أسيره إنتقامه 💔

الفصل التاسع عشر

انتبه مراد الي حاله والي ما يفعله فابتعد عنها علي الفور  ناظرا لها فوجدها غافيه ولم تشعر بشىء فحمد الله ف نفسه انها لم تستيقظ او تشعر بما يفعله وبخ مراد نفسه بسبب ضعفه أمامها فهو لم يشعر بالضعف اتجاه احد من قبل. نظر باتجاها ناظره مطوله فهي نائمه بعمق استغربه قليلا ولكنه وجد عذر له بأنه أثر  تعب طوال اليوم ادي الي تنام بكل هذا العمق
نهض مراد من ع المقعد وقام بتعديل  حليته  ثم اتجه باتجاه باب الغرفه خارجاً منه قبل أن  تستشعر وجوده فيها.
خرج مراد من الغرفه  بهدوء صاعدا الدرج الي جناحه
ولج مراد الي جناحه ثم أغلق الباب وقام بحل عقدت الكرفت الخاص بيها ثم تناول ملابسه من غرفه الملابس الخاص بيه ثم دلف  بخطواته ناحيه المرحاض لكي ياخذ دش يشتت بيه أفكاره و استجماع نفسه،.

***********************
ف غرفه الخادمه سعاد
=ايوه ي ست هانم نفذت كل اللي امرتيني بيه بالحرف الواحد
شيري وهي ممده ع الفراش وتعبث بخصلات شعرها و علي محياها ابتسامه
=برافو عليكي ي سعاد، ايوه كده عايزكي تبقي جدعه وتنفذي كل اللي يطلب منك وانا هظبطك
سعاد بفرحه عارمه
=ربنا يخليكي ي ست هانم
ثم تنحنحت هاتفه
=انا عايزه اقولك حاجه كده
عقدت شيري حاجبيها ثم هتفت بيها متسأله
=ايه ي سعاد ف ايه
سعاد مجيبه
=انا ف اخر اليوم لقيتها تعبانه وخلاص مبقتش قادره وكانت عايزه مسكنه فبدل ما اديها مسكنه عطتها حبايه منومه
هبت شيري معتدله من جلستها هاتفه بيها بصياح وغضب
=انتي اتجننتي ي متخلفه بتعملي ليه حاجه من دماغك من غير ما اقولك واوجهك
ابتلعت سعاد ريقها بتخوف وقد رأت انها اوقعت نفسها ف مصيبه وهي لم تعي لها
=انا اسفه ي ست هانم انا افتكرت لما اعمل كده هتنبسطي
شيري بعصبيه مفرطه
=انبسط ايه وازفت ايه دانتي كده هتودينا ف داهيه بغبائك
سعاد بخوف بائن ف نبره صوتها
=يالهووي ع المصيبه انا مش عارفه عملت كده ازاي، عقلي راح فين ساعتها
شيري محاوله التفكير ف حل لهذه المعضله

=بصي وركزي معايا انا عايزكي متنطقيش بولا كلمه ولما تفوق واعترفت عليكي انك اللي عطتهولها انكري وكدبيها وقولي انها اللي خدته بنفسها عشان متشتغلش، فهمتي
سعاد بصوت مرتجف
=تمام تمام ي شيري هانم هعمل كده بس انا خايفه لمراد بيه يصدقها وساعتها هطرد ف الشارع
شيرى محاوله بث الهدوء في نفسها
=ماهو من غبائك بس زي ما قولتك انكري ولا أكنك تعرفي حاجه و سبيني انا لمراد، ومش عايزكي تشغلي دماغك تاني وتعملي حاجه من عندك انتي فاهمه
سعاد باسف
=اسفه مش هكررها تاني ي هانم ومش هعمل حاجه غير اللي تقوليلي عليه هعمله
شيري
=خلاص، اقفلي دلوقت ولما اعوزك هبقي اكلمك ومتعمليش حاجه من دماغك تاني، ثم قامت بإغلاق الهاتف ناظره أمامها بضيق
=كنت ناقصه وجع دماغ انا عشان المصيبه دي تحصل المهم بكره اروح لمراد واشوف هيعمل ايه مع البت دي

******************************
فى صباح يوم جديد

قامت الحاجه رحمه بإعداد الفطور لرب عملها قبل ان يستيقظ ثم هاتفت احدي الخادمات الواقفه بجوارها تعد معها
=هي ملك لسه  مصحيتش
الخادمه بنفي
=معرفش يا حاجه رحمه هي مفروض تصحي من ساعه وتكون معانا في المطبخ دلوقت
تعجبت الحاجه رحمه من حديثها ثم هتفت بيها
=طب روحي اوضتها وصحيها قبل ما مراد بيه يقوم من نومه ويكتشف انها مش معانا وساعتها مش هيحصل طيب
الخادمه
=حاضر ي حاجه رحمه ثم خطت خارج المطبخ لتنفيذ ما طلبته منها
خادمه اخري واقفه تعد العصائر تسأل بتحير
=حاجه رحمه هي مش ملك تبقي مرات مراد بيه ليه بيعاملها كده ومخليها خدامه معانا
هزت الحاجه رحمه راسها باسف
=مش عارفه يا بنتي والله بس كل اللي اعرفه ان مراد بيه كان بيدور علي واحده من طمأن عشان ينتقم منها مش عارفه هي دي ولا لاء
اندهشت الخادمه من حديثها
=ايه ده يعني دي ممكن تكون اللي كان بيدور عليها عشان كده بينقم منها
الحاجه رحمه  بنبره حزينه
=شكلها هي بس اصدقي صعبانه عليا اووي شكلها بنت غلبانه وطيبة ومتستهليش ده كله
الخادمه وهي توكد كلامها
=عندك حق ي حاجه فاطمه والله، بس هو عايز ينتقم منها ليه عملت ايه يعني عشان يعاملها كده ويخليها تشتغل ؟؟
الحاجه رحمه
=ما هو دا اللي محيرني ايه اللي ممكن تعمله لمراد بيه عشان ينتقم منها بالشكل دا.. وخصوصا انها بقت مراته يعني مفروض يكونوا بيقضوا شهر عسلهم، مش يرميها ف اول يوم جواز ليهم بره جناحه ويخليها تقعد ف اردئ اوضه من اوض الخدم
الخادمه
=مراد بيه دا قاسي اووي ربنا يهديه، ف أيدينا ايه نعمله بس ي حاجه رحمه، بس مسير الايام بكره تعرفنا ايه الحكايه
اومات لها الحاجه رحمه و حدثتها قائله
=يلا خلينا نحضر فطار مراد بيه ونحطه قبل ينزل
الخادمه
=ماشي يا حاجه رحمه
ثم التهوا في إعداد الفطور الخاص بمراد