ..
ﻓﺎﺍﺍﺍﻫﻤﺔ ..
ﺗﻌﺠﺒﺖ ﻣﻦ ﺑﺮﻭﺩﺓ ﻭﻛﻼﻣﺔ ..
ﺑﺴﺮﻋﻪ ﺩﺧﻠﺖ ﻟﻠﻐﺮﻓﻪ ﻭﺍﻗﻔﻠﺘﻬﺎ ﻭﺭﺍﻱ ..
ﺣﻀﻨﺘﻨﻲ ﻟﻴﻨﺎ ﻭﻫﻲ ﺗﺒﻜﻲ ..
ﺗﺮﺍﻧﻴﻢ ﺍﻧﻘﺬﻳﻨﺎ ﻣﻨﺎ ﺧﻠﻴﻨﺎ ﻧﻬﺮﺏ ..
- ﺍﻧﺘﻀﺮﻱ .. ﺣﺎﻟﻴﺎ ﺍﻟﻮﺿﻊ ﻣﺘﺄﺯﻡ ﺑﺲ ﻳﻬﺪﺃ ﻧﺸﻮﻑ ﻃﺮﻳﻘﻪ ﻧﻬﺮﺏ ﺑﻴﻬﺎ ..
ﻟﻴﻨﺎ .. ﺍﺍﺍﺍﻩ ﻳﻤﻲ ﻭﻳﻨﺞ ﻭﺍﺑﻲ ﻭﺳﻠﻴﻤﺎﻥ ﺷﺼﺎﺭ ﺑﻴﻬﻢ ..
ﺍﻟﺮﺏ ﻫﻮ ﺍﻟﻲ ﻳﺮﺣﻤﻨﺎ ﻭﻳﺠﻤﻌﻨﺎ ﺳﻮﻳﺔ ﻣﺮﺓ ﺛﺎﻧﻴﻪ ..
ﺑﻘﻴﻨﺎ ﻛﻢ ﺳﺎﻋﻪ ﺑﺎﻟﻐﺮﻓﻪ ..
ﻟﻴﻨﺎ ﻧﺎﻣﺖ ﺍﻻ ﺍﻧﺎ ﻣﺎﮔﺪﺭﺕ ﺍﻟﺨﻮﻑ ﻣﺴﻴﻄﺮ ﻋﻠﻴﻪ ..
ﺍﻧﺪﮔﺖ ﺍﻟﺒﺎﺏ ..
ﻭﮔﻔﺖ ﻭﺭﺍﻫﺎ ﻭﮔﻠﺖ .. ﺷﺮﺍﻳﺪ ..
- ﺍﻧﺎ ﻃﺎﻟﻊ ﻣﺎﺍﺗﺄﺧﺮ ﺍﻱ ﺣﺮﻛﺔ ﻣﻨﻜﻢ ﻣﻌﻨﺎﻫﺎ ﻣﻮﺗﻜﻢ .. ﺍﻟﺸﺎﺭﻉ ﻣﻠﻴﺎﻥ ﻣﻘﺎﺗﻠﻴﻦ .. ﺍﻣﺎ ﻳﺎﺧﺬﻭﻛﻢ ﺍﻭ ﻳﻘﺘﻠﻮﻛﻢ ..
ﺧﺎﺻﻪ ﺍﻧﺘﻲ ﺧﻠﻴﺞ ﻋﺎﻗﻠﺔ ﻭﻫﺎﺩﺋﺔ ﺣﺘﻰ ﻣﺎﺍﺿﻄﺮ ﺃﺫﻳﺞ ..
ﻣﺎﺣﺠﻴﺖ ﻭﻻﻛﻠﻤﺔ ﻣﻌﺎﻩ ..
ﻟﻜﻦ ﺣﻴﺮﻧﻲ ﺍﻣﺮﻩ .. ﻟﻴﺶ ﻫﻴﺞ ﻳﺘﺼﺮﻑ ..
ﻣﻌﻨﺎﻫﺎ ﻣﻮ ﻣﺜﻞ ﻣﺎﮔﺎﻟﻮﺍ ﺍﻟﺒﻨﺎﺕ ..
ﺑﺲ ﺧﺎﻳﻔﻪ ﻣﻦ ﻫﺪﻭﺋﺔ ﻭﻏﻤﻮﺿﻪ .. ﺍﺧﺎﻑ ﻧﺎﻭﻱ ﻳﺒﻴﻌﻨﺎ ﺍﻭ ﻳﻔﺠﺮﻧﺎ ﺑﻮﺳﻂ ﺍﻟﻤﺪﻳﻨﺔ ..
ﺑﻘﺖ ﺍﻻﻓﻜﺎﺭ ﺗﺮﺍﻭﺩﻧﻲ ﻟﻼﺳﻮﺀ .. ﻃﻠﻌﺖ ﻏﺴﻠﺖ ..
ﺭﺩﺕ ﺷﻲ ﻧﺎﻛﻠﺔ ..
ﻓﺘﺤﺖ ﺍﻟﺜﻼﺟﺔ ﺑﻴﻬﺎ ﺍﻛﻞ ..
ﺑﺲ ﺧﻔﺖ ﺍﻛﻞ ..
ﻃﻠﻌﺖ ﻃﻤﺎﻃﺔ ﻏﺴﻠﺘﻬﺎ ﻭﺻﻤﻮﻧﺔ ﺍﻟﻲ ﻭﻟﻴﻨﺎ ..
ﮔﻌﺪﺗﻬﺎ ﺍﻛﻠﻨﺎ ..
ﻭﺑﻌﺪﻫﺎ ﮔﻠﺘﻠﻬﺎ ﺧﻠﻴﻨﺎ ﻧﺼﻠﻲ ﻟﻠﺮﺏ ﻭﻧﺪﻋﻲ ﺍﻧﻪ ﻧﺨﻠﺺ ﻭﻧﻨﺠﻤﻊ ﺑﺄﻫﻠﻨﺎ ..
ﺻﻠﻴﻨﺎ ﻟﻠﺮﺏ ﻭﺗﻮﺳﻠﻨﺎ ﺑﺄﻣﻨﺎ ﻣﺮﻳﻢ ﻭﻳﺴﻮﻉ ﺍﻟﺮﺣﻤﺔ ﻭﺍﻟﺨﻼﺹ
ﺳﻤﻌﺖ ﺍﻟﺒﺎﺏ ﺍﻧﻔﺘﺤﺖ ﺭﻛﻀﺖ ﻉ ﺑﺎﺏ ﺍﻟﻐﺮﻓﻪ ﻗﻔﻠﺘﺔ ..
ﺑﻘﻴﺖ ﻭﺭﻯ ﺍﻟﺒﺎﺏ ﺍﺳﻤﻊ ..
ﻟﻜﻦ ﻣﺎﻛﻮ ﺻﻮﺕ ..
ﺧﻔﺖ ..
ﻓﺘﺤﺖ ﺍﻟﺒﺎﺏ . ﺩﺧﻠﺖ ﻟﻠﻤﻄﺒﺦ ..
ﺍﺧﺬﺕ ﺳﻜﻴﻦ ﺑﻬﺪﻭﺀ ..
ﻭﻃﻠﻌﺖ ﺍﻣﺸﻲ ﻉ ﺍﻃﺮﺍﻑ ﺍﺻﺎﺑﻌﻲ ..
ﻟﻴﻨﺎ ﻭﺍﮔﻔﻪ ﺑﺎﻟﺒﺎﺏ ﻭﺧﺎﻳﻔﻪ ..
ﻏﺸﻌﺘﻮﺍ ﻛﺎﻥ ﻳﺼﻠﻲ ﻭﺑﻴﺪﻭ ﻣﺜﻞ ﺍﻟﻘﻼﺩﺓ ﺍﻭ ﺍﻟﺨﺮﺯ ..
ﻣﺎﻓﻬﻤﺖ ﺷﻴﺴﻮﻱ ﺑﻴﻬﺎ ..
ﺑﺲ ﻛﺎﻥ ﻣﺸﻐﻮﻝ ﺑﻌﺒﺎﺩﺗﻮ ..
ﺑﺮﻳﺊ ﻣﻨﻜﻢ ﺍﻟﺮﺏ ﻭﻣﻦ ﺍﻓﻌﺎﻟﻜﻢ ..
ﻳﺪﻋﻮﻥ ﺍﻻﺳﻼﻡ ﻭﻫﻢ ﻣﻮ ﻣﺴﻠﻤﻴﻦ ..
ﺭﺟﻌﻨﺎ ﻟﻠﻐﺮﻓﻪ ﻭﻗﻔﻠﻨﺎ ﺍﻟﺒﺎﺏ ..
ﺩﻋﺎﺋﻲ ﻭﺍﻟﻤﻲ ﻋﻠﻰ ﺍﻫﻠﻲ ﻣﺎﺗﻮﻗﻒ ..
ﻟﺴﺎ ﺻﺮﺍﺥ ﻳﻤﻲ ﻭﺷﻜﻠﻬﺎ ﻣﺎﻓﺎﺭﮒ ﻣﺨﻴﻠﺘﻲ ..
ﺗﺬﻛﺮﺕ ﺑﻴﺘﻨﺎ ﻭﺿﺤﻜﺎﺗﻨﺎ .. ﺻﺢ ﻣﺎﻛﻨﺎ ﻣﻴﺴﻮﺭﻳﻦ ﺍﻟﺤﺎﻝ ..
ﺑﺲ ﺣﻴﺎﺗﻨﺎ ﺣﻠﻮﺓ ﻭﺩﺍﻓﻴﻪ ..
ﺑﻘﻴﻨﺎ ﻳﻮﻣﻴﻦ ﻉ ﻫﺬﻱ ﺍﻟﺤﺎﻟﺔ ..
ﻣﺮﺓ ﻃﻠﻌﺖ ﻣﻦ ﺍﻟﺤﻤﺎﻡ .. ﺻﺎﺭ ﮔﺒﺎﻟﻲ ..
ﻟﻔﻴﺖ ﻧﻔﺴﻲ ..
