خواطر خطها قلمي

الحياة

"أحياناً تضعك الحياه في طرق لا تعرفها فإما أن تقرر السير أو البقاء في مكانك
ولكن وقتها التوقف ليس خياراً حكيماً
ربما تصحو يوماً لتجد أن عالمك اختلف شخص مات وشخص ولد شخصان تزوجا وآخران انفصلا
الحياه لا تخيرك في الأمور قبل أن تحدث
أو حتى تعطيك خبرا مسبقاً
بل تضعك أمام الأمر الواقع لترى كيف تتصرف
منا من يمل من الحياه بأحزانها وهمومها ومشاكلها فيقرر أن الأمر انتهى وأنه تعب
فيقتل نفسه بنفسه"

وده غباء
كل واحد فينا جواه طاقه مش من فراغ
الله سبحانه وتعالى نفخ فينا من روحه
هو ده السر اللي جوا كل بني آدم كل واحد فينا جواه قدره كبيره
في دراسه أثبتت ان الكهرباء الموجوده في المخ قادره انها أنور مدينه كامله لمده أسبوعين
يعني تخيلو كميه الطاقه
ربك عمره ما هيحطك في موقف أو بلاء أو مصيبه إلا وهو عارف وهو علام الغيوب
انك قدها
ان ربنا يخلقك نصيب
الفشل نصيب لكن الاستسلام قرار
الهموم والألم ده نصيب لكن انك تنتحر ده قرار
كلنا بنعاني من مشاكل في حياتنا ومشاكل كبيره لكن مش كلنا بنستسلم
اللي بيستسلمو بيتعبو لأنهم بيستنفذو طاقتهم وقدره احتمالهم في مشكله يقدرو يحلوها
أيوه يقدرو يحلوها
توكلو على الله بس مش كده وبس
ادرس المشكله افهمها وحاول تحلها من جميع الجوانب
ربنا هيساعدك
احيانا المشاكل والهموم بتكون ابتلاء من عند الله
فإما انه يكون بيكفر بيه عن ذنوبك
أو أن منزلتك في الجنه عاليه ومش هتوصلها بسهوله
وفي الحالتين ربنا بيحبك
هل حد فينا مش عاوز حب ربنا
الدنيا أتفه من ان احنا نتعب نفسنا ونشيلها هموم كبيره علشانها
لكن مش بقولك انسى الدنيا وطنش لكل حاجه
في حديث بيقول
قال رسول الله صلى الله عليه وسلم "اعمل لدنياك كأنك تعيش أبداً، واعمل لآخرتك كأنك تموت غدا"
حبيبنا بيوصينا ان احنا نعمل للدنيا دون أن احنا ننسى الآخره
مفيش حاجه اسمها مكتئب الشيطان بيحب المؤمن يزعل ويتضايق
#الدنيا _مش _مستاهله

أسعدنا مروركم❤