ساعي البريد، اكتملت.

البارت الحادي عشر

في الاثناء اللي الكل منشغل يسولف برا ويحاول يصلح الموضوع انا كنت احاول انهي حياتي ، اتخلى عن كل شيء حولي واكون مرتاح البال لا افكر ولا اتعب عشان شيء.

ما اعرف لو كان تفكيري عاقل او لا ولا كان يهمني اصلا المهم اني اخلص من اللي احس فيه واواجهه هالايام، بتقولون ايماني ضعيف ؟ انا ضعيف كليًا.

...............................................................

(صالة غيد )

جاد : خلوه يهدأ شوي لمن تخف عصبيته بدش اكلمه ان شاءالله
امل بحزن : هو مو بخير داخل حد يشوفه اخاف يسوي شيء
توم لجاد : ادخل عنده جاد صح يمكن صارله شيء كان يكسر اشياء وفجأه هجد ؟
جاد : ما بينفع اكلمه وهو معصب ما بيسمعني ويمكن يزيد بعد ؟
امل : انزين شو بنسوي كيف نصلح القصه ؟
توم : ردي له شغله وحقه وخليه يدفع لك الفواتير لانه غير كذا ما بيرضى
امل : مو موضوع فلوس انا بس كنت مابا يروح السجن لانه انفصل من شغله ولو يدرون عليه فواتير كان اشتكوه
توم تتنهد : هو بس يهدى بنعرف شو نسوي بس جاد ممكن تروح عنده داخل ؟
امل : مو متطمنه انا روح شوفه لو سمحت ؟
جاد يروح : طيب اصبروا