ﮔﺎﻝ .. ﺍﻧﻲ ﺭﺍﻳﺢ ﺑﻬﺠﻮﻡ ﻋﻨﺪﻧﺎ ﻭﻳﻤﻜﻦ ﻳﻄﻮﻝ .. ﺍﺫﺍ ﺗﺄﺧﺮﺕ ﻻﺗﻄﻠﻌﻮﺍ ﻣﻦ ﺍﻟﺒﻴﺖ ﺍﺑﺪﺍ ..
ﺗﺮﺍﻧﻴﻢ .. ﺍﻧﺖ ﻣﻨﻮ ﻭﺷﻨﻮ ﺗﺮﻳﺪ ﻣﻨﺎ . ﺧﻠﻴﻨﺎ ﻧﺮﻭﺡ ﺑﺤﺎﻝ ﺳﺒﻴﻠﻨﺎ ..
- ﻭﻭﻳﻦ ﺗﺮﺣﻮﻥ ﻋﻨﺪﻛﻢ ﺍﺣﺪ ﻳﻄﻠﻌﻜﻢ ﻣﻨﺎ .. ﻳﻮﻝ ﺍﺫﺍ ﻃﻠﻌﺘﻮﺍ ﻣﻦ ﺍﻟﺒﺎﺏ ﺍﻟﻒ ﻭﺍﺣﺪ ﻏﻴﺮﻱ ﺭﺍﺡ ﻳﺎﺧﺬﻛﻢ ﻭﻣﺎﻳﺮﺣﻤﻜﻢ ..
ﺍﺫﺍ ﺗﺮﺩﻳﻦ ﺍﻻﻣﺎﻥ ﻻﺗﻌﺎﻧﺪﻳﻦ ﻭﺍﺳﻤﻌﻲ ﺍﻟﻜﻼﻡ
ﺗﺮﺍﻧﻴﻢ .. ﻭﺍﺫﺍ ﺍﺗﺄﺧﺮﺕ ﺷﻨﻮ ﻣﺼﻴﺮﻧﺎ ؟؟
- ﻻﺗﺨﺎﻓﻴﻦ ﺣﺎﺳﺐ ﺣﺴﺎﺑﻲ ﻟﻜﻞ ﺷﻲ .. ﺍﻟﻤﻬﻢ ﻛﻠﺸﻲ ﺗﺤﺘﺎﺟﻮﻩ ﺍﻧﻲ ﻭﻓﺮﺗﺔ ..
ﺗﺮﻛﻨﺎ ﻭﺭﺍﺡ ..
ﻗﻔﻞ ﺍﻟﺒﺎﺏ ﻭﺭﺍﻩ ﻭﻃﻠﻊ ..
ﺑﻘﻴﻨﺎ ﺍﻧﻲ ﻭﻟﻴﻨﺎ ﺣﺘﻰ ﺍﻛﻞ ﻣﺎﻟﻨﺎ ﺧﻠﮓ ﻧﺎﻛﻞ ..
ﺧﻠﺼﻨﺎﻫﺎ ﺧﺒﺰ ﻭﺧﻴﺎﺭ ﺍﻭ ﻃﻤﺎﻃﺔ ﺭﻏﻢ ﻫﻮ ﻣﺘﺴﻮﮒ ﻛﻠﺸﻲ ..
ﺑﺲ ﻣﺎﺭﺩﻧﺎ ﻧﺎﻛﻞ ﺷﻲ ﻣﻦ ﻓﻠﻮﺳﻬﻢ ﺍﻟﺤﺮﺍﻡ ..
ﻭﻟﻮ ﻧﺴﺪ ﺟﻮﻋﻨﺎ ﺑﺎﻻﻛﻞ ﺍﻟﻲ ﻧﺎﻛﻠﺔ ﻣﺎﻛﻨﺎ ﻟﻤﺴﻨﺎ ﺷﻲ ﻣﻨﻬﻢ
ﻟﻠﻴﻞ .. ﺳﻤﻌﺖ ﺍﺻﻮﺍﺕ ﻧﺴﺎﺀ ﻗﺮﻳﺒﺔ .. ﻭﺿﺤﻚ ﺭﺟﺎﻝ
ﺻﻮﺗﻬﻦ ﻳﻮﮔﻒ ﺍﻟﻌﻘﻞ ..
ﻛﺘﻤﻨﺎ ﺍﺻﻮﺍﺗﻨﺎ ﻭﺩﻣﻮﻋﻨﺎ ﺗﺠﺮﻱ ..
ﺍﻟﺨﻮﻑ ﺍﺧﺬﻧﺎ ..
ﻃﻔﻴﻨﺎ ﻛﻞ ﺍﻻﺿﻮﻳﺔ ﻻﺍﺣﺪ ﻳﺤﺲ ﻋﻠﻴﻨﺎ ﻭﻳﺴﻤﻌﻨﺎ ..
ﻳﻤﻜﻦ ﺍﻟﺮﺏ ﺭﺣﻤﻨﺎ ..
ﻭﺧﻼﻧﺎ ﻫﻴﻦ ..
ﻭﺍﻻ ﻣﺼﻴﺮﻧﺎ ﻣﺜﻠﻬﻦ ..
ﻛﻞ ﻳﻮﻡ ﻧﻔﺲ ﺍﻻﺻﻮﺍﺕ ..
ﺑﺎﻟﻨﻬﺎﺭ ﻣﺎﻧﺴﻤﻊ ﻻﻥ ﺿﺠﺔ ﻭﺳﻴﺎﺭﺍﺕ ..
ﺍﻣﺎ ﺍﻟﻠﻴﻞ ﻓﻬﻮ ﻧﻘﻤﺔ ﺻﺎﺭ ﻋﻠﻴﻨﺎ .. ﺑﺴﺒﺐ ﺍﻟﻲ ﻧﺴﻤﻌﻪ
ﻛﺎﻧﻮﺍ ﻳﻐﺘﺼﺒﻮﻫﻦ ﻭﻫﻦ ﻳﻌﻴﻄﻦ ..
ﺻﺮﺍﺧﻬﻦ ﻣﺎﻳﻔﺎﺭﻕ ﺍﺫﻧﻲ ..
ﺣﺘﻰ ﺍﺻﻮﺍﺕ ﺍﻃﻔﺎﻝ ﺻﻐﺎﺭ ﻛﻨﺖ ﺍﺳﻤﻊ .. ﻳﺼﺮﺧﻦ ﻭﻳﺘﻮﺳﻠﻦ ﺍﻟﺮﺣﻤﺔ ..
ﻛﻨﺖ ﺍﺧﻠﻲ ﻳﺪﻱ ﻋﻠﻰ ﺍﺫﺍﻥ ﻟﻴﻨﺎ ﺣﺘﻰ ﻣﺎﺗﺴﻤﻊ ..
ﻭﻫﻲ ﺗﺴﺄﻝ ﺷﻨﻮ ﻳﺴﻮﻟﻬﻦ ﻳﻀﺮﺑﻮﻫﻦ ..
ﻭﺍﻧﻲ ﺍﺣﺎﻭﻝ ﺍﻫﺪﺃﻫﺎ ﻭﺍﮔﻠﻬﺎ ﺍﺷﻐﻠﻲ ﻧﻔﺴﻚ ﺑﺄﻱ ﺷﻲ ﻻﺗﺴﻤﻌﻴﻬﻢ ..
ﺍﻟﻠﻴﻞ ﺻﺎﺭ ﻧﻬﺎﺭ ﺑﺎﻟﻨﺴﺒﺔ ﺍﻟﻨﺎ .. ﻷﻥ ﻣﺎﻧﮕﺪﺭ ﻧﻨﺎﻡ .. ﻟﻬﺬﺍ ﻛﻨﺎ ﻧﺴﻬﺮ ﺑﺎﻟﻠﻴﻞ ﻭﻧﻨﺎﻡ ﺑﺎﻟﻨﻬﺎﺭ ..
ﻛﻠﻤﺎ ﻧﺮﻳﺪ ﻧﻬﺮﺏ ﻣﺎﻧﮕﺪﺭ ﺍﻭ ﺍﻟﺨﻮﻑ ﻳﻤﻨﻌﻨﺎ .
ﻟﻴﻨﺎ .. ﺧﻠﻴﻨﺎ ﻫﻨﺎ ﺗﺮﺍﻧﻴﻢ ﺍﺧﺎﻑ ﻧﻄﻠﻊ ﻭﺫﻭﻟﻲ ﺍﻟﻲ ﺑﺎﻟﻠﻴﻞ ﻃﺎﻟﻌﻪ ﺍﺻﻮﺍﺗﻬﻢ ﻳﺎﺧﺬﻭﻧﺎ ﻭﻳﺴﻮﻥ ﺑﻴﻨﺎ ﻣﺜﻠﻬﻢ ..
- ﺍﺷﺸﺸﺶ ﻻﺗﮕﻮﻟﻴﻦ ﻫﻴﺞ .. ﺳﺎﻋﺘﻬﺎ ﻧﻘﺘﻞ ﻧﻔﺴﻨﺎ ﻭﻻﻧﺨﻠﻴﻬﻢ ﻳﻠﻤﺴﻮﻧﺎ ..
ﻟﺰﻣﺖ ﻭﺟﻬﺔ ﻭﻫﻲ ﺧﺎﻳﻔﻪ ﻭﻣﺮﻋﻮﺑﺔ ..
ﺍﺳﻤﻌﻲ ﻟﻴﻨﺎ ..
ﺍﺫﺍ ﺻﺎﺭ ﻭﺑﻴﻮﻡ ﻓﺮﻗﻮﻧﺎ ﻭﺍﺧﺬﻭﻧﺎ ﻭﺭﺍﺩﻭﺍ ﻳﺘﻘﺮﺑﻮﻥ ﻻﺗﺨﻠﻴﻬﻢ ﺍﻗﺘﻠﻲ ﻧﻔﺴﺞ ..
