🔪شمكارة زووهرة 🔪 (مكتملة )

البارت 32

غير شفتو نهض عليا وأنا نرجع كوريا لور حيت باينة في عينيه مكيضحكش وباينة كيهدنني باش منعاودش نفس الخطأ مرة خرى بقيت واقفة في بلاصتي ورسمت الأبتسامة مزيفة يعني الأبتسامة صفرة باش منعيقش قدامهم

حتا شفتو تاني شار ليا بعينيه باش نسلم علي مو مشيت عندها حتا هيا مطيت ليها أيدي ولاكن مني شافتني مطيت ليها أيدي جراتني عندها وعنقاتني وبدات كتهدر بواحد اللغة مفهتهاش باينة كلهم كيهدرو باللغة ديالهم يعني اللغة ديال لبرازيل مني صلات من التعناق بانت ليل بدات كتشوف في أيدي لي مهرسة وباينة من عينها مستغربة وهيا تبدا تاني كتهدر معايا معرفتها أش كتقول لي عرفتو من عينها باينة كتسولي علي شكون دار ليك هكا مني فهمتها بديت كنشوف فيه زعمة أش غادي نقول ليها ولاكن ولد لحرام سبقني و معرت أش قال ليها باينة كدب عليها شي كدبة من كدوب ديالو حيت مني سالا درت عندي وبتسمات ليا وهزت أيدها وحيدت منها واحد الخاتم

وركبتو ليا في صبعي وهيا فرحانة قال ليا بلي هاد الخاتم متوارت عندهم في العائيلة ديالهم كل كنة كتعطيه لكنتها جديدة

جلسات فوق الكرسي وجرتني باش نجلس حداها وأنا غير نسايس معاها ومديرا معاها الخطر شوية عيطات علي واحد الخدامة من الخدم لي كانت هزا بزاف ديال الهديا وعطاتهم ليا

قالك حگا ما حگا لكدوات ديال الزواج وقالك حگا خاصنا ضروري نديرو عرس كبير حيت مجاتش ميحتافلوش بلولدهم الوحيد لي عندهم في العائلة وبان ليا فرحو بزاف مني قال ليهم بو ندبة بلي راني حاملة طارو بالفرحة بحالي غادي نولد ليهم وريت العرش ولا مول الساعة الله يعطيهم الدل عصبوني الصراحة بقاو كيهدرو وأنا كنشوف فيهم ومحملاش راسي نكون وصطهم حيت هاد الناس ماشي من سهمي وحتا أنا ماشي من سهمهم أش جابني وأش داني حتا نكون وسطهم براكة عليا غير لبرارك وبيوت القزدير ولعروبية ولخلاوات باينة مغاديش نولف علي هاد الجو وهاد الرفاهية وهاد الغني وهاد لخرى راه قالك ألهم الزلط ولا زواج القهرة