في ذاتي سجن الحبيب و غياب الأم( بالهجة الجزائرية)

الحلقات46\47\48\49\50

الحلقة 46
*ضيعت عام تع القراية بسك كنت مع الكونطرول تع طبيب و راكم تعرفو صعيبة من جزاير تولي تقرا عندهم في باريس بصح كنت نجوز الوقت مع عمتو فراح في حانوت تع حوايج لي عندها و منداك كنت نروح مع سلفستر لشركة؛ايه دوك نولي لواحد نهار روحت مع سيلفستر لشركة حبيت نتعلم شويا بلاك منا للقدام نخدم في هد الميدان بسك نحب نسير شركة من صغري كان حلمي.
[بلا متنساو سيلفستر يتكلم بالفرنسية ].
سيلفستر:واش وليتي تحبي كل يوم تجيء هنا عجبك الحال ؟؟
سرين:وي نحب شركات سيرتو كي أنا نكون مسؤولة و نسيرها.
سيلفستر:باينة هدا واش راني نشوف؛شوفي اليوم نعرضك واحد رستورون تحلي عينيك ماشي كيما لي موالف نروحلهم هدا tres سبسيال.
سرين:أوكي دوك نشوفو هد سبيسيال هههههع(yummi).
*لحقت لواحدة هكاك خرجنا أنا وسيلفستر و داني الواحد غستوغون صح و الله كيما قال سبيسيال واحد ضوء واحد ديكور و الله في حلمي و ماشفتش كيفو كلش كلاس.
سيلفيستر:عجبك ياك.
سرين:شباب بزاف (inlove)(inlove).
سيلفيستر:هههههه كنت علبالي.
سرين:و الله مرسي بزاف شباب.
سيلفيستر:دوك زيدي دوخي كي تذوقي المأكلة.
سرين:والله زيد كمل عليا (teeth).
سيلفيستر:ايه حبيت نقولك حاجة و هدي 5شهور و هي في قلبي.
سرين:اسمع متكملش عليا ههههههه(happycry).
سيلفيستر:حاجة شابة متخافيش نتمنى تعجبك.
سرين:أوكي هههه.
سيلفيستر:واش رايك لوكان نقولك تعجبيني!!!
سرين:هههههه واش رأي ههههههه منعرف.
سيلفيستر:إيمل نقولك تعجبني بزاف حبيت تعطيني فرصة معك.
سرين:متمسخرش كامل هد المدة معندكش واحدة.
سيلفيستر:وي واحدة مدخلت لقلبي صح في عمري 25 سنة بصح عندي غير صديقات واحدة مراني منتيرسي ليها.
سرين:بصح مراكش تشوف بلاك أنا صغيرة في عمري 17 برك.
سيلفيستر:ههههههه وراه المشكل 17 و أنا 25 نجيو ثنائي شباب بزاف.
سرين:و الله معلبالي سيلفيستر ديجا تلفتهالي ههههه خليني نأكل وكلش ساهل ممبعد.
سيلفيستر:روحي برك علبالي المأكلة تعجبك و تعطيني جواب شباب (yummi) .
سرين:ههههه مهبول.
🌹الحلقة 47
*ايه جاء وقت نولي لليسي نقرا بصح راكم علبالكم هنا في باريس عند عمتي ،جاني اليوم لأول بيزار غير أنا من الجزاير بصح حمد لله يومي لأول و لقيت طفلة تونسية(نهاد) ونستني و محسيتش روحي غريبة (yummi).
نهاد:أنتي من الجزاير ؟؟
سرين:نعم من الجزاير و نتي تونس أظن.
نهاد:نعم بحب الجزاير برشا و حتى نتي اسمك يهبل سرين (wink).
سرين:مرسي نتي جديدة هنا مثلي ؟؟
نهاد:عندي شهر ملي جيت هنا بابا عندو مهمة و عمل هنا.
سرين:أ مليح.
نهاد:ونتي ؟
سرين:كنت مريضة درت عملية و وليت ندرس هنا.
نهاد:أسكتي برك أنا و الله تهنيت كي جيت هنا حتا ننسا مشاكل لي كانوا عندي في تونس.
سرين:خير برك واش من مشاكل ؟؟
نهاد:حكاية متخلاصش واش رايك نعرضك نشربو jus و منها نتعرفو و نحكو.
سرين:أكيد بصح لازم نقول لعمتي نسكن عندها.
نهاد:موش مشكل براحتك .
سرين:مرسي.
الحلقة48
*عيطت لعمتي  و استئذنت منها باش نروح نشرب jus مع زميلتي جديدة نهاد.
نهاد:شكرا لي قبلتي تجي معيا.
سرين:عفوا نورمال.
نهاد:و الله بابا قطع علاقتي كامل مع حبابتي ،ونتي نتمنى نديرو علاقة صداقة تكون باهية.
سرين:أختي راني هنا نعاونك بصح علاه باباك قطع العلاقات مع حبابتك؟؟
نهاد:بابا رجل أعمال كبير و يخدم في سفارة تسما من بلد لأخر و أنا صرالي مشكل مع شوفور تاعو في تونس.