ﺍﻟﻤﻮﺕ ﺍﺭﺣﻢ ﻣﻦ ﺍﻟﻌﺬﺍﺏ ﺍﻟﻲ ﻳﺸﻮﻓﻮﻩ ﻫﻤﺔ ﻛﻞ ﻟﻴﻠﺔ ..
ﻟﻴﻨﺎ .. ﻟﻴﺶ ﻫﻴﺞ ﻳﺼﻴﺮ ﺑﻴﻨﺎ ﻟﻴﺶ ..
- ﻫﺬﺍ ﺍﺧﺘﺒﺎﺭ ﻣﻦ ﺍﻟﺮﺏ .. ﻭﻻﺯﻡ ﻧﻨﺠﺢ ﺑﻲ ..
ﺍﻧﺘﻲ ﻛﺒﺮﺗﻲ ﺣﺒﻴﺒﺘﻲ ﺍﺫﺍ ﺻﺮﺗﻲ ﺿﻌﻴﻔﻪ ﻣﺎﺭﺍﺡ ﺗﻨﺠﺤﻴﻦ ﺑﺎﻻﺧﺘﺒﺎﺭ ﺍﺭﻳﺪﺝ ﻗﻮﻳﺔ ﻭﺍﻳﻤﺎﻧﺞ ﺑﺎﻟﺮﺏ ﺍﻗﻮﻯ ..
ﻷﻥ ﻫﻮ ﺍﻟﻮﺣﻴﺪ ﺍﻟﻲ ﻗﺎﺩﺭ ﻳﺨﺮﺟﻨﺎ ﻣﻦ ﻫﺬﺍ ﺍﻟﻤﻜﺎﻥ ..
ﻣﺮﺕ ﻋﺸﺮ ﺍﻳﺎﻡ ﻋﻠﻰ ﻭﺟﻮﺩﻧﺎ ﺑﻬﺬﺍ ﺍﻟﺒﻴﺖ ﻣﺜﻞ ﺍﻟﺴﺠﻦ ﺑﺎﻟﻨﺴﺒﺔ ﺍﻟﻨﺎ ..
ﺣﺘﻰ ﻣﻼﺑﺲ ﻣﺎﻋﺪﻧﺎ ..
ﻛﻨﺎ ﻧﻐﺴﻞ ﻣﻼﺑﺴﻨﺎ ﻭﻧﻠﺒﺴﻬﻢ
.. ﻧﺎﻳﻤﻴﻦ ﻭﺳﻤﻌﺖ ﺍﺻﻮﺍﺕ ﺑﺎﻟﺒﺎﺏ ..
ﻧﻬﻀﺖ ﻣﻔﺰﻭﻋﺔ ..
ﺍﺧﺬﺕ ﺍﻟﺴﻜﻴﻦ ﻭﺭﺣﺖ ﻉ ﺍﻟﺒﺎﺏ ..
ﺷﻔﺖ ﺍﺑﺎ ﻣﺤﻤﺪ ﻣﺎﺍﻋﺮﻑ ﻟﻴﺶ ﻫﻴﺞ ﺍﺳﻤﺎﺋﻬﻢ ..
ﻟﻜﻦ ﺳﺎﻋﺔ ﺍﻟﻲ ﺷﻔﺘﻪ ﺣﺴﻴﺖ ﺑﺄﻣﺎﻥ ﻣﺎﺍﻋﺮﻑ ﻟﻴﺶ ﺭﻏﻢ ﻫﻮ ﻣﺜﻠﻬﻢ ﻭﻣﺎﻳﻔﺮﻕ ﻋﻨﻬﻢ ..
ﺩﺧﻞ ﻭﻛﺎﻥ ﻭﺍﺿﺢ ﻋﻠﻴﻪ ﺍﻟﺘﻌﺐ ..
ﻣﺎﺍﻫﺘﻢ ﺍﻟﻮﺟﻮﺩﻱ ﻭﺩﺧﻞ ﻳﺨﺎﺑﺮ ﺑﺎﻟﻤﻮﺑﺎﻳﻞ ﺑﻜﻼﻡ ﻣﺎﻣﻔﻬﻮﻡ ..
ﺩﺧﻠﺖ ﻭﻗﻔﻠﺖ ﺍﻟﺒﺎﺏ ..
ﺑﻘﻴﺖ ﮔﺎﻋﺪﺓ ﻭﻋﻴﻨﻲ ﻋﻠﻰ ﻟﻴﻨﺎ ﺍﻟﻲ ﻧﺎﻳﻤﺔ ﻣﺜﻞ ﺍﻟﻤﻼﻙ ..
ﺩﮒ ﺍﻟﺒﺎﺏ ..
ﻣﻦ ﻭﺭﻯ ﺍﻟﺒﺎﺏ .. ﺷﺮﺍﻳﺪ
- ﻫﺬﻱ ﻣﻼﺑﺲ ﺟﺒﺘﻬﺎ ﺍﻟﻜﻢ ﺧﻠﻮﻫﺎ ﻳﻤﻜﻢ ﻟﻼﺣﺘﻴﺎﻁ ..
ﺗﺮﻛﻬﻦ ﻭﺭﺍﺡ ..
ﻓﺘﺤﺖ ﺍﻟﺒﺎﺏ ﺑﻬﺪﻭﺀ ﻭﺳﺤﺒﺖ ﺍﻟﻌﻼﮔﺔ ..
ﺷﻔﺖ ﺍﺛﻮﺍﺏ ﺍﺛﻨﻴﻦ ﻭﻣﻼﺑﺲ ﺳﻮﺩ ﺷﻜﻠﻬﻢ ﻏﺮﻳﺐ ..
ﻟﻴﻨﺎ .. ﻣﻨﻮ ﺍﺟﺔ ﻭﺷﻨﻮ ﻫﺎﻱ ..
ﺗﺮﺍﻧﻴﻢ .. ﻻﺗﺨﺎﻓﻴﻦ .. ﺍﺟﺔ ﺻﺎﺣﺐ ﺍﻟﺒﻴﺖ ﺑﺲ ﺍﻟﻐﺮﻳﺐ ﺍﻧﻄﺎﻧﻲ ﺫﻭﻟﻲ ﺍﻟﻤﻼﺑﺲ ﻭﻣﺎﺍﻋﺮﻓﻬﻢ ﺷﻨﻮ
ﻟﻴﻨﺎ .. ﻟﻮ ﺍﻣﻮﺕ ﻣﺎﺍﻟﺒﺴﻬﻢ ﺷﻨﻮ ﺫﻭﻟﻲ ..
ﺗﺮﺍﻧﻴﻢ .. ﺍﻧﺘﻀﺮﻱ ﻫﻨﺎ ..
ﺍﺗﺠﺮﺃﺕ ﻭﻓﺘﺤﺖ ﺍﻟﺒﺎﺏ ..
ﻃﻠﻌﺖ .. ﺩﮔﻴﺖ ﺍﻟﺒﺎﺏ ..
ﻃﻠﻊ ﻭﺳﺪ ﺑﺎﺏ ﻏﺮﻓﺘﻪ ﺍﻟﻲ ﻛﺎﻧﺖ ﻣﻘﻔﻮﻟﻪ ﻭﻣﺎﺍﻋﺮﻑ ﺷﻨﻮ ﺑﻴﻬﺎ ..
- ﻣﺤﺘﺎﺟﺔ ﺷﻲ ؟؟
- ﺷﻨﻮ ﺫﻭﻟﻲ ؟؟
- ﻣﻼﺑﺲ ..
- ﻗﺼﺪﻙ ﺧﺮﻕ . ﻣﺴﺘﺤﻴﻞ ﺍﻟﺒﺴﻬﻢ ..
- ﺭﺩﺗﻲ ﺍﻭ ﻻ .. ﻣﺴﺘﺤﻴﻞ ﺗﻄﻠﻌﻴﻦ ﻟﻠﺒﺎﺏ ﺑﺪﻭﻧﻬﻦ ﺗﻨﻘﺘﻠﻴﻦ .. ﻭﺣﺘﻰ ﻣﺤﺪ ﻳﻌﺮﻓﻜﻢ ﻻﺯﻡ ﺗﻠﺒﺴﻴﻬﻦ ..
- ﻟﻴﺶ ﻭﻳﻦ ﺗﺮﻳﺪ ﺗﺎﺧﺬﻧﺎ ؟؟
- ﻣﺎﻳﺨﺼﺞ .. ﺍﺩﺧﻠﻲ ﺟﻮﺓ ..
ﻓﺘﺢ ﺍﻟﺒﺎﺏ ﻭﺩﺧﻞ ﻭﻗﻔﻠﻬﺎ ﻭﺭﺍﻩ ..
ﺍﺗﻬﺴﺘﺮﺕ ﻭﮔﻤﺖ ﺍﻋﻴﻂ .. ﻗﺘﻠﺔ ﻣﺠﺮﻣﻴﻦ ﺍﻟﺮﺏ ﻳﻠﻌﻨﻜﻢ ..
ﻓﺘﺤﺖ ﺍﻟﺒﺎﺏ .. ﻭﻋﻴﻮﻧﺔ ﻛﻠﻬﺎ ﻏﻀﺐ ..
ﺻﻮﺗﺞ .. ﺍﺫﺍ ﺭﻓﻌﺘﻲ ﺻﻮﺗﺞ ﺑﻌﺪ ﻭﻏﻠﻄﺘﻲ ﻣﺎﺗﻠﻮﻣﻴﻦ ﺍﻻ ﻧﻔﺴﺞ .. ﻳﻮﻝ ﻻﺍﻧﺘﻲ ﻭﻻﻏﻴﺮﺝ ﻳﺨﺮﺑﻮﻥ ﺷﻐﻠﻲ ﻓﺎﻫﻤﺔ ﺍﻟﻈﺎﻫﺮ ﺍﻧﻲ ﻏﻠﻄﺖ ﻣﻦ ﺟﺒﺖ ﻭﺣﺪﺓ ﻣﺜﻠﺞ ﺭﻋﻨﺔ ﻭﻣﺎﺗﻌﺮﻑ ﺗﺘﺼﺮﻑ ﻭﻳﺎﻱ ..
