هربت كي أعيش

البارت 6

علي. الكل يطلع ماعده امي
الكل نزل وامي بقت يمي
لام. هااا يمه اشبيهااا
علي. يمه مابيهاا شي فلاونزه ديري بالج عليهااا
لام . ماشي يمه انته روح ارتاح لاتهتم
علي. ايي ولله حيل تعبان اخذلي غطه واگعد
رحت سبحت وبدلت اتمددت على السرير وافكر صدگ حالتهاا بسببي ماهو سجن واني سجانه لازم تنزل اشوي بس ولله مااريد ايصير بينهااا وبين واحد من خواني علاقه لو اي شي اخليهاا على الله ولله كريم .... نمت وگعدت العصر رحت الغرفه زهراء لگيت امي ماكو بس غسق گاعده
غسق. اشو هذه دخل بلا ميدگ الباب گعدت على حيلي بس بلگوه لان بعدني ارجف
علي. اشلون صرتي
غسق. احسن
علي. اخذي علاجج حته ترجعين مثل قبل
غسق. مااخذه لان مااحب الدوه
علي. ماهو على كيفج
غسق. اني لو انته المريض؟
علي. استغفرلله لج انتي شبيج معانده اخذي حته تصيري زينه
غسق. سيدي ممكن سؤال؟
علي. تفضلي
غسق. ليش متقبل انزل جوه ويضايقك هذه الموضوع
علي. شنو اگول الهاا اخاف ايصير بينج وبين خواني شي لو شنو ..... هيج احسن الج
غسق. ليش لازم اكو سبب
علي. گتلج ماكو سبب لا تلحين
غسق. اذا متضايق من گعدتي عدكم خليني اروح اترجاك اني ادبر نفسي
علي. طلعه ماااااااه ماكو فتهمتي واذا عتبتي باب الغرفه اكسر رجليج ماشي
حجيتهااا وطلعت
غسق. بقيت بس ابجي سجن ماهو بسجن ولله تعبت مايصير كله الوحدي محبوسه بالغرفه
اشوي ودخلت زهراء
زهراء. غسق خير اشبيج تبجين
غسق. زهراء فدوه گولي الاخوج ايخليني اروح اني ادبر نفسي مايصير محبوسه بالغرفه على طول
زهراء. ليش علي مانعج ؟
غسق. مايقبل انزل جوه ومن اسأله ميجاوب عن السبب تره ولله مليت الگعده بروحي وحته بالغرفه مماخذه راحتي
زهراء . لا تخافين اني احاجي امي تخليه ينزلج
غسق . زهراء اريد اسبح وملابسي مو مال بيت عادي اخذ منج ملابس
زهراء .اي تدللين هسه اجيبلج
غسق. فتت للحمام وزهراء جابتلي تراك طويل حلوو لبسته وطلعت
زهراء. نعيمن
غسق. تسلمين عمري اگولج زهراء اريد انشف شعري اذا ابقيه هيج وانام امرض بزياده
زهراء. السشوار بغرفه علي هسه اجيبو
اشوي وصاحت امهااا عليها نزلت انتضرتهاا تجي ماكو واني منعسه گلت هسه اكيد مو هنااا خل اروح الغرفته اجيبه واجي بسرعه
رحت الغرفته ودخلت بدون ماادگ الباب گلت اكيد طالع هيج وگت دخلت لگيت السشوار الهوائي على المرايه رحت اجيبو شفت اشكال العطور على الميز گلت خل اجرب واحد بماا انو مو هناا اكوو عطر جذبني شكله كلش حلوو گلت خل اخلي منه رشيت على رگبتي كم رشه وحطيتوو رفعت راسي على المرايه وشفتو مجتف اديه ومرتجي على الباب