سرين:كيفاه مشكل؟؟
نهاد:يعني كنت نحب شوفور تاعو و كانت بينتنا علاقة موش كبير عليا ،عندو 6أشهر ملي عرف بهد العلاقة و مكانش راضي بيها و عليها سفرت هنا أنا وبابا و أمي و خلينا أخي في تونس.
سرين:و حبابتك واش دخل تاعهم ؟؟؟
نهاد:كانوا يعاونو فيا باش نشوف شوفور تع بابا كنت نقول لبابا نروح نحوس معاهم و يدينا شوفور تاعو و كي بابا فاق بيا منعني نشوفهم. (sad).
سرين:ممممم علبالي صعيبة و كيفاه دوك ؟؟؟
نهاد:نتمنى ننسا شوفور تع بابا (علي )بسك و الله علاقتنا دامت عام و نصف كيفاه راح ننساه و الله مقدرت 💔.
سرين:و هو حاول يعود يهدر معك.!!!
نهاد:ميقدرش بابا حطلو واحد يعسو و قالو تهدر معاها و تدنا ليها نقتلك.
سرين:مم متقلقيش روحك متفكريش بزاف نفكر و تحاول نلقالك حل يا عمري.
نهاد:مرسي بزاف عرفتك نتي ناس ملاح و باينة في وجهك.
سرين:مرسي حنونة (moa).
الحلقة 49
*دخلت لدار ميتة بلعيا أول يوم تعي في ليسي هنا في فرنسا جاتني غريبة بصح كي لقيت نهاد فرحت (happy)لقيت واحدة راح تكون مونستني في ليسي ؛دخلت لدار كيما قلتلكم مكانتش عمتي بسك باينة راحت للحانوت أنا درت دوش و بعدها درت حليب بالشوكولاتة سخون روعة☕و حكمت تيليفوني لقيت سيلفيستر عيطلي 5خطرات و أنا مسمعتوش راكم تعرفو درت تيليفون silencieux ،ايه ايمل عودت عيطتلو.
سرين:وي سيلفستر ؟؟
سيلفيستر:علاه مترديش ؟؟
سرين:راك تعرف كنت برا خرجت من ليسي.
سيلفيستر:5خطرات و أنا نعيط معليش قوليلي دخلتي لدار ؟.
سرين:وي علاه؟
سيلفيستر:نتعشاو برا ؟
سرين:مع عمتو بسك مكاشها نسنها حتى تجي.
سيلفيستر:نن ماشي مع ماما ،معك نتي برك حبيتك تجاوبني على سؤالي.
سرين:بصح واش راح نقول لعمتو متجيش معنا!!
سيلفيستر :عيطتلها و قاتلي نورمال روحو تحوسو هي متجيش.
سرين:أوكي على قداه؟
سيلفيستر:على ساعة نلقاك واجدة أوكي.
سرين:أوكي باي
سيلفيستر:باي
*علبالكم صح سيلفيستر وليد عمتي و الله يبارك حطة ميخصو والوا بصح كيفاه ندير علاقة أخرى بعد رسيم لي نحاول ننساه و منتذكروش؛بصح معليش ندير خطوة لقدام و هكا ننسا رسيم و كل حاجة مرتبط بيه.
الحلقة 50
*وجدت روحي لبست عادي يعني نورمال و بعدها عيطلي سيلفيستر هبطت و مشينا بسيارة لغستوغون لي داني ليه مرة لي فاتت.
سيلفيستر:فهمتي علاه عودت جبتك هنا ؟
سرين:بسك شباب بزاف هد غستوغون و عجبني.
سيلفيستر:صح شباب بصح أنا جبتك بش المكان لي عطيتك فيه سؤال تعودي تجوبني عليه.
*هبطت راسي و درت تبسيمة خفيفة.
سيلفيستر:ايه واش رايك ؟
سرين:يعني راك مصمم على هد شيء ؟
سيلفيستر:وي مصمم حاب تكوني معيا.
سرين:وي معليش
سيلفيستر:واش لي وي؟؟
سرين:وي نكون معك.
سيلفيستر:يا عمري راني فرحان هدي أول مرة نطلب طفلة تكون معيا.
سرين:هههههه(shy).
سيلفيستر:هيا دوك كولي و خيري واش تزيدي بنسبة ليا هدا احتفال.
سرين:أوكي راح نزيد نخير واش نحب (wink).
سيلفيستر:بصحتك بب.
*كملنا و تمشينا شويا قدام لبحر زهينا قصرنا و الله منكدب عليكم نشوف في سيلفيستر و في قلبي نتفكر يماتي مع رسيم بصح معليش هدي خطوة الأولى بش ننساه ،دخلنا أنا و سيلفيستر روطار مسكينة عمتيي مرقدتش بقات غير تسنا فينا بصح كي شفتني فرحانة عنقتني و مسقستناش حتا وين كنا ؛هدا بنسبة ليا يوم جديد نتمنا الفرح يدوم و تعاسة تبعد عليا يا رب.