ﺭﻭﺣﻲ ﻳﻠﻪ ﺍﻟﻐﺮﻓﺘﺞ ..
ﺭﺟﻌﺖ ﻟﻠﻐﺮﻓﻪ ﺭﻛﺾ ..
ﺷﮕﺪ ﻏﺎﻣﺾ .. ﻣﻨﻮ ﻫﺬﺍ ﻭﺷﻴﺴﻮﻱ .. ﻗﺘﻠﻨﻲ ﺍﻟﻔﻀﻮﻝ ﺍﻋﺮﻑ ﻫﺬﻱ ﺍﻟﻐﺮﻓﺔ ﺷﻨﻮ ﺑﻴﻬﺎ ..
ﺣﺘﻰ ﻟﻬﺠﺘﺔ ﻛﻞ ﺷﻮﻱ ﺷﻜﻞ ..
ﻣﺮﺕ ﺍﻻﻳﺎﻡ ﻭﺻﺎﺭ ﻭﺟﻮﺩﺓ ﺑﺎﻟﻨﺴﺒﺔ ﺍﻟﻨﺎ ﻣﻦ ﻋﺪﻣﺔ ﻳﺪﺧﻞ ﻭﻳﻄﻠﻊ ﻣﺜﻞ ﺍﻟﻀﻴﻒ ..
ﻭﺍﻏﻠﺐ ﺍﻻﺣﻴﺎﻥ ﺑﻐﺮﻓﺘﻪ ..
ﺑﻘﻴﺖ ﺍﺭﺍﻗﺐ ﺗﺼﺮﻓﺎﺗﻪ ﻭﺍﺩﺭﺳﻬﺎ ﻋﺴﺎ ﻭﺍﻥ ﺍﻟﮕﻲ ﻃﺮﻳﻘﻪ ﻟﻠﻬﺮﺏ ﻣﻨﻪ ﻭﻣﻦ ﺍﻟﻤﺪﻳﻨﺔ ﻛﻠﻬﺎ ..
ﻭﻟﻮ ﺍﻧﻲ ﺍﺻﻼ ﻣﺎﺍﻋﺮﻑ ﻭﻳﻦ ﺑﺎﻟﻀﺒﻂ ﺍﺗﺬﻛﺮ ﻫﻮﺍﻱ ﻣﺸﻴﻨﺎ ﺑﺎﻟﺴﻴﺎﺭﺓ ..
ﺣﺴﻴﺘﺔ ﻫﺎﺩﺉ ﺟﺪﺍ ..
ﻛﺎﻥ ﻣﺎﻳﻔﻮﺕ ﻓﺮﺽ ﺑﺎﻟﺼﻼﺓ ..
ﻭﺍﻛﺜﺮ ﺷﻲ ﻳﺸﺮﺏ ﺣﻠﻴﺐ ..
ﺣﺎﻭﻟﺖ ﺑﻴﻮﻡ ﺍﻓﺘﺢ ﺑﺎﺏ ﺍﻟﻐﺮﻓﻪ ..
ﺟﺒﺖ ﺍﻟﺴﻜﻴﻦ ﻭﺑﺪﻳﺖ ﺍﺩﻓﻊ ﺑﺎﻟﺒﺎﺏ ﻭﺍﺭﻳﺪ ﺍﻓﺘﺤﻬﺎ ﺑﺲ ﻣﺎﻓﻠﺤﺖ ..
ﻣﻦ ﺭﺟﻊ ﻻﺣﻆ ﺍﻟﺒﺎﺏ ﺑﻲ ﺧﺪﺵ .. ﺯﺍﺩ ﻏﻀﺒﺔ ﻭﺍﺟﺔ ﻫﺪﺩﻧﻲ ﺍﻧﻪ ﻳﺴﻠﻤﻨﺎ ﺍﻟﻐﻴﺮﺓ ﺍﻭ ﻟﻠﺒﻴﺖ ﺍﻟﻲ ﻳﻤﻨﺎ ..
ﻛﺄﻧﻪ ﺣﺎﺱ ﺑﻴﻨﺎ ﻧﺨﺎﻑ ﺑﺎﻟﻠﻴﻞ ..
ﺗﺮﺍﻧﻴﻢ .. ﻻ ﺧﻠﺺ ﺍﻟﻲ ﺗﺮﻳﺪﺓ ﻳﺼﻴﺮ ﺑﺲ ﺍﻻ ﻫﺬﺍ ﺍﻟﺸﻲ .. ﻣﺴﺘﻌﺪﻳﻦ ﻧﻌﻴﺶ ﺧﺪﻡ ﺍﻟﻚ ﻭﻧﻄﺒﺦ ﻭﻧﻠﺒﻲ ﺍﺣﺘﻴﺎﺟﺎﺗﻚ ﺑﺲ ﻻﺗﺒﻴﻌﻨﺎ ..
- ﺍﻱ ﻫﻴﺞ ﻣﻦ ﺍﻟﺒﺪﺍﻳﺔ ﻟﻮ ﻣﺎﺗﻤﺸﻴﻦ ﺍﻻ ﺑﺎﻟﻌﻴﻦ ﺍﻟﺤﻤﺮﺓ .. ﺍﻋﺮﻓﺞ ﻗﻮﻳﺔ ﻭﻣﺎﺗﺘﻮﺑﻴﻦ ﺑﺲ ﺭﺍﺡ ﺍﺟﺮﺑﺞ ..
ﺑﺪﻝ ﻣﺎﻣﺸﻐﻮﻟﻪ ﺑﺄﺷﻴﺎﺀ ﻣﺎﺗﺨﺼﺞ ..
ﻧﻀﻔﻲ ﺍﻟﺒﻴﺖ ﻭﺍﻃﺒﺨﻲ ﺍﻱ ﺷﻲ ﻟﻮ ﻣﺘﻌﺮﻓﻴﻦ ﺗﺘﻄﺒﺨﻴﻦ
ﻟﻴﻨﺎ .. ﻻ ﺗﻌﺮﻑ ﻭﻃﺒﺨﻬﺎ ﻃﻴﺐ ..
ﺑﻴﻮﻣﻬﺎ ﻛﺎﻧﺖ ﺍﻭﻝ ﻣﺮﺓ ﺍﻃﺒﺦ ﻣﻦ ﺧﻮﻓﻲ .. ﻣﺎﺍﺭﻳﺪ ﺍﻋﺮﺽ ﺣﻴﺎﺗﻲ ﻭﺣﻴﺎﺗﻲ ﺍﺧﺘﻲ ﻟﻠﺨﻄﺮ ..
ﻋﺸﻨﺎ ﺣﻴﺎﺗﻨﺎ ﻣﺜﻞ ﺍﻟﺴﺠﻦ .. ﻣﺮ ﺷﻬﺮ ﺗﻘﺮﻳﺒﺎ ﻭﺍﺣﻨﺔ ﻣﺎﻧﻌﺮﻑ ﺷﻴﺼﻴﺮ ﺧﺎﺭﺝ ﻫﺬﺍ ﺍﻟﺒﻴﺖ ..
ﺳﻤﻌﺖ ﺗﺪﺧﻠﺖ ﻗﻮﺍﺕ ﺍﻟﺠﻴﺶ ﻭﺍﻛﻮ ﺍﻧﻔﺠﺎﺭﺍﺕ ﻭﻫﺠﻮﻡ ﻟﺪﺭﺟﺔ ﺍﻟﺒﻴﺖ ﻳﻨﻬﺰ ﻭﻛﻞ ﺷﻮﻳﻪ ﻧﺤﺲ ﺍﻟﻤﻮﺕ ﻗﺮﺏ ﻋﻠﻴﻨﺎ ..
ﻭﻫﺬﺍ ﺍﺑﻮ ﻣﺤﻤﺪ ..
ﺍﺧﺘﻔﻰ ﻭﻣﺎﺍﺟﺔ ﺑﻌﺪ ..
ﺍﺗﻮﻗﻌﺖ ﺍﻧﻪ ﻉ ﺳﺎﻋﻪ ﻳﺘﻔﺠﺮ ﺍﻟﺒﻴﺖ ﻭﻧﻤﻮﺕ ﺑﺪﺍﺧﻠﺔ ﻭﻣﺤﺪ ﻳﻌﺮﻑ ﻋﻨﻪ ..
ﻛﺎﻥ ﻧﻬﺎﻳﺔ ﺷﻬﺮ ﺍﻟﺜﺎﻣﻦ ..
ﻏﺸﻌﺖ ﻣﻦ ﺍﻟﺸﺒﺎﻙ ﺩﺧﻮﻟﺔ ﻟﻠﺒﻴﺖ ..
ﺑﺲ ﻛﺎﻥ ﺷﻜﻠﺔ ﻣﺮﻳﺐ ﻭﻣﺴﺘﻌﺠﻞ ..
ﺻﺎﺡ .. ﺑﺴﺮﻋﻪ ﺍﻟﺒﺴﻦ ﺍﻟﻤﻼﺑﺲ ﺍﻟﻲ ﺟﺒﺘﻬﺎ ﺍﻟﺠﻦ ..
ﻭﺧﻠﻮﻧﺎ ﻧﻄﻠﻊ ﺍﻟﻤﻜﺎﻥ ﻫﻨﺎ ﻣﻮ ﺍﻣﻦ ..
ﻟﺒﺴﻨﺎ ﺑﺄﻭﺍﻣﺮ ﻣﻨﺔ ..
ﻭﻫﻮ ﺩﺧﻞ ﻟﻠﻐﺮﻓﻪ ﺟﻤﻊ ﺍﻏﺮﺍﺿﺔ ﺑﺠﻨﻄﺔ ..
