وفي ليلةة دخلتي ....؟!🔞🔞

البارت 17

عيدد سعيدد وكلل عام وانتوا بالف الف الف خير يارب الي ممرتاح بحياته تكتبله الراحه والي مرتاح تدوم عليه نعمته وينطيكم الصحه والعافيه والتوفيق والغفران ...💘🐥

كملواا البارت للاخير سويت عليه تعديل ونزلتلكم تكمله كمفاجأه مني 💜💜

بهالاثناء دك موبايلي انمار وموعادته يتصل ابد هيج وقت وخاصه هو بعمل مهم ...

رديت ...

كال وردة ليش تكذبين ياحقيرةة ...

واني احس كلبي وكع ببطني خرطت العافيهه بعد حته مااكدر احجي لساني انشل  ...

كتله شنوو ...

_دااكلجج ليششش ليش تكذبينننن ليش كذبتييي عليه ...

_ماكذبت عليك اكيد انت فاهم غلط فهمني حته افهمك ..

_صديقتج الي رحنا لبيتهم سألت وطلع مو هذا بيتها لان هذا بيت رجال منفصل صارله فترة وعايش لوحدةة ...

_عزاا بعينك خو ماكلت لواحد هو متزوج ...

_شنوو ...

_لكك هذا جان متزوج قبلها يعني اكيد عمرة ب 45 هاي مو اول زواج اله مشفت اولاده شلون كلش صغار ...

وانفصلوا واتزوج هاي شبه باالسر يعني الاغلب ميعرف عنه ...

_شهالافلام الهنديةة ماتكليلي ...

ليش مسولفتيلي كل هذا بس اني غلطت من انطيتج مجال وقبلت ان تسافرين مو صوجج صوجي اني ...

وكتلج سابقا وارجع احذرج قسما بالله لو شميت خبر غير سالفه بالموضوع لأطلعج من تحت الارض واذبحج بلحضتها وميرفلي جفن ...

_اوهوووووو كااافي عاد لااسافر ولاصخام  حته السفرة كرهتني بيهاا ...

"اتمنيتةة مايلح عليه ويكولي اوك لاتسافرين وابطل مااسافر لان فعلا اترددت جدا وصار نسبه رغبتي بالهروب حوالي  20% فقط ....

_بعد احسن لتسافرين اني اصلا ما مطمئن لهالسفرة ارتب وضعي كم يوم ونسافر كلنا سوا ....

_ماريد لا وياك ولاوحدي ولا كلنا خليني اكرب بالبيت هاهيةة ....

_حبيبتي يا عمري والله من حرصي عليكم وخوفي واهتمامي وحبي مداكدر افارككم والله ...

وداعتج وداعت بناتي مداتروحون لحضه عن بالي ديصير عندي هووس ...

_اوكك يالله باي ...

_اوكفي لحضه ...

_نعم ...

_مراح اكلج اذا تحبيني لان ما اعتقد تحبيني بس راح اكلج اذا تحبين بناتي ...

ما عندي وقت ولا بيه اعيد الجمله  اكثر من مرة سمعيها ولتعاندين فدوة ...