ترانيـم ــ ( طريقي في الحياة )

البارت 4

هلا وغلا حبايب 💕 اعتذر ع التأخير .
///// البارت الرابع /////
#بقلم_الكاتبة_شمس
( شمس السعـدي )

********* #ترانـيــم ***********

دخلت بعدهم ..
راح لغرفة جدتو بالاول ..
اسمعو يقلها .. يمة اني اجيت ..

-هلا يمة هلا يبعد طوايفي كلها .. والله ليل ونهار ادعي الشوفتك انت واخيك ..

طلعوا ام عدنان وابو عدنان ..
ع غرفة الجدة ..

قحطان .. يابة ترى اني اغار .. ترى عزيزان اخذ حتى معزتي ..
سلم على اهلة وباس اديهم ..
ملكية .. ولكم ليش هو اكو واحد مثل عزيز باراني لمن انكسرت .. على اجتافة يشيلني جان ..
عزيز .. الله ينطيج الصحة والعافية ..

نزل علي وسرور وعدنان ومرتو ..
كلهم سلمو عليه ..
الكل تجمع بغرفة جدتهم .. بقيت واكفة مااعرف شنو اسوي او اصعد واتركهم عائلة بينهم يشبعون منه اكثر من شهرين بعيد عنهم حقهم هيج يشتاقولة ..

كانت ابتسامتي واضحة لفرحتهم .. حتى عيوني امتلو دموع ..
مااتحملت وردت اصعد ..

الجدة… تعاي يمة تمارين ليش واگفه هناك .. هم انتي من اهل البيت وبنيتنا .

الكل ضحك لان قلبت اسمي ..
سراب .. مالگيتي الا هذا الاسم جدة ..
علي .. تمارين رياضية ههههههه ..
قحطان .. كافي ولكم ..
تعاي بنيتي اگعدي ..
كان عزيز يدحق فية بخلسة ومبتسم ..

الجدة .. اعذريني يمة اسمج انساه ..
ترانيم .. لا جدة اي اسم تقوليه انا راضية ..
الجدة .. يمة فدوة للسان المعدل .
ام عدنان .. يمة عزيز متعشي ..
عزيز .. لا والله جوعان .. گلت السراب سويلي عشا
سراب .. يا نسيت من الفرحة سودة عليه .. دقايق والعسا جاهز ..
الجدة .. روح يمة اسبح وبدل وتعال يمي هنا اتعشى خلي اشبع من شوفتك ..
علي .. معناها احنة سيسنا خلوني اروح انام احسن ..
قحطان .. يلة بوية گوم ارتاح واسبح والصبح نكمل سوالف ..
عدنان .. صدگ شناوي تسوي يعني باقي لو راجع ..
عزيز .. طبعا ارجع .
عدنان .. والبنات يبقن هنا ؟؟
عزيز .. ليش مأذيات احد ..

من سمعت كلام عدنان طلعت ورى سراب ..
قحطان .. مو وكت هالحجي يله اخذ مرتك واصعدو نامو
قعدت بالمطبخ وسراب تقطع اللحم. حتى تشويه ..

سراب .. تري حبي بس طلعلي طماطة اريد اشويها ..
قمت للثلاجة. فتحتها .
تفاجأت بعزيز مد ايدو واخذ مي يشرب ..
وعينو عليه ..

الحمد لله .. شبيج صاير شي ..
ترانيم .. لا ابدا ..
-احد سمعج كلام بغيابي ..
-لا بالعكس الكل مخلينا ع راسو .. وضيافتهم حلوة ..
-لاتهتمين العدنان .. هو هذا طبعه ..
-بلعكس ماقال الا الصح . انا منتضرة ترتاح واتكلم معك بهذا الموضوع ..
-طبق حواجبو وسأل بأستغراب .. شنو الموضوع ..
والا اگلج .. خلي اسبح وارتاح وانزل ..

صعد وانا بقيت بالمطبخ ..
كملت سراب الاكل .  واخذتو الغرفة الجدة .
نزل عزيز على غرفة جدتو ..
سراب .. تعاي هناك نگعد يم. جدتي ..
ترانيم .. لا انتي روحي انا راح اطلع اشم هوا ..
سراب .. بس لاتبعدين لان بالليل اكو جلاب وخاف يركضن وراج .
ترانيم .. هههههه لاتخافي .
كان بيتهم يطل على بستان مفتوح خاص بيهم.   هو مو كبير لكن مرتب ويفتح النفس ..