ﻭﻛﺎﻧﺖ ﻟﻴﻨﺎ ﺗﺘﻌﺜﺮ ﺑﺎﻟﻤﻼﺑﺲ ﺍﻟﻲ ﺟﺎﺑﻬﻢ ﻛﺒﺎﺭ ﻋﻠﻴﻬﺎ
ﺭﻛﺒﻨﺎ ﺍﻟﺴﻴﺎﺭﺓ ﻭﻃﻮﻝ ﺍﻟﻄﺮﻳﻖ ﺍﻧﻔﺠﺎﺭﺍﺕ ..
ﻭﺍﻟﻮﺿﻊ ﻣﺘﺄﺯﻡ ..
ﻛﻨﺖ ﺍﺩﺣﻖ ﺑﺎﻟﺸﺎﺭﻉ ﻭﺍﺗﻤﻨﻰ ﺍﻟﮕﻲ ﻗﻮﺍﺕ ﺟﻴﺶ ﻫﻮ ﺍﻱ ﺍﺣﺪ ﻳﻨﻘﺬﻧﺎ ﻣﻨﻬﻢ ..
ﻛﺎﻥ ﻟﻤﺎ ﻳﻮﻗﻔﻨﺎ ﺍﺣﺪ .. ﻳﺤﺠﻲ ﻭﻳﺎﻫﻢ ﺑﻠﻬﺠﺔ ﻣﺨﺘﻠﻔﻪ ﻭﻳﻄﻠﻊ ..
ﺑﺲ ﻋﻴﻮﻧﻬﻢ ﻣﺎﺗﻔﺎﺭﮔﻨﺎ ﺍﺑﺪ ..
ﺑﺎﻳﻦ ﻋﻠﻴﻪ ﺍﻟﺨﻮﻑ ﺑﺲ ﻣﺎﻳﻀﻬﺮﺓ ..
ﻭﺍﻟﻤﻮﺑﺎﻳﻞ ﻣﺎﻧﺰﻝ ﻣﻦ ﺍﺫﻧﺔ ﻛﻞ ﺷﻮﻳﻪ ﻳﺨﺎﺑﺮ ﻭﻳﺤﺠﻲ ﺑﺄﻟﻐﺎﺯ
ﮔﺎﻝ .. ﺭﺍﺡ ﻧﻄﻠﻊ ﻣﻨﺎ ﺍﻱ ﻛﻼﻡ ﻣﺎﺗﺤﺠﻮﻥ .. ﻭﺑﺲ ﻧﻄﻠﻊ ﺍﻟﻤﻮﺻﻞ ﺍﺭﻳﺪﻛﻢ ﺗﻨﺰﻋﻮﻥ ﺍﻟﻨﻘﺎﺏ ﻭﻫﺬﻱ ﺍﻟﻤﻼﺑﺲ ..
ﻣﺸﻴﻨﺎ ﺑﻄﺮﻕ ﺗﺮﺍﺑﻴﻪ ﻭﺧﺎﺭﺟﻴﻪ .. ﻋﻴﻮﻧﻲ ﻗﻔﻠﺖ ﻣﻦ ﺍﻟﻨﻌﺎﺱ ﻷﻥ ﺑﺎﻟﻠﻴﻞ ﻣﺎﻧﻨﺎﻡ ﻣﻦ ﺍﻟﺨﻮﻑ ..
ﻣﺎﺍﻋﺮﻑ ﺷﻠﻮﻥ ﻏﻔﻴﺖ ..
ﻣﺎﺻﺤﻴﺖ ﺍﻻ ﻉ ﺻﻮﺗﻪ ﻭﻫﻮ ﻳﮕﻮﻝ .
ﻳﻠﺔ ﺑﺴﺮﻋﻪ ﺍﻧﺰﻋﻦ ﺍﻟﻨﻘﺎﺏ ﻭﺍﻧﻄﻨﻲ ﺍﺧﻠﻴﻪ ﺑﺎﻟﺠﻨﻄﺔ ..
ﻛﺎﻥ ﻻﺑﺲ ﻣﻼﺑﺲ ﻏﻴﺮ ﺍﻟﻲ ﻻﺑﺴﻬﻦ ..
ﻭﺗﺴﺮﻳﺤﺔ ﺷﻌﺮﺓ ﻏﻴﺮ ..
ﻟﻠﺤﻈﺔ ﺗﻮﻗﻌﺖ ﻏﻴﺮ ﺷﺨﺺ ﮔﺒﺎﻟﻲ ..
ﻛﺎﻥ ﺍﻟﻤﺴﺪﺱ ﺑﻴﺪﻭ ﻭﻳﺘﻠﻔﺖ ﻳﻤﻴﻦ ﻭﻳﺴﺎﺭ .
ﻧﺰﻋﻨﺎ ﺑﺴﺮﻋﻪ ﻭﻧﻄﻴﻨﺎﻩ ﺍﻟﻤﻼﺑﺲ ..
ﺭﻛﺐ ﺍﻟﺴﻴﺎﺭﺓ ﻭﻃﻠﻌﻨﺎ ﻉ ﺍﻟﻄﺮﻳﻖ ﺍﻟﻌﺎﻡ ..
ﻭﮔﻔﺘﻨﺎ ﺍﻟﺴﻴﻄﺮﺍﺕ ﻭﻛﺎﻥ ﻳﻄﻠﻊ ﻫﻮﻳﺔ ﻳﻐﺸﻌﻮﻥ ﻓﻴﻬﺎ ﻭﻳﮕﻠﻮﻟﻪ ﺭﻭﺡ ..
ﺣﺴﻴﺖ ﺍﻧﻲ ﺑﻴﺪ ﺷﻴﻄﺎﻥ ﻣﻮ ﺍﻧﺴﺎﻥ ﺍﻟﻲ ﮔﺪﺭ ﻳﻀﺤﻚ ﻉ ﺍﻟﺸﺮﻃﺔ ﻭﺍﻟﺠﻴﺶ ﻳﮕﺪﺭ ﻳﺴﻮﻱ ﻛﻠﺸﻲ ..
ﻫﻤﺴﺖ ﺍﻻﺧﺘﻲ ﻧﻨﺰﻝ ﺑﺴﺮﻋﻪ ..
ﻧﺰﻟﻨﺎ ﻭﺍﺣﻨﺔ ﻧﻌﻴﻂ ..
ﺍﻧﻘﺬﻭﻧﺎ ﻫﺬﺍ ﺩﺍﻋﺸﻲ ﻭﺧﻄﻔﻨﺎ ﺍﻧﻘﺬﻭﻧﺎ ﻭﺍﺣﻨﺔ ﻧﺘﻮﺳﻞ ﺑﻴﻬﻢ ..
ﺗﻘﺪﻡ ﺷﺨﺺ ﺿﺎﺑﻂ ﺍﻭ ﺷﻨﻮ ﺭﺗﺒﺘﺔ ﻣﺎﺍﻋﺮﻑ ..
- ﺷﻨﻮ ﺑﻴﻬﻢ ﻟﻴﺲ ﻳﻌﻴﻄﻮﻥ ..
ﺍﻟﺸﺮﻃﻲ .. ﺳﻴﺪﻱ ﺍﻋﺘﻘﺪ ﻣﻦ ﺍﻟﻤﻮﺻﻞ ﻟﻬﺠﺘﻬﻢ ﻣﺨﺘﻠﻔﻪ
ﻧﺰﻝ ﺍﺑﻮ ﻣﺤﻤﺪ ﻣﻦ ﺳﻴﺎﺭﺗﺔ ﺑﺄﺗﺠﺎﻫﻨﺔ ..
ﻭﺍﺣﻨﺔ ﺧﺎﻳﻔﻴﻦ ﻭﻧﺘﻮﺳﻞ ﺑﺎﻟﻀﺎﺑﻂ ﺍﻧﻪ ﻳﻨﻘﺬﻧﺎ ..
ﻃﻠﻊ ﻫﻮﻳﺘﻮ ﺍﻟﻬﻢ ..
ﺩﺧﻠﻨﺎ ﺍﻟﻀﺎﺑﻂ ﻟﻐﺮﻓﻪ ﺻﻐﻴﺮﺓ ..
ﻭﮔﺎﻝ ﻟﻠﻀﺎﺑﻂ .. ﻣﺎﻳﺪﺭﻭﻥ ﺑﻴﻪ ﻭﻋﺒﺎﻟﻬﻢ ﻣﻦ ﺍﻟﺘﻨﻈﻴﻢ ..
ﺍﻟﻀﺎﺑﻂ .. ﻭﺷﻨﻮ ﻳﺴﻮﻥ ﻭﻳﺎﻙ ..
ﮔﺎﻝ .. ﺷﻔﺘﻬﻢ ﻗﻠﻴﻠﻴﻦ ﺣﻴﻠﺔ ﺣﺒﻴﺖ ﺍﺳﺎﻋﺪﻫﻢ ..
ﺍﻟﻀﺎﺑﻂ .. ﻣﻦ ﺍﻟﺨﻄﺄ ﺍﻧﻪ ﺗﺘﺤﻤﻞ ﻫﻴﺞ ﻣﺴﺆﻭﻟﻴﻪ ﻭﺍﻧﺖ ﺑﻤﻬﻤﺔ ﺻﻌﺒﺔ ..
ﻋﺰﻳﺰ .. ﺻﺤﻴﺢ ✔ ﺑﺲ ﻣﺎﺍﻋﺮﻑ ﺷﻨﻮ ﺍﻟﻲ ﺧﻼﻧﻲ ﺍﺗﻘﺪﻡ ﺍﻟﻬﻢ ﻭﺍﻧﻘﺬﻫﻢ ﻣﻦ ﺍﻟﺒﻴﻊ ..
ﻛﺎﻥ ﻳﺤﺠﻲ ﻣﻊ ﺍﻟﻀﺎﺑﻂ ﻭﺍﻧﻲ ﺍﺣﺲ ﻧﻔﺴﻲ ﺑﺪﻭﺍﻣﺔ ﻣﺎﻓﺎﻫﻤﺔ ﺷﻲ ..
ﻣﻨﻮ ﻋﺰﻳﺰ .. ﻭﺷﻨﻮ ﻣﻬﻤﺔ ..
