خواطر

وحشتيني يا أمي

أمي
وحشتيني يا أمي ومهما قولت
مش هاقدر أوفيكِ حقك
أمي هي رمانة الميزان
اللي لما كُنت بميل
تعدلني وتعلمني تمام
أمي
علمتني الصلاة والصوم
وازاي أقول أذكاري
أول ما أقوم م النوم
أمي
وحشني صوتك قوي
وحنيتك عليه قوي
عارفة إمبارح عرفت أن
أم
صاحبتي ماتت
سكت شوية مع نفسي وقولت
آهي خلاص ارتاحت
راحت للناس الحلوة اللي سبقونا
راحت وسابت الدنيا بقرفها
أمي
مش عارفة اقول عنك ايه والا ايه
بس اللي حساه قوي إني محتجالك
محتاجة اسمع صوتك قوي
أشوف ضحكتك بالقوي
كل حاجة عندي راح خيرها
عارفة ليه
لما انقطع دعاكِ
لما باب السما اتقفل
فين يا امي نداكِ
فين صلاتك في قلب الليل
فين وفين
غلاوتك عندي يا أمي أنا عُمري ما انساكِ
هافضل لآخر عمري اترحم عليكِ وافتكر دعاكِ
أمي
خلي بالك مني عارفة
انك حاسه بيه وبهمي
عارفة اني ما بروحش من بالك
عارف وحاسة وبشوف دة في أحلامي
عارفة انك في مكان حلو قوي
وربنا يجمعني بيكِ في الجنة يا أمي
#Rehab