كوميسار : هذي نيتكم لي توصلكم لهاذو امور ... وجبد بورطابل نتاع رياض وقعد يشوف في لفطو ... وقلها درك لازمنا نعيطو والديك وندوك لطبيبة شرعية باش نعرفو الا تعدا عليك وفقدلك عذرية نتاعك ،،،،،صفية بدات تبكي من خوف وقالت
صفية:لا مافقدش عذرية نتاعي ونروح لي طبية ونأكدلك مي غير ماتعيطوش لوالديا والله يقتلوني ولا يخرجوني من دار.....وهنا عبدو حس بيها خاف عليها وقال لكومسيار
عبدو:حاضرات حاب نطلب منك طلب
كوميسار بتعجب:واش !!!
عبدو :ماتعيطوش والديها حتي نشوفو الا راهي عذرا ومبعد انا نروح دارهم نخطبها،،،،،،كوميسار وصفية دهشو في زوج من واش راهو يقول
كوميسار:متأكد ياولدي من واش راك تقول
عبدو:واه متأكد خايف عليها تضيع ....صفية بقات تشوف فيه ودموعهاعلي خدها ذاتها كامل بدات تنمل حست انو صح هذا راجل لي 1000مرا تتمناه راهي كسباتو بلا حب شافت في عينيه وهو تبسملها ذابت من رجلتو
كوميسار : خلاص موافق درك لازم علينا ندوها لطبيبة ونشوفو ومبعد ساهل .....راحو عند طبية ولقاوها مزالها عذرا ....كوميسار حذف لي فطو خرج عبدو وصفية
صفية:علاش راك حاب تخطبني وعلابالك واش كاين
عبدو تبسم:نقلك علاش اولا كون نخليك كما هك والديك والله يقتلوك ولا يخرجوك من دار ....وثانيا حسيت حاجة تجذبني ليك حبيت نعرف واش هي ...صفية بلا ماتحس بروحها عنقاتو تعنيقة خفيفة وبقات تشوف في عينيه وهو تاني كانو في زوج غارقين في بعضهم بعض حتى عبدو فاق بصونات نتاع تليفون شاف شكون راه يعيطلو حتي يلقي.....نرجعو عند ايناس وهناء وهو مريحين يستناو في صقر الجزائري وقتاش يوصل حتى شافو ؟؟؟؟؟؟؟؟ جاي عندهم يتمشي غير بلعقل
إيناس: هذا واش جاب عزرينو هنايا ااااااف درك يقول باين خرجو يرندفو
هناء: ههههههه وهذي باينة بصح واش راه يدير هنا
إيناس :وحنا واش دخلنا يروح يخطينا برك
هناء:اسكتي راه جاي عدنا ......وصل عندهم ؟؟؟؟؟؟؟؟
؟؟؟؟؟؟؟:سلام عليكم
ايناس بتشناف:وعليكم سلام ،،بصح غير مايروح عقلك بعيد
؟؟؟؟؟؟؟؟:هههههه ماعندو وين يروح يقعد هنا ..ايه واش راكي ديري هنا يالالة باش مايروحش عقلي بعيد
إيناس:حبيت نشوف بحر ونريح عقلي شوي
؟؟؟؟؟؟؟؟؟:هههههه حبيتي تشوفي بحر ولا تشوفي صقر الجزائري ......ايناس وهناء دهشو كيفاش ؟؟؟؟؟؟؟يعرف صقر الجزائزي