ﺿﺤﻚ ﺍﻟﻀﺎﺑﻂ ﻭﮔﺎﻝ . ﻻﺗﺨﺎﻓﻮﻥ ﺍﻧﺘﻮ ﺑﺄﻳﺎﺩﻱ ﺍﻣﻴﻨﺔ ..
ﺍﻟﻲ ﺗﺸﻮﻓﻮﻩ ﮔﺪﺍﻣﻜﻢ ﻫﺬﺍ ﺿﺎﺑﻂ ﻋﻤﻠﻴﺎﺕ ﺳﺮﻳﻪ ﺍﻟﺤﻜﻮﻣﺔ ﺟﻨﺪﺗﺔ ﻫﻮ ﻭﺑﻌﺪ ﻭﻳﺎﻩ ﻋﻨﺎﺻﺮ ﻟﺘﺨﺮﻳﺐ ﺍﻟﺘﻨﻈﻴﻢ ﻭﻧﻘﻞ ﺍﻻﺧﺒﺎﺭ ﻟﻠﺠﻴﺶ ﻋﻦ ﻣﻮﺍﻗﻌﻬﻢ ..
ﺑﺲ ﻻﺯﻡ ﻳﺒﻘﻰ ﺍﻻﻣﺮ ﺳﺮﻱ ﻭﻣﺎﻳﻄﻠﻊ ﺍﺑﺪ ﺍﻻﻱ ﺷﺨﺺ ..
ﻭﺍﻻ ﺗﺘﺤﻤﻠﻮﻥ ﺍﻟﻨﺘﺎﺋﺞ ..
ﻛﺎﻥ ﻳﻜﺮﺭ ﺑﻜﻼﻣﺔ ﻭﻳﺄﻛﺪ ﻋﻠﻴﻨﺎ ﺍﻧﻪ ﻣﺎﻧﺬﻛﺮ ﻫﺎﻟﺸﻲ ﺍﻻﻱ ﺷﺨﺺ ..
ﻭﺍﺿﻄﺮ ﻳﻔﺼﺢ ﻋﻦ ﻫﻮﻳﺘﺔ ﺣﺘﻰ ﻧﺜﻖ ﺑﻲ ﻭﻧﺤﺲ ﺑﺎﻻﻣﺎﻥ ..
ﺣﺴﻴﺖ ﺑﺮﺧﺎﻭﺓ ﺑﺠﺴﻤﻲ ﻭﺗﻌﺐ ..
ﮔﻌﺪﺕ ﻉ ﺍﻻﺭﺽ ﻭﻧﺰﻟﺖ ﺩﻣﻮﻋﻲ ﺍﻭﻝ ﻣﺮﺓ ..
ﺭﻓﻌﺖ ﺭﺍﺳﻲ ﻟﻠﺴﻤﺎ ﻭﺷﻜﺮﺕ ﺍﻟﺮﺏ ..
ﺑﺤﻴﺎﺗﻲ ﻣﺎﻛﻨﺖ ﺍﺗﻮﻗﻊ ﻓﻲ ﻣﻌﺠﺰﺍﺕ ﺑﻬﺬﺍ ﺍﻟﺰﻣﻦ ..
ﺍﺣﻨﺔ ﻧﺠﻮﻧﺎ ﺑﺄﻋﺠﻮﺑﺔ ﻭﻣﻌﺠﺰﺓ ﺍﻟﻬﻴﺔ ﻣﻦ ﺍﻟﺮﺏ ..
ﺍﻛﻴﺪ ﺩﻋﻮﺍﺕ ﻳﻤﻲ ﻭﺍﺑﻲ ﺣﻤﺘﻨﺎ .. ﻭﻫﻲ ﺍﻟﻲ ﺍﻧﻘﺬﺗﻨﺎ ﻭﺧﻠﺖ ﺑﻄﺮﻳﻘﻨﺎ ﺍﻟﻀﺎﺑﻂ ﻋﺰﻳﺰ ..
ﺷﻜﺮﺗﻮ ﻭﮔﻠﺖ ..
ﻣﺎﺍﻋﺮﻑ ﺷﻠﻮﻥ ﺍﺷﻜﺮﻙ ﺑﺲ ﺑﻘﻮﺍ ﺍﺑﻲ ﻭﺍﺧﻲ ﻭﻳﻤﻲ ﻣﺎﺍﻋﺮﻑ ﻋﻨﻬﻢ ﺧﺒﺮ ..
ﺍﺭﺟﻮﻙ ﺍﻧﻘﺬﻫﻢ
ﻋﺰﻳﺰ .. ﺻﺤﻴﺢ ✔ ﺍﻻﻣﺮ ﺻﻌﺐ .. ﻭﺍﻟﻲ ﻳﺎﺧﺬﻭﻩ ﺍﻣﺎ ﻳﻘﺘﻠﻮﻩ ﺍﻭ ﻳﺠﻨﺪﻭﻩ ﻭﻳﺎﻫﻢ ..
ﻟﻜﻦ ﺭﺍﺡ ﺍﺑﺤﺚ ﻭﺍﻋﺮﻑ ﺍﻟﺘﻔﺎﺻﻴﻞ ..
ﺍﻟﻀﺎﺑﻂ .. ﻫﺴﺎ ﻭﻳﻦ ﺭﺍﺡ ﺗﺎﺧﺬﻫﻢ ..
ﻋﺰﻳﺰ .. ﺍﺧﺬﻫﻢ ﻋﻠﻰ ﺑﻐﺪﺍﺩ ﺍﺍﻣﻦ ﻋﻠﻴﻬﻢ ﻭﺑﻌﺪﻣﺎﺍﻛﻤﻞ ﺷﻐﻠﻲ ﺍﺷﻮﻑ ﻃﺮﻳﻘﻪ ﺍﺳﻔﺮﻫﻢ ﺑﻴﻬﺎ ﺍﻭ ﺍﺫﺍ ﻋﻨﺪﻫﻢ ﺍﻗﺎﺭﺏ ﻫﻨﺎ ﺑﺎﻟﻌﺮﺍﻕ ..
ﺗﺮﺍﻧﻴﻢ .. ﻣﺴﺘﺤﻴﻞ ﺍﺳﺎﻓﺮ ﺍﻟﻤﻜﺎﻥ ﺍﺫﺍ ﻣﺎﺍﻧﺠﻤﻊ ﺑﺄﻫﻠﻲ ..
ﻋﺰﻳﺰ ﺍﻟﺘﻔﺖ ﻉ ﺍﻟﻀﺎﺑﻂ ﻭﮔﺎﻟﻪ ..
ﻋﻨﻮﺩﻳﺔ ﻭﺗﺴﻮﻱ ﺍﻟﻲ ﺑﺮﺍﺳﻬﺎ ﺻﺪﮔﻨﻲ ..
ﺿﺤﻚ ﺍﻟﻀﺎﺑﻂ ﻭﻃﻠﻌﻨﺎ ..
ﺻﻌﺪﻧﺎ ﺑﺎﻟﺴﻴﺎﺭﺓ ﻭﺗﺤﺮﻛﺖ .. ﻻﻭﻝ ﻣﺮﺓ ﺍﺣﺲ ﺑﺎﻻﻣﺎﻥ ﻣﻦ ﺷﻬﺮﻳﻦ ﺗﻘﺮﻳﺒﺎ ..
ﺍﺗﻜﺄﺕ ﻟﻴﻨﺎ ﻋﻠﻰ ﻛﺘﻔﻲ ﻭﻧﺎﻣﺖ ..
ﻭﺍﻧﻲ ﻛﺎﻧﺖ ﻋﻴﻨﻲ ﻋﻠﻴﻪ ﻭﻫﻮ ﻳﺴﻮﻕ ..
ﻛﺎﻥ ﻭﺍﺿﺢ ﺷﻜﻠﻪ ﻣﺎﻳﺸﺒﻬﻢ ..
ﻭﻋﺒﺎﻟﻚ ﻣﻼﻙ ﺍﻟﻬﻲ ﻭﻣﻨﺰﻝ ﻣﻦ ﺍﻟﺴﻤﺎ ..
ﻳﺎﺭﺏ ﺍﺣﻔﻈﻮ ﻣﻦ ﻛﻞ ﻣﻜﺮﻭﻩ ﻣﺜﻞ ﻣﺎﺣﺎﻓﻆ ﻋﻠﻴﻨﺎ ﻭﺳﺘﺮﻧﺎ
ﻳﺎﺍﻣﻨﺎ ﺍﻟﻌﺬﺭﺍ .. ﺍﺣﻔﻈﻴﻪ ﻭﺍﻧﺼﺮﻳﻪ ﻋﻠﻰ ﺩﺍﻋﺶ ..
ﺩﻋﻮﺍﺗﻲ ﻣﺎﺑﻄﻠﺖ ﻃﻮﻝ ﺍﻟﻄﺮﻳﻖ ..
ﺍﻟﻰ ﺍﻥ ﻏﻔﻴﺖ ﻣﻦ ﺍﻟﺘﻌﺐ ﻭﺍﻟﺘﻔﻜﻴﺮ .
ﺻﺤﻴﺖ ﻋﻠﻰ ﺻﻮﺗﻮ ﺍﻟﻲ ﺩﺧﻞ ﺍﻟﮕﻠﺒﻲ ﻗﺒﻞ ﻣﺴﺎﻣﻌﻲ ..
ﻓﺘﺤﺖ ﻋﻴﻨﻲ ﻭﺍﻧﻲ ﺍﻏﺸﻊ ﺍﻣﺎﻣﻲ ﺑﻄﻠﻲ ﻭﻣﻨﻘﺬﻱ ..
ﻋﺰﻳﺰ .. ﻭﺻﻠﻨﺎ ﺑﻐﺪﺍﺩ ..
ﺭﺍﺡ ﻧﻨﺰﻝ ﻫﻨﺎ ﺑﻤﻄﻌﻢ ﻗﺮﻳﺐ ..