اني مااوصف شعوري گمت ابلع ابريگي من الخوف عزااا اشجابه هذه.... هوه مجان طالع جان يسبح اخذت السشوار وبلا ماانطق حرف مشيت بس رجليه بادن مااعرف امشي گمت وصلت للباب هوه واگف على حطته اجيت اطلع سحبني من ايدي وسد الباب احس قطره دم من الخوف مضلت بيه
علي. اشعندج بغرفتي
غسق. يحجي ومتقرب علي مااعرف شنو اجاوب بس الخوف مسيطر علي
علي. انخلستي شنو تسوين بغرفتي؟
غسق. هوه..ااااا..اجيت..اخذ الس.السشوار
علي. والعطر شنو؟
غسق. ااااشبيه؟
علي. اشبيج انثولتي انربط السانج
غسق. هوه عطر بعد مااخلي منه
علي. شوفي غسق غرفتي واغراضي خط احمر مااريد اتلمسين شي منهم وعطري خاصه الي خليتي منه مااحب احد ايشاركني بيه اخذي اي واحد اله هذه
غسق. من غبائي گتله... ليش هديه من حبيبتك
علي. انجبي .... طلعي براااااا
غسق. خرب يومج متگضين السانج طلعت ركض من الخوف
ههوه خبصني هوه مجرد عطر
رحت للغرفه حته مالي خلگ اسشور خليت وتمددت بس النومه طارت من عيوني من وره الخوف وجان الجو بارد اشوي خاصه بغداد مو مثل البصره حاره دائمآ اجت زهراء يمي وبقينه انسولف على حياتي واهلي اتذكرت امي وبجيت صدگ مشتاقتلهاا بقينه اشوي وزهراء نامت اني ماانعس وضجت من الغرفه كلش اخذت جاكيت لبسته ولفيت الحجاب وطلعت للحديقه الكل جان نايم بس علي شفته بالحديقه ايدخن چگاير اجيت ارجع للغرفه شافني وصاح
علي. غسق
غسق. رحت بيهااا ... هااا
علي. تعالي
غسق. رحت گعدت يمه هااا
علي. ليش منايمه
غسق. مجايني نوم اليوم كله اني نايمه
علي. وشلون صرتي
غسق. زينه
علي. ماشي
غسق. بقيت ساكته واباوع عليه هوه لازم جهازه ويگلب بيه
شخصيته عصبيه بس طيب اشوي وشخصيته حلوه بقيت صافنه عليه هوه انتبهلي
علي. مضيعه شي
غسق. هاا.. لااا
علي. اشبيج تباوعين علي
غسق. هااا راح اسد عيوني وغمضت
علي. هههههه لا متغمضين
غسق. عادي سؤال
علي. تفضلي
غسق. ليش العطر الي خليت منه بالذات متقبل احد يخلي منه ؟
علي. العطر هديه غاليه علي وحته اني اخلي منه قليل كلش بس مااستغني عنه واحبه كلش
غسق. منين الهديه؟
علي. اشگد فضوليه معليج
غسق. دگول من حبيبتك منعرف
علي. عقد حواجبه وگال .الهديه مو بس من الحبيب  الهديه من صديقي وياي بالدوام چان اعز اصدقائي وكلش احبه ومثل اخوي مره سافرنه خارج العراق وهدانيااه وبعدهاا بفتره استشهد بين ايدي ضل عطره الذكره الوحيده الي وحته مااخلي منه هواي حته ميخلص
غسق. صدگ خجلت لان هيج گتله .. اسفه مجان قصدي
علي. لا عادي بس حته بعد تتخذرين منه ومتخليه
غسق. ماشي زين بعد سؤال
علي. يااكثر ماتسئلين گولي لوين توصل وياج اليوم
غسق. عندك حبيبه؟
علي. انتي معليج لتدخلين وتنسين نفسج خليت وگمت
غسق. يااا هذه اشبيه دخل ايروح خليت وصعدت نمت بغرفه زهراء
علي. يااكثر مااتسئل لا وتدخل بعد شافت وجه مني صعدت الغرفتي اتمددت ونمت گعدت الصبح جان يوم الجمعه نزلت من وگت سويت تمارين ودخلت
