عشك بصراوي

بارت-23

#عشگ_بصراوي

#بارت–٢٣

- هِي اذآ عَالبرآئه ، شّگد بَريئه
هِي اذا عآلجرأه اقوى من ألجَريئه
هي نآر بنصها جَنه ،
قآسيه تگطر ، مَحنه
' تخَآف وتخُوف عَجيبه

ريم

احلامي كلها تخوفني واحد ايده قابضة رقبتي وتخنگني بالقوة گدرت اتخلص منه واگعدت
بنفس ضيق وصراخ عوفوني اريد اتنفس راح اموت وادفع بكل شي قربي
فتحت عيني على ضربات ايد خشنة
وصوت يصحيني
؛؛ريم گعدي شبيج بس صراخ ماعرفت انام
دفعته ارجف وصحت بي
؛؛انت شدسوي هنا ليش يمي نايم
كمشني من اكتافي يهدئني ومااعرف بس اريد اضربة واصرخ بي
وخري عني مااريد اشوفك انت جنت تخنكني واني نايمه مكفاك كل ضرب لاحكني حتى باحلامي
صاح بيه
ريييم ماكو شي محد ضاربچ انتي ليل كله ماخذه لفراش ضرب ودفرات
هدني
دفع لفراش و گام ينافخ ويستغفر
استغفرالله الله يطولچ ياروح شراح يصبرني عليچ
اخذ قميصة لبسة يدكم ويحجي عليه
؛؛كلشي تردي كتلچ اطيچ ومااوصلچ
واهلچ اخذچ الهم كل سبوع زيارة بس مديفيد كلشي وياج
صحت بي ودموعي تجري
؛؛يعني انت مسوي عليه فضل تاخذني لاهلي
ليش شراح اشوف هناك مثل گل بنات
اخوية بضحكتة يفتح لباب
وامي مستقبلتني بدموع لفرح شابگتني
وبابا يصيحني يبوس راسي
كمت من لفراش وهمستله بصوت مخنوگ
هاي گلها ماتشوفها ريم
تعرف ريم ششوف هناك
قطع بيها اسامي اهلها مصبوبة على
گم گبر وعليه ماي ورد وعواد بخور
تستقبلها ونينها ...و دموعها التحرك گلبها
وكم سالوفة من سوالف اهلها
ابشرك يعامر ريم شصارت
چن (كأن ) ترب على گبر متروك من زمان
محد ماسحه چي (كي ) لا تنشاف
وتجيها فاتحة من لمارة
تنور گبرها
واقف مقابيلي وصافن عليه عيونه حمر
قرب مني
مسح دموعي
وهمسلي
يريم الراح ميرجع لا ضلين خانگة روحج بأوهام
كضيت ايده حيل وكتله
مدااكدر احس نفسهم وياي انت متأكد همه هناك عامر مدااصدك اريدهم يردولي حيل اشتاقيت لاهلي
ردني
الفراك صعب وناره تكتل وانه لو كادر ارد احد چان رديت اخوي لككن هذا امر الله مااكدر اغيره
نزل ايده من وجناتي وكالي
تعالي نزلي اكلي لبارحة ماكلتي شي
انه معدومة شهيتي ودائما مخنوكة حتى مااشتهي اكل لكن گلت انزل لا تجيني حجاية خليت شال على راسي و نزل ويا وقبل مننزل قفل لباب وكالي
شوفي بعينج قافلها ماكو احد يكدر يدخل
فلتخافين
نزلت جوا دخل وي لصاله شفت من بعيد ابو گاعد وي ابن عمه محمد
لفيت شالي زين وفتت للمطبخ اريد اشرب مي
ماكو احد ..
فتحت ثلاجة وخذت سراحية وكوب اول ماخليت بحلكي اسمع صوت مريم وراي
؛؛يي شربي زين وبعدين ذبي وصخج علينه وننسحيل انظف وراج
انداريت وعيونها حمر اعصاب وتريد تبجي عرفت ذليتها ومسحت افضالتي تستاهل اباوعلها منزلت عيني اذكر كلام اختها واريد اقتلهن اثنينهن
حاولت ابرد اعصابي لا ارتكب جريمة بيها
كتلها
ليش عصبيه كلمن ومستوى انتي عرفتي قيمتج لبارحة
قربت مني جرت ايدي
لچ انتي زبالتنه متوصلين وچاية تفكين حلگج
صدكي اذا مفركنه حلكچ وطردناج من هل بيت فلا بنت ابوي
دفعتها بأصبعي
شسوين سوي لا عبالج ميته عليكم
ودرت وجهي اجيت اطلع امها واگفة زامختني گبال لباب شون خلق من صبح تگطع الرزق كعدت بغرفة يمدن نسوان بيها الاكل
اشوف محد اجه واسمع كلامهم عليه
غرفة رياجيل بصفي قربت اسمع تكله
مكفي خالها كل يوم جاي مهدد تجي هاي لعوبة تغلط على بنتي تكللها انتي مستواج وي زواعي ترضاها يشيخ جلال
ضليت بصدمة معقولة خالي رجع من ايران قبل حادث بسبوع راح اخذ بيبي تعالج عينها عملية بأيران
ياربي وصله لصار بيه لازم اوصله واحجي ويا هوه يحبنه اكيد يساعدني من اني وصغيرة يكول الله مارزقني بنت عوضني بريمه
بيج قصص عراقيه حقيقيه من واقعنا.روعه الطائي
هوه عنده بس واحد تخرج قانون و سافر يم امه طليقته خالو بأمريكا عايش وياها
يچي كل اربع سنين للعراق يشوف خالو وبيبي ويجي يمنا يكللها لامي
عمه بس تكبر ريمة ازوجها واخذها برا اسحبها تعيش وياي
وامي تكله هاي عيوني وروحي من دنيا مااتحمل افراگها
بيبي كانت دائما تكول ريمه لرياض
واتخجلني كان مثل حب طفولة كله براءة لان يداريني ويجيبلي العاب وملابس من خارج عراق كل سفرة هوه اكبر مني بلحدود ١٣سنة
انتظر الاربع سنين شوكت تخلص ديجينه
ونستلم غراضة نوزعها بينه
والله ايام مابقت منها بس ذكريات و دموع