البارت العاشر
واول ما اتجهت باتجاه الطريق الي عليه ورد انتهي الطريق فاول ما بصت قدامها بكت من كتر الفرحه وحمدت ربها انو فعلا عوضها براجل عاوز يهنيها ويسعدها وهي بتبكي لقت حد جه من وراها وحضنها ولفها ليه ومسح دموعها وقال : اوعديني انك متبكيش ابدا نسمه انا بحبك بصراحه مش عارف اذا كنتي بتبادليني الشعور او......
سكت لانها وضعت يدها علي فمه وقالت :وليد انا اه كنت بعاملك زي اخويا بس لما اتعاملت معاك اكتشفت انك راجل بجد انا بردوا بحبك ربنا يخليك ليا
وبعدها شالت اديها
وليد :وانا بعشقك والله وربنا يقدرني اني اسعدك
نسمه بخجل :تسلم
يحيي :خلي الخجل دا لكمان شويه انتي لسه شوفتي حاجه 😉
ريتاج بغيره : انت بتغمز ليه وعلي فكره انا واقفه ولا اقولك انا ماشيه سلام
وليد بغيره : هو انا كيس جوافه هنا واتلم يا ولاه احسن ما اسكنك القبر قريب وروح شوف خطبتك الي زعلتها يلا غور
يحيي راح يجري ورا ريتاج
---------------------------------
وليد قعد علي ركبته وقال :نسمه انا بجد بحبك تقبلي تكوني شريكه حياتي وكل دنيتي
نسمه :بدموع : موافقه
لبسها الخاتم وقام وقف ومسح دموعها وقال : مش عاوز اشوف اللؤللؤ دا علي خدودك تاني
نسمه بخجل :حاضر 😳
وليد :لا اوعديني 😍
نسمه : اوعدك 😍
بعدها قعدوا في المكان دا وهما بيبصوا للموج
-----------------------------
عند يحيي
مسك ريتاج من اديها ولفها ليه لقها بتعيط
يحيي :تؤ تؤ دموعك اغلي مني بلاش عياط وبعدين لو انتي غيرانه قوليلي وانا اغمزلك بدل الواحده عشره😌😍😉😘
ريتاج : متغمزش لحد تاني انت فاهم
يحيي :تمام افندم اي اوامر تانيه😌😉😍
ريتاج😂😂😂
يحيي بهيام :الله حلوة اوي كانت فين دي
ريتاج : عند ام فاروق
يحيي : عند بيت ام فاروق والشجره ترحت برقوق هاي هاي واللي بحبه طلع مجنون 💃🏻💃🏻💃🏻
ريتاج :انا مجنونه طيب
يحيي بدلع :ابعدي عني يا متوحشه
وقعد يجري
وراح عند وليد ونسمه وريتاج بتجري وراه راح وليد وقف عشان يوقف الاطفال دول
لقاه يحيي يستخبه وراه وبيقول :جيت في وقتك يا حبيبي الحقني حتموتني
وليد :حبتك حيه يا بعيد انشف ياض يخرب بيتك انا رايح اقعد قال ادافع عنك قال انشاالله يا رب تعرف تربيك
وراح وليد قعد جمب نسمه الي بتابع بهدوء وبتتسم علي افعال يحيي
وليد بغيره:عجبك اوي صح
نسمه بحب :ويعجبني ليه انا عندي الاحسن منو
وليد 😉: الله الله كان فين الحب دا كلوا
نسمه بخجل :موجود بس انت مش بتلاحظ
وبصت نحيه ريتاج وهي بتجري ورا يحيي وبتضربه فوليد هو كمان بص وفجأه وهي بتضربه زقها في البحر اتصنعت انها بتغرق مع انها بتعرف تعوم
نزل بسرعه عشان يساعدها راحت منزله راسه في المايه بس هو شالها لفوق : بقي بزمتك تقدري تعيشي من غيري افرضي اتخنقت ومت
ضربته ريتاج علي كتفه وقالت :بعد الشر عليكي يا مديحه دا انا حتي بعشقك يا ختي
يحيي بجديه :ريتاج مش بحب الاسم دا انا اه بهزر واكمل بحنان عشان اشوف ضحكتك بس تقوليلي دي تاني بجد حزعل
ريتاج :انا اسف..