علي. صباح الخير
الكل. صباح النور
گعدت اتريگ وياهم
لام . زهراء گومي صيحي الغسق خل تتريگ
علي. رفعت راسي . لا متنزل اخذولهاا الريوگ للغرفه
لام. يمه على كيفك ويه البنيه تره راح اتصير بيهاا حاله نفسيه من اهلهااا ونوب انته استلمتهااا ميصير هيج نفتر ونطلع واحنه مخنوگين من الگعده شنو تگول على حالهاا تگضيهااا بالغرفه ميصير يمه خف عليهااا متگلي شنو الي مخليك متنزلهاا
علي. كلام امي صح بس شاسوي مااگدر عقلي مخلي فكرته براسي شاسوي
درت على زهراء گومي صيحيلهااا
زهراء. ركضت للغرفه دخلت لگيتهاا خطيه گاعده غسق گومي نزلي على الريوگ
غسق. لا وين علي ايموتني
زهراء. ههههههه دگومي هوه گالي
غسق. لا عليك لله
زهراء . اي ولله گومي لبسي حجابج ونزلي بسرعه
غسق. اخذت حجابي وعدلته ونزلت بس كلش خايفه من علي لگيت الكل گاعد على الطاوله مالت لأكل
غسق. صباح الخير
الكل. صباح النور
لام. تعالي يمي يمه گعدي يمي
غسق. گعدت يمهااا وعلي اگبالي ويخزر بيه صدگ سوممني بالريوگ
علي. گلت مااگوم اله كلهم ايگومون مااعرف الشك مااخذني
خلصو ريوگ وياسر ومهيمن طلعو وزهراء گامت وابوهم هم بقيت اني وامهم وعلي
لام. يمه صلاوات اليوم طولت على الكل اشعجب
علي. ليش يمه لازم ضوجتج بگعدتي
لام. لا يمه بلعكس فرحت لان تاكل كل مره بس كم لگمه وتگوم
علي. لا اليوم جوعان خليني على راحتي
لام. اني اگوم عندي كم حجايه ويه ابوك
غسق . اجيت اگوم ومخلتني گالت هستوج نزلتي اكلي اشوي عاد صدگ اني بقيت بس هذه اگبالي ولا اگدر اكل ابراحتي
علي. بقيت گاعد ومسوي نفسي اكل اگول غسق انتي هم عنج حبيب
غسق. اني هستوي خليت الگمه بحلگي وهوه حجه حسيت الگمه وگفت ابلعومي اختنگت منهااا هسه هذه سؤال بلا انطاني ماي وگال هااا يعني اكيد عندج
غسق. شربت الماي وگتله. لا مااعندي وعيب هيج سؤال
علي. اي ليش غصيتي
غسق. من سؤالك
علي . شوفي خل اگلج اذا حاولتي اتلعبين ابذيلج ولله اذبحج
غسق. شنووو. تقصد هااااا
علي. صوتج لا تعليه وتعرفين قصدي
غسق. لا مااعرفه القصدك ممكن توضح
علي. لا واضح مااحاجه ابتعدي كل البعد عن اخواني لا ولله اتشوفين شي ماايسرج
غسق. گمت على حيلي وگتله ليش وشنو شفت علي حته هيج تحذر وماله داعي اني مااضل بهذه البيت بعد انته ماانك وكيل باامري
علي. انتي طلعي الباب وشوفي شيصير
غسق. مااشي اني اريد اشوف شيصيرر بلا راويني
كلهااا طلعت واجت النه على صياحنه اني ركضت للغرفه الم ملابسي بالجنطه وهوه صعد وراي اخذ الجنطه وشمرهااا
باعي غسق لا تختبرين صبري طلعه مااكو من هذه البيت تفتهمييييييين لو اااااااعيد

يتبع........
هلوووو اشلونكم اسفه على قله النشر وان شالله انشر كل يوم بعد بس اريد تفاعل
صوتو+علقو+احبكم💙