البارت الثالث عشر
في صباح يوم جديد
عشق و هي تتحدث في الهاتف : اسد ياريت اشوفك لحاجة ضروري
اسد بقلق : في اية
عشق : حاجة مهمة قولتلك لما اشوفك هتعرف
اسد بعصبية : في اييييية متقلقيش اهلي و تقولي هقولك اما اشوفك
عشق : في اية يا اسد عايزة اشوفك هقولك علي حاجة اعتبر انك وحشتني يا سيدي سلام
اسد : اما ارنلك انزلي سلام
اغلقت الهاتف و خرجت من المنزل بهدوء و صعدت الي الدور الخامس و ضربت الجرس عدة مرات لتفتح تلك الفتاه الجميلة و هي تتثائب فهي زيزي تعمل راقصة مشهورة و لا حد يحدث في المنطقة غير خيرية و اولادها و زوجها المرحوم
عشق بحرج : لامؤاخذة يا ابلة زيزي صحيتك
زيزي و هي تفوق : عشق ادخلي يا حبيبتي واقفة لية
عشق و هي تدلف : متأخذنيش يا ابلة زيزي انا عارفة ان دا ميعاد نومك لكن انا لولا ما مش عارفة اتصرف كنت مأزعجكيش
زيزي : متقوليش كدا يا عشق دا كفاية جمايل عم دياب الله يرحمه اقعدي يا عشق
عشق هي تجلس : و الله يا ابلة محتاج فلوس سلف
زيزي : اؤمري يا حبيبتي عايزة كام
عشق : هو هو مبلغ كبير شوية بس و الله اول ما اشتغل هردهولك علي طول
زيزي : ما تقولي يا بت
عشق : خمس الاف جنية اصل انا بعت الدهب بتاعي ايام موت بابا عشان ادفع ايجار البيت و مصاريف البيت و كدا و لما ماما سالتني منين الفلوس قولتلها اني كنت عاملة دفتر توفير بس لما اتخطبت خطيبي....
زيزي : انتي اتخطبتي؟
عشق : ايوة بس لسة محدش عرف فلقيت خطيبي مرجعلي الدهب و انا عايزة ارجعله الفلوس
زيزي : طيب خليكي هنا ثانية و جيالك
لتذهب زيزي و تاتي بالمال و تعطية لعشق و هي تقول : ما قولتلك تيجي تشتغلي معايا دا انا باخد في الليلة اكتر من الفين جنية
عشق : معلش يا ابلة اعفيني
ليرن هاتفها لتستعجل في النزول الي الاسفل لتجد اسد يجلس بالسيارة و علي وجهه علامات القلق لتذهب و تصعد بجواره
عشق بهدوء : ازيك يا اسد
اسد : و الله هبقي كويس لو قولتي في اية
لتخرج عشق المال من حقيبتها و تقدمهم اليه تحت تسال اسد : اية دا
عشق : دول يا سيدي 10الاف جنية
اسد باستفهام : بتوع اية
عشق : بتوع الدهب اللي انت رجعتهولي امبارح
أنت تقرأ
حب بعد الاستئناف (عشق الاسد)
Romanceكانت تحبه و هو اختفي كونها صغيرة رغم حبه لها ماذا ان التقي بها في ظروف اخر و كان هو ضابط قضية مقتل والدها فهل سيستأنف الحكم و تكون له عشق الاسد
