_ليس لي ذنب _
بقلم: نور المنصوري ...
تجري الأيام بسرعة كبيرة وكأنها في سباق وابقى على أمل بأن يعود يوما حاولت ان أبتدي بداية جديدة لكن لم اتوفق بذالك
فالبدايات هي فقدان ذاكرة .
اردت أطوي الماضي كي أعيش لكن كانت كذبة ارددها علئ نفسي
لذا استسلمت الانتظار .عسى ان اراك مرة أخرى .
ماما ماما ....
شنو شرايدة نور .
نور :ماما انشاء اللة راح أصير دكتورة .
ام نور:صدك واللة مو أبوج دكتور لو اخوانج اصلا انتي اول وتالي
راح تروحين لبيت زوجج .
نور: ماما مو شرط بابا دكتور علمود اطلع مثلة شنو عامل وراثي
ام نور :
لا مو عامل وراثي بس الأبناء يشوفون أهلهم ويطلعون عليهم
نور :
ماما شنو هل تفكير موسى «ع».كان نبي وأعلن الإسلام. بس ابنة
بس ابنة كان اول المعارضين آلة .وكذالك النبي يعقوب «ع»
يعني نادرا الأبناء يطلعون على أهلهم
ام نور:
واللة تالي عمري بنتي تعلمني تروحي دوختيني .
نور:
واني مقهورة كلش من حجي ماما .وحاولت انو ما انزل دمعة من
اعيوني بس ما كدرت نزلت لا ارادي فرحت لغرفتي واني مدنكة
فا ما حس الا واني انصدمت با خوي محمد .
محمد:
نور حبيبت أخوها اشبيها حظنت محمد واني كلش مخنوكة حتى من نفسي واللة تعبت يمتى أخلص من حياتي ليش محد يحس بية وباحلامي
يعني اني بشنو أفرق عن البنات الي تحلم واهلهم يساعدوهم
أهلي ليش هيج العالم تطور و دموعي تنزل .
محمد:
رفع رأسي ليفوك و حاول يهديني نور اترجاج لاتبجين واللة جاي
تكطعين كلبي امسحي ادموعج وبعدين لا تنقهرين المفروض تريدين
قوة من هل كلام حبيبتي كل سلبي حولي إلى ايجابي علمود يتحقق حلمج واني وياج لا تخافين .
ما أحس إلا بشخص عضني من كتفي بس عضت شخص
صغير وبعدها اجة كدامي وباسني
.عمة.لاتبجين ترى أبجي وياج هسة واللة .....
ضحكنة كلنة .هذا كرار ابن اخوي محمد بس كلش حباب وأموت
علية طالع على ابوه
فديتهم بس همة الي يهونون علية دائما .
محمد :يلا روحي امسحي ادموعج لأن صرتي كلش محلوة صايرة
اوفر.
نور:
محمد وضربتة على بطنة بس بهدوء .
محمد :
قبل لاتروحين اكلج من اتصيرين دكتورة مو تأخذين مني افلوس العلاج .هاااا ترى اموتج .
نور ::اممم افكر لا بس بمكان الافلوس اريد اتجيبلي بقلاوة
محمد:: عيوني الج ابو جاسم والبقلاوة كلهم أجيبهم علمودج
تدللين.
نور::
شكراا اريد بس الابقلاوة شسوي بابو جاسم شايب .ههههة
صعدت لغرفتي علمود احاول انو أفكر بايجابية مثل ما كلي محمد.
وبديت أتخيل اشلون من أحقق حلمي واهرب من حياتي الي اني عايشتها هسة.
وبديت ارسم بمخيلتي مستقبلي لان لازم اني الي ارسم مستقبلي
مو شخص ثاني بدون ما أطلب من اي احد انو يساعدني
ولازم اساعد نفسي بنفسي...
YOU ARE READING
-ليس لي ذنب -
Short Storyمازلت أسعف أحلامي المختنقة. وأجري لها تنفسأ صناعيا .وأحد اهم أحلامي التي اريدها أن تصمد هي (أنت) نعم أنت ... أفتقدك لدرجة حلم الوظيفة ...حلم السفر ...حلم التخرج كلها أحلام تقليدية. لاتعادل حلمي بلقائك ولو كان صدفة ..
