شيخه وصدر ديوان (نهوه)

خطه٢٧

بنات حقكم علية بس عرس اختي وملتهية وياها
جنه
سافر ابا الحسن وصارله اسبوعين بس شي جذبني انو رنا ساكته وتسمع الكلمه كلت الله يهديها
واليوم يرجع حبيبي وإني طبيت بالثالث وبطني بينت
كاعدة على الكرسي اكل ليمون وهم يشتغلون وكملو صعدت سبحت وحطيت مكياج خفيف ولفيت شالي ونزلت البنات كاعدات رحت كعدت يمهم شوية وفات ابا الحسن سلمنا علي اجه باسني من رأسي صلبينا  غدة واكلنا كملنا صعدت صليت وهو فات
أبا الحسن/هاا ام وليدي مشتاقلج
جنه/وإني هم
اجة باس بطني وضل يحجي وية الطفل وباوعلي  وووو و نمنا
كعدت العصر اشوف رنا مبدلة عمتي سألتها كالت مريضه اروح لاهلي نزل ابا الحسن وداعت نقهرت لان حيروحون بحدهم بالسيارة طيبة وجلال نزلو يطلعون يفترون وصفا راحت تشوف امها هي ومحمد وزين طالع وعمتي راحت للجوارين يعني بس اني وكوثر
كوثر/جنونه اصعد اعزل الغرفه واجب
جنه/روحي عيني
صعدت فوك وإني طلعت كيك اكل واتفرج بالنت مسلسل ندكت الباب استغربت منو فتحت وعساني لافتحتها
شفت رجال لحيته طويلة وهو ضخم واسمر وعيونة حمر عبالك واحد باجي ركزت عزاااا هذا قاسم(ابن اختها لحنان الراد يخطب جنه بس نسجن وهسة يمكن طالع)
جنه/تفضل اخوية ماكو زلم بالبيت
قاسم بخبث/ادري ماكو احد لهكذا اجيت ياحلوة
جنه/هي هي انته احترم نفسك اني مرة مزوجه وحامل افتهمت
قاسم/شكد تمنيت البطنج ابني
جنه /انتة متحترم نفسك امشي ولي منا لايجي الشيخ وتصير مصيبة
ردت اسدها وهو دفعها كمت اعيط نزلت كوثر تركض وصلت تصيح على ابن خالتها بس هو دفعها وتقدم الي صحت وووووخر لتتقرب الله يخليك ياربي ساعدني حسسسسسن وهو تقدم شاف شال حطة على حلكي وكان يضرب بية وكوثر تدفع وتخرمش بقاسم بس ياجبل ميهزك ريح شمر عليها النفاضة نشك راسها وصار دمها بطولها شوية وخربت وكعدت بالكاع كنت ارفس جوووا ياربي وهو يضرب ويصبح اهنتوني وخليتوني مالي اعتبار كمت اشرب  من وراج وقتلت من وراج ونسجنت من وراج
مافهمت شنو يقصد بس خفت على ابني لايصير بي شي بس والله عبالك قرة افكاري ضربني على بطني شاطت روحي للسما بعد ماحسيت بشي
ابا الحسن
ودين رنا لبيت اهلها وإني ماطايقهم بسرعه رجعت بس خابرني زين العابدين طلعنا للمعارض يريد يشتري سيارة ورحت تكاتبو ودفع الفلوس وشترا باركتلة ورجعنا للبيت شفت الباب الخارجي مفتوح كلبي لعب نزلت من السيارة وزين العابدين وياي
فات شفت مرتي وحبيبي واكعه بالكاع ويصفها كوثر غركانه بدمها زين تخبل ويصحي بيها وإني رحت على جنه
ابا الحسن/جنه حبيبتي كعدي ج٠٠٠٠قطعت اسمها من مديت ايدي جوة ضهرها وشفت الدم تخبلت وركضت للسيارة وزين بسيارته خطية راحت فرحته بالسيارة حتى كلي اول شخص يركبها كوثر اليوم بالليل نطلع💔
رحت للمستشفى هرجتها هرج اجة دكتور وفحصها كال المريضة وضعها حرج لان حامل أما كوثر كالو فاشخيها بشي ثقيل زجاج خيطو راسها وحطولها مغذي بقى يمها زين العابدين وإني كعدت باب العمليات انتظر رويحتي
دك تلفوني واباوع امي فتحت الخط خطية نهبطت من شافت الدم بالبيت ومن كتبها كامت تدك وتلطم ١٠ دقايق شفت محمد وصفا وامي كبالي امي ضلت تقرة قران وتبجي وصفا هم تبجي ومحمد مقهور على أخته شوية وصحت كوثر تبجي على اختها ومن وجع راسها الدكتور شاف حالتها كال الجمجمة متأذية لفو راسها بشاش وضربوها إبرة مهدئ رجعت يم الغرفة طلعت الدكتورة كلنا كمزنا يمها
أبا الحسن/بشري دكتورة شلونها زوجتي
الدكتورة/والله ماجذب عليكم المريضة جسمها كلة ازرك ومتعذبة عذاب شديد وضعها هي والجنين بخطر ودتنزف بعد عشر ساعات اذا ماوكف النزيف يمكن نفقد الأمل والطفل
ابا الحسن احس حيلي نهد ياربي هذا ثاني طفل ربي للاعتراض على حكمك بس حرمتني من الاول لاتحرمنيمن الثاني كمت ابجي اجو طيبة وجلال وطيبة تبجي وية امي وصفا ومحمد وجلال يروحون منا يجون منا وزين يم مرته

اني طلعت برة أدخن ماتحملت احس جبل على صدري منا مرتي ومنا ابني أو بنتي حتى ماعرفنا جنس الطفل 💔😔

الخاتونة