ﻏﺴﻠﻮﺍ ﻭﻧﺘﻐﺪﺍ ﻭﺑﻌﺪﻫﺎ ﻧﺸﻮﻑ ﻣﻜﺎﻥ ﺍﺳﻜﻨﻜﻢ ﺑﻲ ..
ﻧﺰﻟﻨﺎ ﺗﻐﺪﻳﻨﺎ ﻭﻛﺎﻧﺖ ﺍﻭﻝ ﻣﺮﺓ ﺍﻛﻞ ﻫﻴﺞ ﺑﺸﺮﺍﻫﺔ ﻣﻦ ﺍﻟﺠﻮﻉ
ﻏﺴﻠﻨﺎ ﻭﺭﺗﺒﺖ ﺷﻌﺮﻱ ﻷﻥ ﻣﺒﻌﺜﺮ ..
ﻛﻤﻠﻨﺎ ﮔﺎﻝ ﻋﻨﺪﻛﻢ ﻣﺴﺘﻤﺴﻜﺎﺕ ..
ﺗﺮﺍﻧﻴﻢ .. ﻻ .. ﻛﻠﺸﻲ ﺑﻘﻰ ﻋﻨﺪ ﻳﻤﻲ ﺑﺠﻨﻄﺘﻬﺎ ..
ﻋﺰﻳﺰ .. ﺟﺎ ﺍﻟﻔﻨﺪﻕ ﺻﻌﺐ ﻧﺤﺠﺰ ..
ﺭﺍﺡ ﺍﺧﺬﻛﻢ ﻟﻼﻣﺎﻡ .. ﺗﺒﻘﻮﻥ ﻫﻨﺎﻙ ﺑﻴﻦ ﻣﺎ ﺍﺧﺎﺑﺮ ﻭﺍﺧﺬﻛﻢ ﻋﻠﻰ ﻏﻴﺮ ﻣﻜﺎﻥ ..
ﻃﻠﻌﻨﺎ ﻭﻛﺎﻧﺖ ﺍﻭﻝ ﻣﺮﺓ ﺍﻏﺸﻊ ﺑﻐﺪﺍﺩ ﺑﻴﻬﺎ ..
ﻟﻜﻦ ﻛﺄﻧﻪ ﻛﻨﺖ ﻋﺎﻳﺸﺔ ﺑﻴﻬﺎ ..
ﻓﺘﺤﺖ ﺍﻟﺸﺒﺎﻙ ﻭﺍﺷﻢ ﻫﻮﺍ ﺑﻐﺪﺍﺩ ..
ﺍﻣﻨﻴﺘﻲ ﺍﻧﺠﻤﻊ ﺑﺄﻫﻠﻲ ﻭﺗﻜﺘﻤﻞ ﺣﻴﺎﺗﻲ .
ﻭﺻﻠﻨﺎ ﺍﺷﺘﺮﻯ ﻋﺰﻳﺰ ﺍﻟﻨﺎ ﻣﺜﻞ ﻗﻄﻌﻪ ﻗﻤﺎﺵ ﺗﻠﺒﺲ ﻉ ﺍﻟﺠﺴﻢ ﻛﻠﺔ .. ﻟﻮﻧﺔ ﺍﺑﻴﺾ ﻭﺑﻲ ﺍﻟﻮﺍﻥ ﺯﻫﺮﻱ ﺣﻠﻮﺓ ..
ﻟﺒﺴﻨﺎﻫﺎ ﻭﻟﻴﻨﺎ ﻛﺎﻧﺖ ﻓﺮﺣﺎﻧﺔ ..
ﺗﺮﺍﻧﻴﻢ .. ﻭﻳﻦ ﺭﺍﻳﺤﻴﻦ ..
ﻋﺰﻳﺰ .. ﻫﺬﺍ ﺍﻟﻲ ﮔﺪﺍﻣﺞ ﺍﻻﻣﺎﻡ ﺍﻟﻜﺎﻇﻢ ﺍﻣﺎﻣﻨﺎ ..
ﺗﺮﺍﻧﻴﻢ .. ﻳﻌﻨﻲ ﻭﺍﺣﺪ ﻣﻦ ﺑﻴﻮﺕ ﺍﻟﻠﻪ ﻣﺜﻞ ﺍﻟﻜﻨﻴﺴﺔ ﻗﺼﺪﻙ
ﺍﺑﺘﺴﻢ ﻭﮔﺎﻝ ﺗﮕﺪﺭﻳﻦ ﺗﻌﺘﺒﺮﻳﻪ ﻫﻴﺞ ..
ﺍﺩﺧﻠﻮﺍ ﺍﻧﺘﻮ ﻣﻦ ﻫﺬﻱ ﺍﻟﺠﻬﺔ ﻭﻧﻠﺘﻘﻲ ﺑﺎﻟﺪﺍﺧﻞ ﻳﻢ ﺫﺍﻙ ﺍﻟﺒﺎﺏ
ﻫﺰﻳﺖ ﺑﺮﺍﺳﻲ ﻭﺩﺧﻠﻨﺎ ..
ﻛﺎﻧﺖ ﺍﻛﻮ ﻧﺴﺎﺀ ﻳﺘﻠﻤﺴﻦ ﺟﺴﻤﻨﺎ ..
ﻭﺣﺪﺓ ﻣﻨﻬﻢ ﮔﺎﻟﺖ . ﺳﺒﺤﺎﻥ ﺍﻟﺨﺎﻟﻖ ﺷﻨﻮ ﻫﺎﻟﺠﻤﺎﻝ ..
ﺍﻛﺘﻔﻴﺖ ﺑﺎﻻﺑﺘﺴﺎﻣﺔ ﻭﺩﺧﻠﺖ ..
ﻛﺎﻧﺖ ﻋﻴﻮﻧﻲ ﺗﺪﻭﺭ ﻋﺰﻳﺰ ..
ﻛﺎﻥ ﻳﺴﻠﻢ ﺳﻼﺣﺔ ﻟﻠﺸﺮﻃﺔ ..
ﺩﺧﻞ .. ﻭﺍﺧﺬﻧﺎ ﻟﻠﺪﺍﺧﻞ ..
ﺍﻧﺘﻮ ﺍﺑﻘﻮﺍ ﻫﻨﺎ ﻣﺎﺗﺘﺤﺮﻛﻮﻥ .
ﺍﺭﻭﺡ ﻭﺍﺟﻲ ﺍﻟﮕﻴﻜﻢ ﺑﻤﻜﺎﻧﻜﻢ ..
ﻫﺎﺝ ﻫﺬﻱ ﻓﻠﻮﺱ .. ﺍﺫﺍ ﺟﻌﺘﻮﺍ ﺍﻃﻠﻌﻮﺍ ﺍﺷﺘﺮﻭﺍ ﻭﺍﻛﻠﻮﺍ
ﻭﺗﺮﺟﻌﻮﻥ ﺍﻟﻨﻔﺲ ﺍﻟﻤﻜﺎﻥ ..
ﺗﺮﺍﻧﻴﻢ .. ﻳﻌﻨﻲ ﻣﺎﺗﺘﺄﺧﺮ ؟؟
ﻋﺰﻳﺰ .. ﺍﻥ ﺷﺎﺀ ﺍﻟﻠﻪ ..
ﺗﺮﺍﻧﻴﻢ .. ﻣﻮ ﺗﺘﺮﻛﻨﺎ ﻭﺗﺮﻭﺡ ﻣﺎﻋﺪﻧﺎ ﺍﺣﺪ ﻏﻴﺮﻙ ..
ﻋﺰﻳﺰ .. ﻻﺗﺨﺎﻓﻴﻦ ﻣﺴﺘﺤﻴﻞ ﺍﺗﺮﻛﻢ ﺍﺫﺍ ﻣﺎﺍﻣﻦ ﻋﻠﻴﻜﻢ ..
ﺑﻌﺪﻫﺎ ﮔﺎﻝ ..
ﺗﺪﺭﻳﻦ ﺻﺎﺭ ﻫﻮﺍﻱ ﻭﻳﺎﻱ ﻭﻣﺎﺍﻋﺮﻑ ﺍﺳﻤﺞ ..
ﺍﺑﺘﺴﻤﺖ ﻭﮔﺘﻠﻮ .. ﺗﺮﺍﻧﻴﻢ ..
ﺿﺤﻚ ﻭﮔﺎﻝ .. ﺍﺳﻢ ﻏﺮﻳﺐ ﺑﺲ ﺣﻠﻮ .. ﻭﺍﺧﺘﺞ ..
- ﻟﻴﻨﺎ ..
- ﻋﺎﺷﺖ ﺍﻻﺳﺎﻣﻲ ..
ﺭﺍﺡ ﻭﻛﺎﻧﺖ ﻧﻀﺮﺍﺗﻲ ﻭﺭﺍﻩ .. ﻣﺎﻓﺎﺭﻗﺘﻪ ﻟﻠﺤﻈﺔ ﺣﺴﻴﺖ ﺍﻧﻪ ﺭﺍﺡ ﻭﺑﻌﺪ ﻣﺎﻳﺮﺟﻊ ..
ﺧﻔﺖ ﻧﺒﻘﻰ ﻫﻨﺎ ﻭﺣﻴﺪﻳﻦ ﻣﺎﻧﻌﺮﻑ ﺍﺣﺪ ..
ﻟﻴﺶ ﻧﻄﺎﻧﻪ ﻓﻠﻮﺱ ﻭﻟﻴﺶ ﺭﺍﺡ ..
ﺍﻟﻒ ﺳﺆﺍﻝ ﻭﺳﺆﺍﻝ ﺗﺒﺎﺩﺭ ﺑﺬﻫﻨﻲ ..
ﺑﻘﻴﻨﺎ ﺑﺎﻟﺴﺎﻋﺎﺕ ﻭﻋﺰﻳﺰ ﻣﺎﺑﻴﻦ ..
ﺻﺎﺭ ﺍﻟﻠﻴﻞ ..
ﻭﻫﻮ ﻣﺎﻛﻮ ..