وقبل ان تكملها قال :انا مش بقولك كدا عشان تتاسفي
ريتاج وقد ادركت وضعيتهم قالت بخجل :طيب اوعي بقي كدا ميصحش
يحيي :طيب بس في مشكله
ريتاج :ايه هي
يحيي بغيره :حتتلعي ازاي دلوقت وهدومك حتمسك في جسمك وكدا وليد حيشوفك
ريتاج : طب اعمل ايه
يحيي :تفضلي في المايه وانا حطلع لوليد واخده ونمشي علي ما هدومك تنشف وتقعدي مع نسمه فاهمه
ريتاج :فاهمه يا سي يحيي
يحيي :ايوة كدا بنات مش بتيجي غير بالعين الحمراء
ريتاج :طيب يلا عشان كدا حبرد والمايه تلج
طلع يحيي واخد وليد ومشوا بعيد بس مش اوي عشان يبقوا جمبهم بردوا وريتاج طلعت
بعدها بمده هدومها نشفت والعشا اذنت طبعا هما عاملين حسابهم وجايبين حاجه يصلوا عليها ووليد حدد علي تليفونه جهه القبله وصلوا وبعدها راحوا الكوخ الي يحيي ووليد عملوه واخدوا منه العاب ناريه وفضلوا يلعبوا وبعد ما لعبوا
وليد :يلا بينا يا نسمه
نسمه حنروح فين طيب وريتاج ويحيي
يحيي :وراكم
فضلوا يمشوا لحد ما سمعوا صوت اغاني
وفي قلبين معمولين بالورود والشمع منور وكل ثنائي دخلو جو قلب ورقصوا علي اغنية
انا بعشقوا لشاهيناز
وكانوا مبسوطين جدا
بعد ما الاغنيه خلصت قعدوا شويه صغيرين وبعدها روحوا عشان يناموا
--------------------------------
في مكان اخر
.....:اه سيب شعري يا حيوان
وجدت صفعه قويه منه
حسام :مين دا الي حيوانن يا قليله الحياء كل شويه ماشيه مع واحد شكل وتقولي عليه الكراش بتاعك يا بت افهمي بقي عمايلك دي مش بتجيب عرسان بتجيب ناس مستغلي وبيحبوا يتسلوا ولبسك دا يمكن يجيب عريس اه بس اللبس الواسع بيجيب راجل افهمي بقي بتفرق يا اختي قال كراش قال
نرمين ببكاء :طيب اعمل ايه انا نفسي احب واتحب ومش ليا في جو الصالونات
حسام بحنان :اسمعي كلامي والله انا بحبك وخايف علي مصلحتك
نرمين وهي تضمه : حسام ربنا يخليك ليا بس مبقاش ينفع الكلام دا انا سمعتي دلوقتي في الارض
حسام :تقومي تزوديها لا انتي لو اتغيرتي الناس اه مش بتنسي لحد حاجه بس حيقولوا انها كانت طايشه وفهمت دلوقت مش افضل من ان تبقي سمعتك علي طول في الارض
نرمين :حتساعدني
حسام :حاضر يا نرمين بس تسمعي الكلام ماشي واخر مره اشوفك ماشيه مع حد واذا كان مش عشان خاطري او عشان خاطر الناس يبقي عشان ربنا سبحانه وتعالي ودينك كمان ماشي يا حببتي
نرمين :ماشي
حسام : ابشري
نرمين :خير
حسام : حنعيش كلنا سوي في البيت وفي ايام ممكن نروح كلنا الفيلا الي في اسكندريه
نرمين :طيب ونسمه
حسام :عرفت كل حاجه
نرمين بخوف : وبتقولها كدا عادي
حسام بفخر :نسمه اضعف من انها تعملنا حاجه متخفيش
ويلا ادخلي حضري هدومك وصحي اخوكي وماما عشان يحضروا الشنط
خالد فجأة طلع من الاوضه واول ما شاف نرمين كان عاوز يضربها بس حسام وقف قدامه :حسك عينك تمد ايدك عليها هي مش غلطت هي مش لقت حد يوجهها شايفه امها مع جرانها عامله ايه واخوها بيشرب حشيش
خالد بصدمه :انت ...
حسام : ايوة عرفت اوعي تكون فكرني نايم علي وداني لا يا اخويا فوق كدا انا مراقبك وعاررف اننت بتعمل ايه علي العموم انا مليش كلام معاك ابوك هو الي حيتصرف معاك
خالد :تصدق انت بارد وفضل يضرب فيه وبعدها خبط دماغ حسام في الحائط ادي الي سقوطه مغمي عليه وينزف بكثره
نرمين بصراخ :حسااااام
......يتبع
يا تري حسام حيحصله ايه
حيموت ولا لا
بقلمي /بسنت احمد
ممكن تتفاعلو وفوت وكومنت فضلا وليس امرا
شكرا جدا للمتابعين ♥♥
لاف ليكم بجد شكرا جدا♥
