صحاني لم وصلنا قال
-حبيبي اصحي
-امم
-يلا وصلنا يا سالي😪.
فتحت عيوني رجع لي شعري من رقبتي لورا وباسني في يدي قال
-صباح الخير.
ابتسمت ليه مسحت وشي بيدي قمت دخلت الحمام وطلت ونزلنا قال
-البيت قريب من المستشفى ح نرجع ارتاحي شوية ونمشي طيب؟
-عدنان انا م جيت علشان ارتاح جيت اشوف ماما كويس؟😊
-سالي يا بت انتي حامل عارفة يعني شنو؟
-اي عارفة لكن من الاساس انا كنت نايمة اساسا.
اتنهد وقال
-تشوفيها ونمشي طوالي؟.
هزيت راسي ومشينا كان السواق منتظرنا ختيت راسي على صدره قال
-انتي كويسة؟.
هزيت راسي باسني عليه ووصلنا ونزلنا كان ماسك يدي دقينا الباب ودخلنا كانت الممرضة بتفطر فيها اول م شافتني دموعها نزلت جريت عليها حضنتها كانت ضعيفة شديد💔قعدت تبكي قلت
-ماما ليه م وريتيني😭💔
-الفيك بكفي بلد يا سالي
-مافي حاجة اهم منك يا ماما😢.
مشت يدها على شعري بعدت عنها عاينت لبطني وقالت
-مش مفروض في التالت؟يعني تؤام؟.
ابتسمت بخجل وقلت
-امم 4.
شهقت وضمتني تاني الباب دق دخل بابا بعدتني عنها وقفت ونزلت راسي عدنان مسك يدي عاينت ليه هز راسه بمعنى امشي ليه
بابا:م ح تسلمي على ابوك يعني؟.
هزيت راسي بﻷ وجريت عليه حضنته وفضلت ابكي قال
-انا اسف💔.
هزيت راسي بﻷ وقلت
-انا الأسفة💔.
بعدني عنو ومسك راسي وباسه ومسح دموعي قال
-م اشوفك بتبكي تاني.
هزيت راسي ودموعي نزلت تاني وبقيت ببكي زيادة عدنان مسكني وبابا طلع وعيونه مدمعة عدنان مسكني من وشي وضماني كنت ماسكة يده وانا ببكي قال
-اهدي اهدي.
هزيت راسي ماما قالت
-تعالي.
قعدت جمبها مسحت دموعي وقالت
-قبل ولداتك بأيام خطيب امك الأول الله يرحمها كان مجنون اتشاكل مع ابوك وكان ح يموته لو م ستر الله بقى مستقصد اي حاجة بحبها ابوك وكان متبعك انتي بس لم شاف تعامله معاك بقى بعيد شوية وقبل 3 سنوات ابوك عقد ليك على عدنان لانو م حد بقدر يوقف قدامه ف خف تتبعه ليك سالي ابوك كان بخاف عليك اكتر من اي حاجة في الدنيا يا سالي💛
عدنان:و قبل فترة لقوه منتحر في بيته علشان كدا ابوك ندمان شديد انو عمل فيك كدا💔.
ختيت يدي على وشي وقعدت ابكي
ماما:عدنان خلي بالك منها انا خليتها ليك امانة صح هي م من بطني بس هي اكتر من بتي خت كل خوفك عليها م تخلي حاجة تصيبها لا هي لا اولادها يا عدنان.
هز راسه وباس يدها باست راسه وقالت
-خلوا بالكم من نفسكم وارجعوا البيت.
هزيت راسي بﻷ قالت
-حبيبتي انتي بتغذي اربعة عليك لو تعبتي ح يتعبوا معاك علشان كدا امشي البيت وتعالي بكرة م الليلة زاتو
عدنان:خالتو نحنا نزلنا من الطيارة وجينا وحتى موية م شربتها
ماما:يا بت انتي مجنونة؟عدنان انت كيف بتسمع كلامها زاتك😬
عدنان:اعمل شنو هي عنيدة شديد.
قلت
-عايزة بابا
ماما:بكون مشى للدكتور خليه حسي ووعد لم يجيني ارسله ليك البيت.
هزيت راسي وقمت عدنان مسك يدي وطلعنا مشينا البيت طلعت ادوشت ولبست بجامة لونها اسود ب تيفني ونزلت لقيته بخت في الأكل حضني وقال
-تعالي اكلي يلا💚.
هزيت راسي وقعدنا م كنت باكل و م عندي نفس بقى بأكلني لحد م اتمليت هزيت راسي بﻷ وعمل نفس الحاجة مسكت يده وقلت
-عدنان خلاص😪
-خلاص كيف انتي مفروض تاكلي 5 مرات وحدي ليك و 4 للأولاد ابتسمت وقلت
-م للدرجة دي انت كمان☺.
ابتسم لي وقام باس راسي ووقفني قال
-تعالي طيب اطلعي نومي.
كان حاضني وماشين دخلت الغرفة اتسطحت وعدنان جمبي تلفونه ضرب كانوا ناس الشركة رد و قام من جنبي حسيت بزول جاء ماري جمب الغرفة قمت طلعت والزول دخل غرفة قريبة لغرفتي انا وعدنان مشيت دقيت الباب وقلت
بابا ممكن ادخل؟.
م رد كنت ح ارجع سمعت صوته تعبان
-ادخلي يا سالي.
دخلت كان متسطح عكس الباب قعدت جمبه وقلت
-بابا انت زعلان مني يعني؟.
التفت لي وضماني قال
-ابدا والله💛.
قعدت ابكي قال بخنقة
-كفاية اني بكيتك عمرك كله كفاية خلاص.
مسح لي دموعي ورجع ضماني الباب دق بابا قال
-عدنان تعال.
عدنان دخل مبتسم معاه حليب وفايتميناتي قال
-اسف لكن نسيت اديهم ليها قبل شوية☺.
بابا ابتسم وقال
-تعال تعال.
جاء مد لي الكباية شلتها منو وبلعت الحبوب وشربته عدنان نكش لي شعري وشالها ومشى بابا جاب منديل وهو بضحك نضف لي خشمي وقال
-انتي لسة بتشربي الحليب بالطريقة دي😂❤.
ابتسمت ليه قال
-بتذكريني بأمك شديد عارفة انك نسخة منها؟.
هزيت راسي نكش لي شعري تاني بوزت وشي وقلت
-بابا م ممكن لكن😦.
قعد يضحك وضماني اليوم دا كان احلى يوم في حياتي حرفيا وكانت احلى نومة انا انومها من اتولدت💙 صحيت بالليل لقيت بابا مافي قمت مشيت الغرفة عدنان كان قاعد وشغال في اللاب توب قعدت في حضنه لف ايديه حولي وكمل شغل حمرت ليه ابتسم وقال بدون م يلتفت لي
-م تبوزي انا بحولك لفرع المدرسة الهنا ﻷنو مها قالت م ينفع تسافري حسي تاني محتاجة فترة ومع احوال البلد دي احسن ليكم هنا☺.
قلت
-احسن لينا؟ وانت؟
