جبروت الحنين

44

جبروت الحنين
نورا ناصر ..

جبروت الحنين
بارت ٤٤
نورا ناصر

عدت تخترقني بتلك العيون الخجلة
يالوقاحة الهوى
لن أصاب بك هذه المرة
حصنت القلب
وحوطته بجراح السنين
ما عادت أحتمل المزيد من الخيبات
ما عاد فيّ مكان لجرح أخر
صرت انزف احلاما واهات
أملني الليل من سهاد
وما عدت أتذكر رقاد
لن أحلم بك بعد الان
لن ارسمك شمس تولد منها ايامي
لن اصوغ لك من نجوم الليل قلادة
سأمضي الى الافق البعيد
الى اللاوجود
وأستبدل الشعور باللاشعور
أتعبني الاحساس بالاشياء
مللت توالي الخيبات عليّ
أتعبتني نسمات الهواء
أرهقتني دقات قلبي الساذج
سأقتل الغد
قبل أن يأتي أليّ بخيبة جديدة
وأحمل رفاته وأرحل ...

**************************

عيوني بعيونه يباوعلي بعتب والم واباوعله بقهر ملئ روحي ..

سحبت ايدي منه وميلت جسمي اريد افتح الباب واطلع ، انهزم خايفة منه ،  بسرعة قفل الباب وسحب المفتاح وشمره..

جر نفس بقهر وبلع ريقه بوجع
بنبرة الم كال ؛ انخطبتي ؟ شلون انطاج قلبج ولمنوو ؟؟

وضرب ايده بقوووة على الحايط ..

جان الدمع يتراقص على اطراف رمشي ، بلحظة صار على خدودي ..

جان قريب مني كلش ، رفع اصابعه ياشرلي وعيونه عليه
كال ولج سنتين انتِ ماكو يمي ماخنتج بنظرة بمسج بمكالمة ابد ابد مكتفي بيج حتى وانتِ بعيدة عني ..
اشتاقلج بكل لحظة واتذكر ايامنا اغفى على سوالفج مانسيت شي منج تروووحين تتزوجين ليش ولج ليييش  ..

اني ساكتة واباوعله كمل كلامه ؛ ما صدكتي تردين رجل ومايرف الج جفن لو ميت همين تزوجين اخووي لان قبلتي بصديقي تقبلين بااقرب الناس الي ان شاء الله يومكم قبل يومي ..

فتحت عيوني بصدمة تمتمت صديقك ؟

اجه ضرب الحايط وراي وكال لج اي صديقي
حسيته حينفجر من العصبية ..

كورت قبضة ايدي واستجمعت شتات قوتي واتخليت عن الخوف شيريد يسوي قابل لازم ارده ..

صيحت بوجهه :  اي اتزوووج مالك شغل لا عبالك ارضى ببقايا رجال مثلك اليتهم مرته باطل مو رجال
ترى الرجوله مو بالفراش ..

تقرب مني ولزمني من فكي بقووة بيد وحدة وعصر خدي ..
كال ؛ تردين تحركين رجولتي واغتصبج اعرف غايتج بس تفكيرج منحرف لا تكعدين تسوين دراما ...

انصدمت هزيت راسي ملصت نفسي منه
جاوبته ؛ ...لا والله هذا مو تفكيري انت واحد تفكيرك شاطح

كال ؛ .بابا رجال وغصبا على الخلفووج وتطلكين تطلكين وراح اثبتلج ان الرجوله مو بالفراش بالافعال...