ﺍﺟﺔ ﺑﻌﺪﻳﻦ ﻫﻮ ﻭﺷﺨﺺ ﻫﻢ ﺍﺳﻤﺮ ﻭﻳﺸﺒﻬﺔ ﺗﻘﺮﻳﺒﺎ ..
ﻋﺰﻳﺰ .. ﺭﺍﺡ ﺗﺮﺣﻮﻥ ﻭﻱ ﻋﻠﻲ ﺍﻟﺒﻴﺖ ﺍﻫﻠﻲ ﻫﻨﺎﻙ ﺍﻣﻦ ﺍﻟﻜﻢ
ﺗﺮﺍﻧﻴﻢ .. ﻭﺍﻧﺖ ؟؟
ﻋﺰﻳﺰ .. ﺍﻧﻲ ﻋﻨﺪﻱ ﺷﻐﻞ ﻭﻣﻜﻠﻒ ﺑﻤﻬﻤﺔ ﻟﺴﺎ ﻣﺎﺧﻠﺼﺖ . ﺍﻫﻠﻲ ﻳﻌﺮﻓﻮﻥ ﻗﺼﺘﻜﻢ ﻻﺗﺨﺎﻓﻦ ﺭﺍﺡ ﻳﺤﻤﻮﻛﻢ ﺍﻛﺜﺮ ﻣﻨﻲ ..
ﻭﻫﺬﺍ ﺍﺧﻮﻱ ﻋﻠﻲ ﻭﻳﺎﻛﻢ ..
ﺗﺮﺍﻧﻴﻢ .. ﺑﺲ ؟؟
ﻋﺰﻳﺰ .. ﺛﻘﻲ ﺑﻴﻪ ﻭﻻﺗﻌﺎﻧﺪﻳﻦ .. ﻫﻨﺎ ﺍﺫﺍ ﺗﺮﻛﺘﻜﻢ . ﻣﺎﺗﻌﺮﻓﻮﻥ ﺍﺣﺪ ﻭﺣﺘﻰ ﻣﺴﺘﻤﺴﻜﺎﺕ ﻣﺎﻋﻨﺪﻛﻢ ﺣﺘﻰ ﺍﺧﻠﻴﻜﻢ ﺑﻔﻨﺪﻕ ﺭﻭﺣﻦ . ﻭﻱ ﻋﻠﻲ ..
ﻃﻠﻌﻨﺎ ﻭﻫﻮ ﻳﻤﺸﻲ ﮔﺪﺍﻣﻨﺎ ﻭﻳﻮﺻﻲ ﺑﺄﺧﻮﻩ ..
ﺻﻌﺪﻧﺎ ﺑﺴﻴﺎﺭﺓ ﺍﺧﻮﻩ ..
ﻭﻫﻤﺴﻠﻲ .. ﻛﻞ ﺍﻟﻲ ﺷﻔﺘﻴﻪ ﺍﻧﺘﻲ ﻭﺍﺧﺘﺞ ﻭﻣﻬﻤﺘﻲ ﻣﺎﺍﺭﻳﺪ ﺟﻨﺲ ﻣﺨﻠﻮﻕ ﻳﻌﺮﻓﺔ ﺣﺘﻰ ﺍﻫﻠﻲ ..
ﻭﺍﺫﺍ ﺳﺄﻟﻮﺝ ﮔﻮﻟﻲ ﺍﻧﻬﺰﻣﻨﺎ ﻣﻦ ﺩﺍﻋﺶ ﻭﻋﺰﻳﺰ ﻧﻘﺬﻧﺎ ﻭﻃﻠﻌﻨﺎ ﻣﻦ ﺍﻟﻤﻮﺻﻞ .. ﻓﺎﺍﺍﻫﻤﺔ ..
ﻫﺰﻳﺖ ﺑﺮﺍﺳﻲ ﺑﻤﻌﻨﻰ ﺍﻱ ..
ﺳﺪ ﺑﺎﺏ ﺍﻟﺴﻴﺎﺭﺓ ..
ﻭﺭﻓﻊ ﺍﻳﺪﺓ ﺳﻠﻢ ﻭﺣﺮﻛﺖ ﺍﻟﺴﻴﺎﺭﺓ ..
ﺍﻟﺘﻔﺘﺖ ﻭﺭﺍﻱ ﻭﻋﻴﻨﻲ ﻋﻠﻴﻪ .. ﻭﻫﻮ ﻋﻴﻨﺔ ﻉ ﺍﻟﺴﻴﺎﺭﺓ ﻭﻣﺨﻠﻲ ﺍﻳﺪﺓ ﻉ ﺧﺼﺮﺓ ..
ﻣﻦ ﻫﻨﺎ ﺍﻧﺘﻬﺖ ﻃﻔﻮﻟﺘﻲ ﻭﺣﻴﺎﺗﻲ ﺑﺎﻟﻤﻮﺻﻞ ﻣﺪﻳﻨﺘﻲ ﺍﻟﺠﻤﻴﻠﻪ ﺍﻟﺘﻲ ﺗﺮﺑﻴﺖ ﻭﻋﺸﺖ ﻓﻴﻬﺎ ﺍﺟﻤﻞ ﺳﻨﻴﻨﻲ ..
ﻭﺍﻧﺘﻘﻠﺖ ﻟﺤﻴﺎﺓ ﺟﺪﻳﺪﺓ ﻻﺍﻓﻘﻪ ﺑﻬﺎ ﺷﻴﺌﺎً ..
ﻭﻻﺍﻋﺮﻑ ﻛﻴﻒ ﺳﺘﻜﻮﻥ ﺣﻴﺎﺗﻲ ﺍﻟﻘﺎﺩﻣﺔ .. ﺗﺮﺍﻧﻴﻢ !!
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ ………
ﺟﺮﺑﺖ ﻓﻲ ﻣﺮﻩ 💔 ﺍﻟﻴﺴﺎ | ﺣﺎﻻﺕ ﻭﺍﺗﺲ ﺣﺰﻳﻨﻪ | 😢
ﻫﻼ ﻭﻏﻼ ﺣﺒﺎﻳﺐ // ﺍﺗﻤﻨﻰ ﻋﺠﺒﻜﻢ . ﺍﻟﺒﺎﺭﺕ ﺍﻻﻭﻝ ..
ﻣﺜﻞ ﻣﺎﮔﻠﺘﻠﻜﻢ ﺍﻟﻘﺼﺔ ﻣﺤﻮﺭﻫﺎ ﻣﻮ ﺩﺍﻋﺶ ﻭﺍﻧﻤﺎ ﺣﻴﺎﺓ ﺗﺮﺍﻧﻴﻢ ﺣﺘﻰ ﻻﺗﮕﻠﻮﻥ ﺗﺸﺒﻪ ﺭﻭﺍﻳﺔ ﻛﺬﺍ ﻛﺎﺗﺒﺔ ..
ﺍﻧﻲ ﻣﺎﺍﺧﺘﺎﺭ ﺍﻻ ﺍﻟﻤﺨﺘﻠﻒ ..
ﻗﺼﺺ ﺩﺍﻋﺶ ﻛﺜﻴﺮﺓ ﻟﻜﻦ ﻻﺑﺪ ﻭﺗﺘﺸﺎﺑﻪ ﺑﻔﻜﺮﺓ ﻣﻌﻴﻨﺔ ..
ﻃﺒﻌﺎ ﻟﻬﺠﺔ ﺍﻟﺒﻄﻠﺔ ﻣﺴﻴﺤﻴﺔ ﻭﻣﺼﻼﻭﻳﺔ ..
ﻣﺎﺣﺒﻴﺖ ﺍﻟﻘﺼﺔ ﺗﻄﻐﻰ ﻋﻠﻴﻬﺎ ﻟﻬﺠﺎﺕ ﻣﺨﺘﻠﻔﻪ ﻟﻬﺬﺍ ﺣﺎﻭﻟﺖ ﺍﻗﻠﻞ ﻗﺪﺭ ﺍﻻﻣﻜﺎﻥ ﻭﺍﺧﻠﻲ ﻟﻬﺠﺘﻬﺎ ﻃﺒﻴﻌﻴﺔ ﻭﻣﻔﻬﻮﻣﺔ ..
ﺭﻏﻢ ﻫﻲ ﻟﻬﺠﺘﻬﺎ ﻣﺴﻴﺤﻴﺔ ﻭﺍﺳﻤﺎﺀ ﻏﺮﻳﺒﻪ ..
ﻳﻌﻨﻲ ﺍﺑﻲ ﻭﺍﺧﻲ ﺗﻠﻔﻈﻬﻢ ﺑﻄﺮﻳﻘﻪ ﺻﻌﺒﻪ .. ﻓﺨﻠﻴﺘﻬﺎ ﻫﻴﺞ ﺣﺘﻰ ﺗﻜﻮﻥ ﻭﺍﺿﺤﺔ ..
ﺍﻣﺎ ﺑﺨﺼﻮﺹ ﺍﻭﻗﺎﺕ ﺍﻟﻨﺸﺮ .. ﺭﺍﺡ ﻳﻜﻮﻥ ﺍﻟﻨﺸﺮ ﺧﻼﻝ ﺍﻻﺳﺒﻮﻉ ﻛﻠﻪ ﻣﺎﻋﺪﺍ ﺍﻟﺠﻤﻌﻪ ﻭﺍﻟﺴﺒﺖ ﺍﺳﺘﺮﺍﺣﺔ ﻟﻲ ..
ﺣﺘﻰ ﺑﻌﺪﻳﻦ ﻣﺘﮕﻮﻟﻮﻥ ﺍﻧﻲ ﻗﺼﺮﺕ ﻣﻌﺎﻛﻢ ..
ﺗﺤﻴﺎﺗﻲ ﻟﻜﻢ ﻭﻣﺘﺎﺑﻌﻪ ﻣﻤﺘﻌﺔ ..  متابعةuser12333629محتاج دعمكم
ﺍﺣﺒﻜﻢ .. ‏( ﺷﻤﺲ ﺍﻟﺴﻌﺪﻱ)