ام نهى.....وصلت لبيت ام ريم والله مالي
نفس ادخل بيتهم مااحبهة لاهية، ولا بنتهة.
بس..شأسوي مجبورة.....قابل .اضيع حسام. ..
من أيدي علة مودهة...دكيت الباب...
ام ريم...منو....
ام نهى...اني افتحي خية اني جيرانكم ام
نهى.....
ام ريم...هلة ،خية، هلة ادخلي ليش واكفة. عل الباب.....زارتنة البركة حبيبة....
ام نهى...بالمهلي..حبيبة شونج اخبارج.
ام ريم...الحمد لله تفضلي اكعدي ليش واكفة....
ام نهى..زاد فضلج دادة....جنت رايحة للخياطة....وكلت بدربي اجي اشوفج.
ونكعد نسولف من زمان مشايفتج..حبيبة
ام ريم....هلة بيج والله فرحت بجيتج....
ام نهى...تسلمين يالغالية .اكول لعد وين بنتج شو ماكو....اريد اسلم عليهة....
ام ريم....والله ريومة طلعت وية صديقتهة
سارة....
ام نهى....هاا قصدج بنت ام حسام جيرانة مو.....
ام ريم...اي هية.....والله بنية حبابة....
ام نهى....اي صدك...بس اخوهة عكسهة..
ام ريم...يا..ليش...بالعكس اخوهة ذهب..
وااخلاقة عالية كلش....
ام نهى...خية انتي نايمة ورجليج بالشمس
لج يااخلاق حبيبة اصلا...ولد فاسد....وموت
امة ، قهر، اسأليني اني عليه دائما امة تشكيلي ......
. وتكول موتني...يومية جايبلهم مصيبة
وفضيحة شكل....
ام ريم....يااا شجاه تخبل....
ام نهى...اي حبيبة الفلوس تفسد النفوس.
مو .بس هيج حجي،، بيني وبينج سمعت يكولون،، بيه طبع يابنية الي؟؟ يشوفهة....وتعجبة...يضحك عليهة وياخذ
الي يريدة ويشمرهة مثل الحيوان حشاج.
ام ريم...يا ساتر استغفر الله.....هذا مو بشر
هذا حيوان....
ام نهى....اي والله اني مقهورة علة امة
اموتهة....بس ماتنطي بيه كدام العالم
مسويتة..نبي...خية بس اني اعرفهم...
ام ريم.....والله يادادة شااكولج همزين
خبرتيني...المصيبة بنتي تروح يمهم والله
بعد مااخليهة....لو تموت...
