(الاصرار ) للكاتب المجهول

بارت 15

#الاصرار
#للكتاب___ المجهول
#بارت__ 15

ولكن وبعد اكمال 20 يوم من بعد خروجي من المستشفى وفي ليللتها وبعد ذهابي الى الفراش رأيت حيدر في عالم الرؤيا مبتور اليد والساق من خلاف ومليء بالدماء والجراح و كان ينظر الي بحزن شديد و الدموع تسيل من عينيه وانا واقفه مصدومه من هول المنظر وكأنه فلم رعب وعندها استيقظت من المنام خائفه فزعه اتنفس الهواء بشده وكأنه يريد ان ينفذ واشعر بأن ريكي قد نشف وقد كنت بحاجه شديده الى شرب الماء  والدموع تسيل من عيني وانا اصرخ  وابكي
ماماااااااا...ماماااااااااا وينج تعالي بسرعه

لما ماما  وبابا سمعو صوتي اجوني يركضون مفزوعين
ابو مريم....ام مريم...... ها مريومه حبيبتي شبيج

مريم...... اريد مي اريد مي

ام مريم..... اي اي حبيبتي هذا مي اخذي .

كنت اني وابو مريم كاعدين بالصاله وسمعنه صراخ وبكاء مريم ورحنه ركض الها خايفين و شفناها تتنفس بشده وخايفه ركضت عليها حضنتها وبديت اهدء بيها وانطيتها الماء بعد ما طلبتي مني

مريم ......... وين حيدر 😡لا تجذبون عليه وتكلولي حيدر بالعنايه المركزه صارله 20 يوم ما معقوله ما صار زين لسه ليش متقبلون تاخذوني اله جاوبني احلفكم بكل غالي عندكم جابوني ليش انتم هيج تسون بيه احجو الصراحه حيدر وين ودوني اله 😭

ابو مريم....... من بعد ما ام مريم انطت المي لمريم مريم فتحت عيونها بغضب وتصيح وتطرح علينه اسئله عن حيدر وضعه وطلبت منه ان نجاوبها بكل صراحه عن وضع حيدر كانت مثل المجنونه وهي تسألنه وتبجي وتكسر بالاشياء

ام مريم........ بعد ما شفنه مريم بهاي الحاله ما كان امامنه اني و ابو مريم غير البكاء

ماما مريم حبيبتي اهدئي لخاطري

مريم ..... ما اهدء الا تكلولي حيدر وين 😭

ابو مريم.... بابا مريم حيدر....😢

مريم..... بابا شبي حيدر جابوني ليش سكتت مو كطعته لكلبي  بابا احلفك بغلاتي عدك جابوني ارجوك بعد ما اتحمل جابوني 😭

ابو مريم ...... ح..ح..حيدر مات من لحظه تعرضكم القصف  بس انتي نجيتي من القصف والجيش العراقي هم الساعدوج واخذوج لمستشفى 

مريم....... من عرفت حيدر مات من لحظه القصف صرت بحاله صدمه وما نزلت مني اي دمعه حيدر الي كنه مخطوبين اربع سنوات وازوجنه سنه وحده حتى بهذا الحادث افتقده ونفترق نهائيا كميه الفقد والوجع  الحسيت بيها مو طبيعيه 
شنو الكان المفروض عليه ان اسوي ان انهار واستسلم لهذا قدري طبعا لا قررت اتحدى  قدري حتى اكمل طموحي.
بعد مرور ست اشهر  عانيت بحاله نادره بعيني  وهي حاله ضمور بعيني بسبب قوة الاصابه  وبسبب الشظايا لسه بعدها بعيني  ماعندي غير حل ان اخرج مره ثانيه من الموصل واسوي تقرير طبي ثاني لكن انرفض بسبب انو اني معاقبه  لكونه اكتشفو بان التقرير الاول كان مزور حتى اتخلص من عدهم
لذلك كالولي انتي ممنوعه من الخروج من الموصل
بعدها رجعت للبيت وحجيت لاهلي عن رفض داعش لخروجي من الموصل و ضحتلهم السبب الي كالولي بي داعش وهو التقرير المزور
ام مريم..... بس مريم انتي راح تفقدين عينج  هذا الشي راح يوقفج؟
مريم..... لا ماما مو هدفي بأن اقنع الشخص بشكلي هدفي هو ان اكمل طموحي
ابو مريم ..... عفيه بنتي اريدج هيج قويه ومصره ع تحقيق احلامج
مريم..... بابا اني واعدتك بأن ارفع راسك وان شاء الله اني عند وعدي الك 😊
ابو مريم ..... يا حبيبتي يا مريومه
من شفت قوة مريم وتحملها وكلامها اليه حضنتها وبست راسه وبينتلها افتخاري واعتزازي بيها
في 2016  ............ يتبع

اتمنى لكم قراءة ممتعه 😍❤