جين : اهلا بكم في حلقة جديده في برنامجنا" لو عايزه تبقى جميله هنخليكي أجمل من شاكيرا" وطبعا لو عايزه تبقى أجمل مني تنسى لان مفيش أجمل مني بس تحلمي بردو مش عيب
المخرج : كاات، يبني قولنا متجودش متجوودش من عندك وقول الي في السيناريو
جين : انا بقول حقايق مش هتضر يعني عالعموم خلاص خلاص اتفضل قول اكشن ما انت شغال مخرج عشان تقول اكشن
المخرج : اكششن
جين : ورجعنالكوا ومعانا اتصال تليفوني ونقول الو
المتصل : الو ايوه يا جين انا معجبه بيك جدا وبجمالك ونفسي ابقى في حلاوتك كده
جين : حضرتك انا مش جني المصباح عشان تخليكي في حلاوتي انسى
المخرج : كاات يبني كفايه تحرج في الناس كده واتلم بقى
جين : اوكيه اوكيه بس هي بردو الي بتطلب المستحيل اعملها ايه
المخرج : اكششن
جين : ورجعنالكوا ومعانا اتصال تاني ونقول ألوو
المتصل : الو حضرتك انا عندي مشكله
جين : اتفضلي البرنامج ده موجود عشان افيدكوا ومتقدروش تعيشوا من غيري طبعا
المتصل : حضرتك انا عندي حتة ارض وأهل جوزي عايزين ياخدوها فعل لو بعتلهم ناس يضربوهم يبقى ده حلال ولا حرام
جين :؟؟؟؟ جرا ايه يا زينبو؟؟ انتي فاهمه غلط يا حبيبتي ده برنامج لجمال بشرتك مش لجمال جوز حضرتك، تقفلي السكه يا حجه اقفلي
المخرج : يبني في حد يقول اقفلي كده
جين : إنت عايز تطلعني غلطان وخلاص ياعم ديه بتقولك ارض وضرب وجوزها ديه فاكره اني ريهام سعيد
المخرج : اخر انذار ها، اكششن
جين : ومعانا زفت اخر اتصال ونقول الو
المتصل : انا عندي مشكله في بشرتي
جين : اتفضلي
المتصل : حضرتك انا شكل مناخيري مش عاجبني وعايز اها تصغر
جين : حضرتك ده ملوش علاقه بالبشره خالص ديه حاجه بتاعة ربنا هنلحد
المتصل : طب شفايفي صغيره وعايزاها تكبر
جين : اعملي عمليه وصنفري وشك متقرفنيش
المتصل : طب حضرتك عيني واسعه عايزاها تضيق
جين : حضرتك جايه تحققي أحلامك هنا؟
المتصل : طب اعطيك مية الف وتخليني شبه شاكيرا
جين : طب اعطيك ميتين انا وتقوليلي ازاي؟
المخرج : كااات، انت ايه يبني قلة الذوق ديه
جين : ياعم الناس فاكراني جني المصباح مش لاعب
المخرج : في داهيه يمشي واحد يجي الف
جين : وروني هتجيب ا واحد في جمالي ازاي، ده كل الي هنا شبه وش رجلي
المخرج : خد هنا يابن اللل...
