البارت الثامن عشر
أيام لا تحتسب
#طائر_بلا_تغريد
ضفاف .....
انا ضفاف بت خال حيدر
من وعيت على الدنيه اشوف حيدر محاوطني من كل صوب
بلبيت
بلشارع
بلمدرسه
تعلمت على وجوده شوكت ما أحتاجه الكى موجود
كبرت ودخلت متوسطه وهو كل يوم يأخذني ويردني
خلصت متوسطه رحت اعداديه
وهنا ابوي قرر ابطل من المدرسه
ليش ماعرف
شنو السبب هم ما اعرف
اروح الأمي تكلي ابوج يعرف مصلحتج
رحت لأخوتي كالو بكيف ابوي محد يعترظ على حكم ابوي
سلمت امري لله وكعدت
رحت الحيدر شكيتله و بجيت
راح على ابوي توسل بيه ماقبل ابد قافل
حيدر .....ابوج مايقبل رافظ الدراسه
وانتي شتسوين بيهه أني بعد جم سنه اتخرج واجي اخذج ودرسج أني دروس خصوصيه
يعني ترجعني للدراسه
هههه لا ولج هاي دروس خاصه بس العشاق والمتزوجين ياخذونه
غضبت عليه وكتله
ايا ما تستحي
هههههه ليش ما استحي غير مرتي
دروح روح ورجعت للبيت
سلمت امري لله وبطلت دراسه
وجنت احسب يوم يوم الحيدر يتخرج ويخطبني
فعلا بيوم التخرج ثاني يوم اج خطبني
بس الي صدمني قرار ابوي
لازم حيدر يتعين يالله يقبل نتزوج
هنا أني انهاريت بقيت اصيح وأبجي
تخبلت
دخلت الغرفتي وقطعت الأكل
ثاني يوم دخل عليه ابوي
سويت نفسي نايمه
كعد على الكرسي الي بصف الجربايه مالتي وكلي
بويه ضفاف أدري بيج مانايمه
بس عندي حجايتين الج اسمعيهن واروح
سكتت
كلي شوفي بويه كل أب يتمنه يشوف اولاده احسن اولاد
يريدهم يصعدون لأحسن المراتب لا تصدكين اكو أب ما يحب الخير لأولاده
وخاصه البنات
بس الأب يشوف أشياء انتو ما تشوفوه
بحكم عمره وتجاربه بلحياة
انا من بطلتج من المدرسه جان المصلحتج لأن شفت الناس تحجي عليج انتي وحيدر
أني حيدر مربيه على أيدي وعرفه وعرف أخلاقه كلش زين
بس الوادم يبويه ماترحم
وانا ما أكدر اكل الحيدر لا تجي بعد خاف يزعل ويكلي تشك بيه
فكلت ابطلج من المدرسه صح قرار مو صحيح بس احسن من غير قرار الي راح يخرب بيني وبين اختي ولده
وهسه من تخرج حيدر وتقدملج
يبويه حيدر اتكالي متكل على اخوه علي بكلشي
من يوم توفه ابوه وعلي لازم البيت والشغل حتى بلعطله ما يطلع ويه اخوه
زين هسى لو راد يتزوج هم راح يتكل على اخوه
ويبقى هيج الفلوس تجي علحاظر لا يشتغل ولا يتعب
وانا اريدنه يعتمد على روحه
اريده يصير زلمه باجر علي تزوج وصار عده عيال
هم يبقه يصرف عليكم
أنت تقرأ
ايام لا تحتسب
Adventureالحب ليس أقوالاً مهما كانت جميلة إنما أفعال مهما كانت بسيطة الحب ليس ماذا تشعر إنما ماذا تفعل لتجعل من تحب يشعر بحبك الحب ليس بعدد المرات التي تقول فيها "أحبك" إنما بعدد المرات التي تثبت فيها أنك تحب الحب هو أن تعلم أن واحدا زائدا واحدا لايساوي إلا...
